الاقتراع على سحب الثقة من نقيب المعلمين

[بنى سويفى]

نحتاج الى توقيعات جميع معلمى مصر لسحب الثقة من نقيب المعلمين

الاقتراع على سحب الثقة من نقيب المعلمين :

لا لنقيب لا يحترم عقولنا عفوا السيد/احمد الحلونى . نحن لانرضا ان يخدعنا احدا ثانيا

نريد نقيبا يمثلنا ويحترم عقولنا ويستطيع توفير كافة الخدمات للمعلمين بشكل نرضى عنه كمعلميين مصريين حفاظا على حقوقنا وحقوق أولادنا من بعدنا

نحتاج الى توقيعات جميع معلمى مصر لسحب الثقة من نقيب المعلمين.

ونقوم برفع قضية لسحب الثقة من نقيب المعلمين.

[ولاء الدبيكى]

لابد من تنفيذ الفكرة لكنها تحتاج إلى آليات لابد من الإتفاق والإجماع عليها كى تكون الإجرا ءآت سليمة حتى يكون عبرة لكل من يأتى بعده

[بنى سويفى]

كشوف التوقيع ياجماعة بالمرافقات ياريت اللى يعرف حد من النقابة المستقلة اوالمعلمين الشرفاء يتبنى الموضوع

وشكرا

[لطيف20002000]

يسقط المخادعون و تحيا مصر

[بنى سويفى]

المشاركة الأصلية كتبت بواسطة بنى سويفى

كشوف التوقيع ياجماعة بالمرافقات ياريت اللى يعرف حد من النقابة المستقلة اوالمعلمين الشرفاء يتبنى الموضوع

وشكرا

هل من تحرك فين المعلمين.................................!!!!!!!!!!!!!!!!!

[مدرسة زاوية دهشور]

ثلاثة شهور على النقيب فقط ثم نسحب الثقة ايه العدل ده وغيره قعد عشرات السنين ولم يتفوه احد بكلمه

[محمد ابو اسلام]

الناس دى عاملهزى اللى بيتعقوا فى الفضائيات ليل نهار عن أخونة الدوله عشان واحد من الشعب المصرى تولى منصب بيشوفوا انه حرام لازم واحد منحرف يتولى أى منصب عشان يرضوا و طبعا هيستفيدوا

[ادكاوى]

سيندم الاخوان فى وقت لا ينفع فيه الندم
وأذكرهم بقول الله " وسيعلم الذين ظلموا أى منقلب ينقلبون"

[مجمج74]

افكار فاشلة وغير عادلة وانتهازيه وعقول يسيطر عليها المال فقط والطمع هل تريدون مسؤلين حراميه ينهبوا ويعطوكوا ولا يشحتوا ويعطوكوا اتقوا الله ولا تكونوا انتهازيين فاين انت يا معلمين من الرضا بالقليل هل انتم ستعلمون التلاميذ الانتهازيه والطمع وهل انتم من ستهتمون بالتلاميذ من اضرب عن العمل من اجل المال فلن ينصلح حاله حتى ولو نال مال الدنيا كلها

[malkhamza]

الى الاخ الاخوانجى مجمج وناكل عيالنا منين يااستاذنا الفاضل ونلبس عيالنا ايه رضا ونحمى كرامتنا ازاى لما يكون غفير الشرطه مرتبه اعلى من المدرس لما بكون انا بشتغل من 7 الصبح ل 10 بالليل ومبشوفش عيالى وكمان مش مكفيهم مصاريف اعمل ايه ساعتها .............لما يكون فى ناس لسه لحد دلوقتى بتاخد مليون واتنين وتلاته .............تقدر تقولى الاخوان معملوش حد اقصى ليه فين العداله الاجتماعيه ياظلمه

[الاخ الكبير جدا]

يسقط المخادعون و تحيا مصر

[حاتم مهدى محمود]

كلنا أيد وحدة لسحب الثقة من هذذا الحلونى

[عوضكو]

المشاركة الأصلية كتبت بواسطة مدرسة زاوية دهشور

ثلاثة شهور على النقيب فقط ثم نسحب الثقة ايه العدل ده وغيره قعد عشرات السنين ولم يتفوه احد بكلمه

يا مدرسة زاوية دهشور ما يهم المعلم هو وقوف ولى أمرنا (النقيب ) بجوار أبناءه لينالوا مطالبهم التى أقر الجميع بعدالتها ومشروعيتها .
عندما يجد الابناء أن أبيهم (رئيس الجمهورية )لا يعدل فى العطية والمساواة بين أبناءه يعطى من يشاء ويحرم الاخرين بدعوى عدم وجود ميزانية لاحد الابناء وفائض فى الميزانية للاخرين ألم يكن هناك عجز فى الميزانية عندما تم اعتماد بدل أساتذة الجامعات وزيادة الشرطة والجيش والبنوك والضرائب على الرغم من أن البلد اقتصادها مدمر
العاملون بالبترول يتقاضون مرتبات فلكية رغم وجود عجز فى موازنة البترول (2 مليار جنية ).
أين العدالة 20 عاما ولم يصل راتبى 1200 جنية
عامل النظافة قبل الثورة كان راتبه 400 جنية بعد الثورة تعدى 1300 جنية رغم أنه يعمل منذ 7 سنوات فقط
اين العدالة عندما لا تكرم الدولة معلميها وتكرم من حصل على محو أمية (الغفير ) ليكون راتبه أعلى من راتب معلم ظل يعمل مدة 20 عاما (بعد الثورة تم تكريمه ) قبل الثورة كان راتبه لا يتعدى 300 جنية أين العدالة بعد ذلك تطلبون منا الصبر
نقابة الاطباء والتمريض انتهت من اعداد الكادر وسيتم الموافقة عليه ..........أين نقيبنا من نقيب الاطباء !!!!!!!!!!!

[moohammed]

الحلوانى لازم ينزل

[saada]

لا لن نشارك فى ذلك سنعطى الحكومة اللى احنا انتخبناها الفرصة