سؤال عن الساعات المعتمدة

[amrbatista]

يا جماعه انا مش فاهم بجد اى حاجة
اناهرضة كنت فى جامعه علوم اسكندرية
وعرضو فيلم عن الكلية وكدة
واتكلمو عن نظام الساعات المعتمدة وقالو عشان تعدى اولى لازم تعمل 35 ساعه

طيب اعملها ازاى وهم هيحسبو الساعات دى اصلا ازاى وهم قالين ان السنة 12 اسبوع واعتقد ان الاسبوع فى ساعه بجد انا مش فاهم

عاوز اعرف بيحسبوها ازاى دى و ازاى اكمل ال 35 ساعه دول

[bondosh]

وانا كمان كنت فى الندوة دى ومش فهمت اى حاجة عن النظام الساعات ده لاننى فصلت المفروض كان قالوه فى الاول

[amrbatista]

اه فعلا انا الى فهمتو ان عشان تعدى اولى لازم تخلص 35 ساعه وعشان تتخرج لازم تخلص 140 ساعه
طيب هيحسبوهم ازاى دول يعنى

[amrbatista]

يا ريت لو سمحتو الى يقدر يساعدنا يقول

[bondosh]

اه انا اللى فهمته ان الاجبارى 25 ساعة تمام وال 10 فى منهم 7 ساعات اجبارى تقريبا كدة ودى متطلبات جامعة وفى مادة اختيارية ودى ب 3 ساعات ده اللى فهمته انا دخلت ع المواقع وقريت بس بصراحة نظام صعب ومعقد لما الواحد مش فاهم النظام هنفهم ازاى فى الكلية وفى ناس بتقولك ده طبيعى انك مش تفهم النظام من اول ندوة

[amrbatista]

اه تمام
طيب هم الكلية ازاى هتعرف اصلا اننا كلمنا الساعات دى هو ده الى عاوز اعرفو
ايه الاثبات انى كملت الساعات ؟

[bondosh]

ماهو انت بتسجل عدد الساعات لى انت عايزها فى ناس بتسجل مثلا 30 ساعة ةفى بيسجل 35 عشان يخلص السنة بسنتها وده بيبقى ع الموقع تسجيل المواد

[ch.amr]

طيب يا جماعة انا مقدرتش اروح الندوة تعرفوا ازاى يتم التسجيل فى الموقع بتاع الكلية ولا فصلتوا زى ناس كتيير النهاردة

[amrbatista]

طيب انا مثلا عشان اخلص اولى دخلت وسجلت ال 35 ساعه
انا هيتحسبلى ازاى ال35 ساعه انى خلصتهم انا هعرف ازاى اصلا وهم هيعرفو ازاى اى خلصهتم بجد انا مش فاهم اى حاجة

[comboy]

السلام عليكم
بجد بتفكرونى بنفسى لما كنت لسة داخل الكلية انا هحاول افهمك فكرة عامة عن الساعات المعتمدة بس انتو هتعرفوا كل حاجة واحدة واحدة

دلوقتى انت عشان تنتقل من المستوى الاول للمستوى التانى تكون معدى 35 ساعة

يعنى ايه ساعة بقى ؟

دلوقتى انت مثلا فالثانوى العام فى سنة اولى كنت اى مادة كان عليك مثلا 8 مواد بيتحسبوا فالنتيجة فنص الترم انهم 8 مواد وبدرجاتهم

لكن فالكلية لا

يعنى مثلا انت هتاخد مقرر اسمه كمياء 101 وده بيتحسب عليك ب3 ساعات

يعنى ليك فالاسبوع محاضرة ب 3 ساعات خلال الفصل الدراسى الاول

تمام ؟؟

افرض بقى انت عديت المادة دى هيتحسبلك 3 ساعات من الترم

طبعا انت مش هتاخد مادة واحدة انت ليك حوالى 7 او 8 مواد
منهم الكمياء والرياضة والحيوان

وفى مواد بتتحسب بساعة او ساعتين او 3

عندك مادة اسمها حقوق انسان بتتضاف ليك وبتدرسها ولازم تنجح فيها بس مش بتحسسب لا جوة تقدير ولا حتى جوة الساعات

طبعا عشان تعدى المستوى الاول فى فصلين


ممكن تاخد مواد فالترم الاول حوالى 18 ساعة وعليهم الساعة حقوق انسان الموقع بيسحبها بس بعد مابتنجح فيها مش بتتحسب عليك بيبقى 18
وتاخد الترم التانى 18 بردو

كدة انت هتكون عديت المستوى الاول فى فصلين دراسين

يعنى مثلا هتاخد مادة واحدة فالترم ب3 ساعات زى الكمياء هبقى كدة انت خدت 3 ساعات من ال35 وكل ماتزود موادك كل ماتزود ساعاتك

المصود بعدد ساعات المادة هى تقريبا وقت المحاضرة اللى انت بيتخده

يعنى بيضفلك انك ادت مادة ب 3 ساعات اسبوعيا بيتضفلك فالساعات بتاعتك



حد فهم حاجة

اللى عندو اسئلة يسال بسرعة بليز

[comboy]

المشاركة الأصلية كتبت بواسطة amrbatista

اه تمام
طيب هم الكلية ازاى هتعرف اصلا اننا كلمنا الساعات دى هو ده الى عاوز اعرفو
ايه الاثبات انى كملت الساعات ؟

الاثبات صفحك عالموقع اللى هتاخد بيانتها لما تقرب الدراسة
معرفش معاكم ولالا ؟؟

بس بيكون عليها كل حاجة الساعات اللى انت سجلتها واللى انت عدتها ولو مثلا وقعت فى مادة بتتشال ساعتها على طوول

[comboy]

على فكرة المحاضرة ال 3 ساعات دى بتكون 3 ساعات كل اسبوع خلال الترم الدراسسسى

[comboy]

لو محتاجين طريقة التسجيل انا هعملكم موضوع بالصور عن الطريقة بس اول ماتسجلوا لسسة شوية

[amrbatista]

ربنا يكرمك يا غالى
اهو انا كدة الحمد لله فهمت شوية
انا فعلا اناهرضة فى الندوه قالولنا هيتم تسجيل الساعات عن طريق النت
بس طبعا انا كنت قاعد ولا فاهم اى حاجة اساسا

سؤال بقا تانى معلش بس برده مثلا لو انا اخت 8 مواد فى التيرم الاول زى ما حضرتك قلت ان فى مواد بساعه ومواد بساعتين ومواد ب 3 طيب مهو كدة برده مش هقدر اجمع ال 18 ساعه فى التيرم برده ايه الحل يعنى مثلا اختار المواد الى ب 3 ساعات بس ولا اعمل ايه

[comboy]

المشاركة الأصلية كتبت بواسطة amrbatista

ربنا يكرمك يا غالى
اهو انا كدة الحمد لله فهمت شوية
انا فعلا اناهرضة فى الندوه قالولنا هيتم تسجيل الساعات عن طريق النت
بس طبعا انا كنت قاعد ولا فاهم اى حاجة اساسا

سؤال بقا تانى معلش بس برده مثلا لو انا اخت 8 مواد فى التيرم الاول زى ما حضرتك قلت ان فى مواد بساعه ومواد بساعتين ومواد ب 3 طيب مهو كدة برده مش هقدر اجمع ال 18 ساعه فى التيرم برده ايه الحل يعنى مثلا اختار المواد الى ب 3 ساعات بس ولا اعمل ايه

ايوة التسجيل عن طريق النت بس مش دلوقتى

انت فى سنة اولى غالبا فالترم الاول بتدرس مواد اساسية متطلبات كلية زى الكمياء والرياضة حيوان كدة

ومواد متطلبات جامعة زى الانجليزى

وامود اتانية كدة بتنزل فالترم

انت اخترت شعبة ايه ؟؟