محتاجه مساعدتكم ضروري.. ياريت اي حد يفدني

[حفــــيده الرســــول]

السلام عليكم ورحمه الله وبركاته

انا ان شاء الله هعمل دبلومه مهنيه .. انا خريجه تربيه انجلش والحقيقه مش عارفه ايه اكتر تخصص هيكون مفيد ليا ... ممكن حد يساعدني انا ممكن اخد تخصص ايه

[violet.flower]

مرحبا عزيزتي
مالها علاقه بالتخصص بالبكالوريوس
المهم انتي عايزه تكملي في ايه والهدف ايه
يعني بتشتغلي في شغل اداري فتاخدي اداره مدرسيه
ولا عايزه تشتغلي في مدارس ذوي الاحتياجات الخاصه فتاخدي تربيه خاصه
ولا بتشتغلي في مدرسه فتاخدي علم نفس مدرسي

علي حسب هدفك من مواصله تكمله الدراسه هيكون اساس لاختيارك للتخصص

لكن ان بحثتي علي الاسهل او ما شابه فلا انصحك بهذا
فلتواصلي علي هدف انتي تحدديه عزيزتي

والله يوفقك ^-^

[بنت الأزهـر]

وعليكم السلام ورحمة الله وبركاته

لو هتكملي إنجليزي يبقى مفيش غير تخصص واحد " تدريس مادة أكادمية"

لو حابة تغيري حسب ميولك بقى في تكنولوجيا التعليم لو حابة كمبيوتر وتصاميم وفي علم نفس مدرسي لو تحبي تدرسيه وفيه تربية خاصة بتاعت ذوي الاحتياجات الخاصة وهكذا.

ربنا يوفقك لكل خير.

حاولي تسرعي شوية لان التقديم قرب يقفل. في طنطا آخره 13-9 بإذن الله. صحيح قد يمتد لكن محدش ضامن.
وربنا ييسر لك ويعينك.

[حفــــيده الرســــول]

متشكره لكل اللي رد عليا بس انا حاولت اختار تدريس ماده اكاديمي بس التخصص ده مش موجوده في الكليه عندي

وناس كتيييير قالتلي كالما انت انجلش اختاري طرق تدريس واختارت طرق تدريس بس معايا اسبوع علشان اغير التخصص بتاعي بس كل خوفي انه ميفدنيش بعد ما اخلص

انا اساسا بكمل دراسات عليا لهدف واحد اني عاوزه اطلع توجيه بدري فبليز اتمني تفيدوني التخصص ده هيساعدني والا لأ

والتخصصات اللي عندي

اداره مدرسيه

ضمان الجوده

تكنولوجيا التعليم

تربيه خاصه

تعليم الكبار

مناهج دراسيه(( طرق تدريس))

بليز ردوا عليا لاني بجد محتاره جدا وخايفه اوي ومش عارفه اعمل ايه