شرح لمطالب المعلمين لعام2012-2013

[همسات المصريه]

- إدراج المعلمين ضمن الحد الأدنى للأجور بما لايقل مرتب المعلم في بداية تعينه عن 1500 جنيه .
- حصول المعلمين على درجاتهم المالية المتوقفة وترقياتهم بدون اى شروط وبعيدا عن الأكاديمية .
- حصول المعلمين على حافز الإثابة 200% دون المساس بالكادر ومكافأة الامتحانات .
- إلغاء امتحانات الكادر وعمل دورات تربوية وأكاديمية وإدارية ترفع مستوى المعلم المهني .
- حصول المعلم على أي زيادة تقرها الدولة لجميع العاملين بالدولة بنص قانون 155 مادة 89.
- صرف مكافأة الامتحانات بما يعادل 500 يوم أسوه بالعاملين بديوان الوزارة .
- حصول المعلم على مكافأة نهاية الخدمة مساوية للدكتور الجامعي والبترول والكهرباء .
- حصول المعلم عند صرف المعاش على أخر مرتب وصل إليه قبل المعاش .
- وجود تأمين صحي ورعاية طبية شاملة بكل مدرسة للمعلم والطالب معاً .
- إنشاء استراحات على أعلى مستوى من الخدمات والراحة عند انتداب المعلمين للتصحيح
عودة تكليف خريجي كليات التربية- إن يكون وزير التربية والتعليم من المعلمين .
- تثيب جميع العاملين دون قيد أو شرط .
- تغيير المسمى الوظيفي للمعلمين .
- معاملة معلمي المدارس الخاصة بنفس معاملة المعلمين في المدارس الحكومية ووضع راتب عادل أسوة بباقي المعلمين في الحكومة
- عوده نادي المعلمين للمعلمين ومحاسبة المسئولين عن إهدار أموال المعلمين فيما يسمونه تجهيزات للنادي.
- تطهير الوزارة من كل الهيئات التي تستحوذ على ميزانية التعليم من مستشارين وأكاديمية وهمية ونظام الجودة ومساواة موظفي الوزارة مع المعلمين في الرواتب ووضع حد أعلى للأجور ( وتوفير هذا الجزء الكبير من الميزانية يساهم في رفع رواتب المعلمين) .
- اتخاذ الإجراءات القانونية ضد أي تعدى يقع على المعلم.
- تحسين أحوال الإداريين والعمال بالمساواة بالمعلمين.

[راشد1]

تماااااااااااااااااااااااااااااااااااااااااااااااا اااااااااام مظبوط

[aly almasry]

المعلمين لهم مطلب وااااحد بس
هو من خرجوا من اجله
فلووووووووووووس

[bob1111]

المشاركة الأصلية كتبت بواسطة aly almasry

المعلمين لهم مطلب وااااحد بس
هو من خرجوا من اجله
فلووووووووووووس

مش فلوس بس احنا طلبنا بتعديل قوانين الكادر لرفع المستوي المادي والمعنوي وتحسين العملية التعليمية والدليل اننا قلنا الزيادة المادية ممكن الحكومة تجدولها بس الحكومة بتماطل ومش عايزة تزود المعلمين والدليل ان وزير المالية بيقول المعلمين بياخدو 37%من اجور العاملين في الدولة ده طبيعي لان المعلمين مليون وستمائة الف والعاملين في الحكومة بما فيهم المعلمين 6 مليون اي اكثر من 20% غير النظام الجديد اول ما بدأ قال حنطبق حد ادني واقصي ومطبقش ففي عدم عدل في توزيع الاجور وده واضح من ارتفاع اجور الكهرباء والشرطة والبنوك وتدني اجور المحليات ومنها التعليم ففين التوزيع العادل

[همسات المصريه]

هى ديه المطالب الحقيقيه والى بيتكلم على الفلوس اعتقد ان اى مدرس يعطى دروس معاه فلوس ومش لازم يقف بجانب اخوانه الزملاء ..........يا ترى مين الى فى المظاهرات والاعتصامات.........
الخاصه بالمعلمين هل هم قله مدسوسه من جميع المحافظات ؟
كلا للاسف انه المعلم .........ولو حد عايز مطالب مختصره وشرح ملخص مطالب ماديه ومطالب ادبيه =عيشه كريمه

[عبده ان]

هو حضرتك يا استاذ على مش محتاج فلوس يعنى لو جاءت الزيادة مش هتاخد وتستغنى عن الزيادة وتتبرع بها ولا تاخد .
هو المرتب اللى تاخده بيكفيك ولا انت عندك شغل تانى
الشرطة واساتذة الجامعات والقوات المسلحة وغيرهم زادت مرتباتهم ولا حرام علينا

[همسات المصريه]

عيشه كريمه............................
انا انسان................
حياه ادميه...............وللمعترضين وغير مدرسين الفصول ......................
ياريت نسمع لحظات من الصمت

[ابوعرابى1]

نعم وكلها مطالب مشروعة

[amrmohamad]

كلام جميل جدا

[محمد_أشرف]

اى مدرس بيدى دروس خصوصية كلب فلوس وهما اللى مضيعين الطبقات الأخرى الكادحة

[أبو اليسر]

أطالب بضم المدة السابقة فالظلم كل الظلم أن يضيع من عمرنا خمس سنوات هدر كانوا فى فترة التعاقد

[khaled alsayd]

المشاركة الأصلية كتبت بواسطة aly almasry

المعلمين لهم مطلب وااااحد بس
هو من خرجوا من اجله
فلووووووووووووس

للاستاذ على المصرى : يا عم سيبنا فى حالنا انا ملاحظ انك جالس تعكنن على المدرسين
واضح انك مش مدرس او انك معاك سبوبة ومش فى دماغك المرتبات

[fzsss]

في ملاحظة مهمة جداً قبل الكادر المدرس درجة أولى كان نصاب حصصه 9 حصص فقط وكان المدير العام كان 6 حصص فقط لما جاء الكادر كان اسمه كادر المدرس وأصبح المعلم يأخذ 18حصة والمعلم الخبير ( مدير عام ) يأخذ 16 حصة يعني وفرنا للدولة أكثر مما أخذنا وهذا لم يأخذ في الاعتبار من أي جهة و ينص قانون الكادر على أي زيادة لأي موظف في الدولة يحصل عليها المدرس أيضاً . لذلك يجب أن نأخذ الكادر كله على الأساسي القديم ونأخذ 200 % الجديدة مثل جميع الموظفين في الدولة على الأساسي الجديد أو نرجع زي زمان بلا كادر ونأخذ 200% الحوافز الجديدة ويعود نصاب الحصص القديم وتشوف الوزارة هى ظلمت المدرس أم لا.