المعلم والزياده الماليه

[احمد احمد الدرس]

المعلم هو محور التغيير فى البلاد
وهو حامل لواء المجد والعز والفخار للوطن
المعلم هو صاحب القلب الكبير الذى يحنو على ابناءه
المعلم يتمنى ان يرى طلابه احسن منه وفى المراكز المرموقه ويفخر بأن هذا المسئول كان طالباً عنده
أتمنى أن أرى هذا المعلم فى مدارسنا وفى كل ربوع الوطن
أتمنى ان نقف للمعلم ووفيه التبجيلا
أتمنى أن اراه مصلحلاً اجتماعياً وقائداً ربانياً يقود العالم للنصر المنشود
أين أنت أيها المعلم المجاهد العالم الربانى ؟
أتمنى أن أراك وأنت تسير ووراءك الناس يقولون هذا قائدنا ومربينا ومعلمنا
بئس الأموال التى ضيعت هيبتنا والمناصب التى فرقت شملنا وجعلتنا فى ذيل المهن
هل سنعود ؟

[رفعت توفيق 2]

خليك واضح عايز إيه بالضبط بدل اللف والمراوغة والدوران

[amrmohamad]

كلام جميل عن المعلم ودوره فى المجتمع

[shift gear]

اللى يقولك راعو حال البلد قوله موافق جد جدا جدا بس بشرط واحد
القاضى ياخد 900 جنيه فى الشهر و الوزير و لوا الشرطه و دكتور الجامعه و بتوع الضرايب و الكهربا و البنوك الحكوميه
فى الحاله دى انا مش هعمل اى اضرابات
انما الرجاله الحلوين دول يعيشو مستريحين و انا بلحس التراب فيتحرقو بجاز ولا يمثلو لى اى شىء
مش واحد اتعين بالفساد و الواسطه و هو اصلا بصمجى و يبنى و يجيب لعياله شقق و عربيات
و تيجى عليا انا تقولى راعى البلد هقولك فى المشمش... لما مرتبى ميقضيش ايجار الشقه و خمس ايام معيشه فى الشهر يبقى تخلى فى وشك دم و تنهى الحوار الساقط اللى انت بتعمله ده

[mahmoud sayed ali]

باين علية اخواني ( الفلول الجدد)

[مدرسة زاوية دهشور]

حسبنا الله ونعم الوكيل

[هاملت1]

ههههههههههههههههههههههههههه

عيب

[شعبان عيسي]

ياجماعه ننتظر النهارده ونشوف الوزير هيعمل ايه

[sherif_shemy]

حتى العنوان فيه خداع ويدل على عدم مصداقية لكاتبه

[الفضالى]

لا حول ولا قوة الا بالله
اخى صاحب الموضوع
حقق للمعلم عيشة كريمة
لا اقول ساويهم بالقضاه او البترول او الشرطة او الجيش او البنوك او الكهرباء
انما نصهم فقط وستجد معلم اروع مما تحلم به
مجرد انه يشعر انه غير مهان فى بلده فقط
اغنيه عن درس او مجموعة مدرسية
ا

[نجم الدين فتحى]

عنوان مقرف
و كلام لا يودى ولا يجيب
و لا سعادتك مش معانا فى نفس الحاله المقرفه و الوضع المهين
فوووووووووووووووووووووووووووووووق يا سيد
و قول كلام يرضى الناس و يرضى ربنا
و لا كان نفسك تكون غفير
اى معلم فى وقتنا ده الغفير احسن منه ماديا و ادميا
على الاقل الغفير ليه هيبه الشرطه
بطلوا بقه قرفكم ده
و اللى عنده كلمه يقولها و ينصف المعلم يقول و اللى بشكل سعادتك يا ريت يفارقنا

[ahmed saed]

يعنى اروح للجزار اقول له انا المعلم بتاع التغيير وحامل لواء العز والمجد والفخار انا المعلم ابو قلب كبير الذى يحنو على ابنائكم يقوم هو بقى يحنو على ابنائى ويعطينى من غير الاموال البائسة التى تتكلم عنها اصح ياحاج احمد الحيا ه مش كده ربنا يهديك اللى يسكت على حقه ضعيف والمسلم القوى خير واحب الى الله من المسلم الضعيف

[eissasoft]

المشاركة الأصلية كتبت بواسطة احمد احمد الدرس

المعلم هو محور التغيير فى البلاد
وهو حامل لواء المجد والعز والفخار للوطن
المعلم هو صاحب القلب الكبير الذى يحنو على ابناءه
المعلم يتمنى ان يرى طلابه احسن منه وفى المراكز المرموقه ويفخر بأن هذا المسئول كان طالباً عنده
أتمنى أن أرى هذا المعلم فى مدارسنا وفى كل ربوع الوطن
أتمنى ان نقف للمعلم ووفيه التبجيلا
أتمنى أن اراه مصلحلاً اجتماعياً وقائداً ربانياً يقود العالم للنصر المنشود
أين أنت أيها المعلم المجاهد العالم الربانى ؟
أتمنى أن أراك وأنت تسير ووراءك الناس يقولون هذا قائدنا ومربينا ومعلمنا
بئس الأموال التى ضيعت هيبتنا والمناصب التى فرقت شملنا وجعلتنا فى ذيل المهن
هل سنعود ؟

يا أخي حرام عليك هي نقصاك انت كمان كفاية اللي إحنا فيه رسالة إيه اللي انت جاي تتكلم عليها ....
لما تحب تاكل لحمة تروح للجزار وتطلب منه يديك كيلوا لحمة وتقولة مفيش فلوس علشان أن اصاحب رسالة ومهنة راقية وسامية ولا أمتلك فلوس ...
ولما ابنك أو زوجتك يتعبوا تروح للدكتور وتطلب منه يكشف عليهم دون أن تعطيه الفيزيتا وتقول له أنك صاحب رسالة سامية والكلام الفارغ ده .....
لما تحب تقف في طابو العيش وتأخذ 10 أرغفة عيش تقول للفران أنك صاحب رسالة سامية ولا تملك نقود .... وهكذا وهكذا .
لضربوك بالجزم وطردوك ولعنوك ... إذا هي النقود التي نعمل جميعًا من أجلها والتي تعطيك كرامة ومكانة بين الناس في هذه البلد ...
ارحمممممووووووووووووووووووووووووووووووونا شوية

[ايمن69]

حسبي الله ونعم الوكيل

[abdalla_abdalaty]

[quote=احمد احمد الدرس;4817278]المعلم هو محور التغيير فى البلاد
وهو حامل لواء المجد والعز والفخار للوطن
المعلم هو صاحب القلب الكبير الذى يحنو على ابناءه
المعلم يتمنى ان يرى طلابه احسن منه وفى المراكز المرموقه ويفخر بأن هذا المسئول كان طالباً عنده
أتمنى أن أرى هذا المعلم فى مدارسنا وفى كل ربوع الوطن
أتمنى ان نقف للمعلم ووفيه التبجيلا
أتمنى أن اراه مصلحلاً اجتماعياً وقائداً ربانياً يقود العالم للنصر المنشود
أين أنت أيها المعلم المجاهد العالم الربانى ؟
أتمنى أن أراك وأنت تسير ووراءك الناس يقولون هذا قائدنا ومربينا ومعلمنا
بئس الأموال التى ضيعت هيبتنا والمناصب التى فرقت شملنا وجعلتنا فى ذيل المهن
هل سنعود ؟[/quote
ربنا يوقف نموك هى نقصاك ]