اليحب كمبيوتر بس يقدر يدخل هندسة

[Cit45]

أنا بكتب الموضوع دا مش استهزاء بكلية الحاسبات أو احتقار، دي قصة تقديمي للجامعة الخاصة:
أنا في البداية بحب الكمبوتر و ناوي أبقى مبرمج و عجبني كلام الدكتور القالي عن الهدرسه في حاسبات و عملت عليها تأكيد، و يما جينا لمكتب التقديم نخلص الإجراءات راحت عيلتي قالت نسمع كلام دكتور الهندسة عن قسم الحاسبات و أنا ماقلتش لأ، المهم حصل الحوار دا:
دكتور الهندسة قال أن هندسة من أقسامها قسم هندسة الاتصالات و الحاسب، و قالي شوية من الهدرسهم و أني هدرس كل حاجة عن الحاسب (software و hardware و...)، و أن القسم دا محطوط جديد أول سنة.
أنا قلت: "هو في القسم دا هدرس البيدرسوه في حاسبات"؟ قال الدكتور أني هدرسه.
علشان أتأكد قلت له شوية من مواد الحاسبات (كانوا في كتاب ادوهولنا) منهم: الذكاء الصناعي و معالجة الصور و نظرية المترجم، رد الدكتور أني هدرسهم و أكثر و فيما معناه أننا هندرس علوم الحاسب و أننا هندس برمجة من ثانية و نزود في ثالثة، و قالي أن الهندسة "تجبّ" الحاسبات (حسب تعبيره).
أنا قلت: "معني كدا أن البيدرسوه في حاسبات قليل لدرجة أني أدرسه في مادة من سنة"؟ قالي نعم.
الخلاصة: أنا اقتنعت بكلامه و قدمت بس يما قرأت أن "مرسي" عين مستشار ليه من حاسبات بدأت أتسائل ممكن أكون عملت غلطة و طموحاتي البرمجية ضاعت و لا لأ و كلامه صح؟ ياريت العارف عن القسم دا يرد.
و ياريت حد يقولي الفرق بين القسم دا و قسم هندسة الحاسب (بدون كلمة الاتصالات).

[osamatarkhan]

بص عشان اقولك حاجة انت اللى عملته ده هو الصح ليه بقى؟؟؟
لأن مثلا انت مخدتش برمجة زى مبتوع حاسبات خدوه ببساطة هتروح تاخد كورسات ف الحجات ديه وكورسات البرمجة متوفرة جدا وعلى فكرة انت هتاخد معظم الحجات اللى حاسبات بتاخدها وهتبقى متخصص سوفت وهارد

انا حوار ان الرئيس اختار مستشار من حاسبات فديه ملهاش دعوة غير ان ده اكيد متميز فى حاجة معينة انت فهمتنى

[Cit45]

بص عشان اقولك حاجة انت اللى عملته ده هو الصح ليه بقى؟؟؟
لأن مثلا انت مخدتش برمجة زى مبتوع حاسبات خدوه ببساطة هتروح تاخد كورسات ف الحجات ديه وكورسات البرمجة متوفرة جدا وعلى فكرة انت هتاخد معظم الحجات اللى حاسبات بتاخدها وهتبقى متخصص سوفت وهارد

انا حوار ان الرئيس اختار مستشار من حاسبات فديه ملهاش دعوة غير ان ده اكيد متميز فى حاجة معينة انت فهمتنى

شكرًا على ردك، بس أنا همي أني أدرس كل المبادئ البيدرسوها في حاسبات بنفس كميتهم مش الكورسات؛ لأن الكورسات بتعلم تقنية معينة مش مبدأ، و لو أنا عارف المبدأ مش هحتاجها أساسًا؛ لإن عندي نت، ياريت تفاصيل أكثر عن البيدرسوه و مش بندرسه، و يارب تطلع حاجة بسيطة و كل البيدرسوه بندرسه بالتفصيل.

[يوسف 95]

فروع الحاسبات و المعلومات فروع كبيرة جدا منها على سبيل المثال و ليس الحصر

. أنظمة الذكاء الاصطناعي
· الواقع الافتراضي
· أنظمة الرسم بالحاسب و الوسائط المتعددة و معالجة الصور
· إدارة الأزمات المعلوماتية
· نظم النمذجة و المحاكاة
. هندسة المعلومات
. البرمجيات الصناعية

دة بالإضافة الى ان كلية الحاسبات و المعلومات بها 8 شعب معتمدة كالاتى

. علوم الحاسب
. تكنولوجيا المعلومات
. نظم المعلومات
. هندسة البرمجيات
. نظم الحاسبات
. شبكات الحاسب
. الحوسبة العلمية
. نظم دعم و إتخاذ القرار

اتمنى اكون افدتك

مقتبس من العضو

ccna.and.mcse

[hoshosh]

علي فكرة احنا دراسة حاسبات مش سهلة زي مبتقولي ادخلي بس علي نت و شوفي اي لغة من لغات البرمجة و شوفي طويلة ازاي و انتي عندك لغات كتير و كمان احنا بندرس الهاردوير و
بعدين حسب كلام نقابة المهندسين ان في بطالة عالية في هندسة قسم حاسب و قسم الكترونيات و اتصالات فاية الي يخليني ادخل حاجة ملهاش شغل في مصر و خليج بردو و استحالة ان حضرتك هتدرسي كل حاجة بيدرسها الحاسبات ( 4 سنين) و هتدرسي معاها قسم حاسب الي ( 4 سنين )
انا زي حضرتك دلوقتي بس انا بقول حاسبات احسن لان ليها شغل في مصر و مستقبلها كويس و اتخصص في حاجة احسن من اني امسك الخيط من نص و ولا اطول دا او دا

[Cit45]

فروع الحاسبات و المعلومات فروع كبيرة جدا منها على سبيل المثال و ليس الحصر

. أنظمة الذكاء الاصطناعي
· الواقع الافتراضي
· أنظمة الرسم بالحاسب و الوسائط المتعددة و معالجة الصور
· إدارة الأزمات المعلوماتية
· نظم النمذجة و المحاكاة
. هندسة المعلومات
. البرمجيات الصناعية

أنا عارف المواد البيدرسوها، و حسب كلام الدكتور أحنا هندرس علوم الحاسب أكثر من حاسبات.

علي فكرة احنا دراسة حاسبات مش سهلة زي مبتقولي ادخلي بس علي نت و شوفي اي لغة من لغات البرمجة و شوفي طويلة ازاي و انتي عندك لغات كتير و كمان احنا بندرس الهاردوير و
بعدين حسب كلام نقابة المهندسين ان في بطالة عالية في هندسة قسم حاسب و قسم الكترونيات و اتصالات فاية الي يخليني ادخل حاجة ملهاش شغل في مصر و خليج بردو و استحالة ان حضرتك هتدرسي كل حاجة بيدرسها الحاسبات ( 4 سنين) و هتدرسي معاها قسم حاسب الي ( 4 سنين )
انا زي حضرتك دلوقتي بس انا بقول حاسبات احسن لان ليها شغل في مصر و مستقبلها كويس و اتخصص في حاجة احسن من اني امسك الخيط من نص و ولا اطول دا او دا

المهم المبادئ البيدرسوها مش لغات البرمجة و لو أعرف المبادئ أي لغة تبقي سهلة، و القسم دا -حسب كلام الدكتور- محطوط أول سنة و اسمه هندسة اتصالات و حاسب (مش حاسب بس أو اتصالات بس)، ياريت أسمع آراء أكثر.
تعليق: أنا راجل مش ست.

[hoshosh]

المشاركة الأصلية كتبت بواسطة cit45

أنا عارف المواد البيدرسوها، و حسب كلام الدكتور أحنا هندرس علوم الحاسب أكثر من حاسبات.

المهم المبادئ البيدرسوها مش لغات البرمجة و لو أعرف المبادئ أي لغة تبقي سهلة، و القسم دا -حسب كلام الدكتور- محطوط أول سنة و اسمه هندسة اتصالات و حاسب (مش حاسب بس أو اتصالات بس)، ياريت أسمع آراء أكثر.
تعليق: أنا راجل مش ست.

معتي كلام حضرتك و من اسم الكلية ان حضرتك هتدرس اتصالات ( كلية هندسة اتصالات ) و هاردوير الي (كلية هندسة حاسب الي ) و سوفتوير الي (كلية حاسبات و معلومات) معني كدا ان كلية هتدمج 12 سنة في 4 سنين بس معني كدا ان حضرتك هتاخد مبادئ و العناوين بس من كل كليات دي و كدا تبقي محتاج سنتين كمان كورسات علشان تعرف التفاصيل يبقي اي لزمة كلية بقي ؟

[ccna.and.mcse]

مبدئيا الدكتور اللى كلمك فى نظرى ميعرفش حاجة بدليل انة ميعرفش يفرق بين الدراسات المختلفة .. أولا المجلس الأعلى للجامعات مصنف هندسة حاسب تحت شعبة الكهرباء و فية لائحة مواد إجبارى كلية و إجبارى تخصص و لازم تدرس مواد كهرباء و الكترونيات و مواد هاردوير دة مبدأ أساسى ..

ثانيا هتفضل لائحة هندسة كهرباء و المواد اللى بيتلعب فيها هو مواد اختيارى طلبة و اختيارى كلية بس مش هتفيدك فى حاجة اوى لانك كدا مش متكامل بتدرس 70% كهرباء الكترونيات و هاردوير و بعض المواد الأساسية فى الهندسة زى الرسم الهندسى و الفيزياء و الكيمياء .. انا من رأيى ان أفضل لائحتين لهندسة حاسب هما اسكندرية و منوف و الاتنين برضو فيهم مواد كهرباء و تحكم و هيفضلوا كدا على طول .
فية طبعاً شوية مشاكل أخرى هتقابلها ان منظورك عن الحاسب هو البرمجة و دة فعلاً حقيقى اللى بيحصل بتاع هندسة بيدرس مواد تسمى مبرمج و لما يعمل فى مجال الأى تى يبقى مبرمج .. ثانيا مش هتبقى متكامل اوى فى الدراسة بغير خريج حاسبات منظورة واسع عندة أقسام أخرى

أخيرا الدكتور بيقولك هتدرس علوم حاسب أكتر من حاسبات طب ازاى دى كلية فيها أقسام كتير و متكاملة مينفعش تقارن كلية بقسم فرعى من شعبة رئيسية .. و الأهم انك بيقولك هتدرس علوم حاسب اكتر من حاسبات طب ازاى اصلا احنا عندنا قسم بالأسم دة دة غير اننا عندنا 7 أقسام أخرى موزعة على الكليات ..

الكلام دة بيتقال كتير من دكاترة هندسة بس الطالب لما بيخرج بيلعن اليوم اللى دخل فية هندسة حاسب

ملحوظة هامة الراجل بيقولك تخصص اتصالات و حاسبات طيب كويس اوى يعنى انت لا هتعرف توصل لدى ولا لدى .. دى توريطة كبيرة .. يعنى التخصص اسمة اتصالات و حاسبات و التخصصين فرع من شعبة كهرباء و لازم تدرس فية دوائر كهربية و الكترونية و نظم تحكم الى و بعد دة كلة هيدرس علوم حاسب أكتر من حاسبات !! شىء مضحك الصراحة

دى لائحة كلية الهندسة الإلكترونية بمنوف و دى تعتبر أفضل لائحة لانها فصلت تخصص التحكم الألى عن الحاسب فهى أفضل لائحة تعتبر موجودة

http://electronic.menofia.edu.eg/en/...irst_year.html

http://electronic.menofia.edu.eg/en/...cond_year.html

http://electronic.menofia.edu.eg/en/...hird_year.html

http://electronic.menofia.edu.eg/en/...urth_year.html

ملحوظة هامة جدا لما بتاع هندسة بيدرس مادة ذكاء اصطناعى بيدرسها بما لة علاقة بالهاردوير زى مثلا الهاردوير بتاع الإنسان الألى مع ملاحظة انة لو قلبها مادة سوفت وير و دة صعب يحصل بس خلينا نفترض انة هيعمل كدا هتاخد مادة عقيمة و مشوة لانك مدرستش الشبكات العصبية ولا درست النظم الخبيرة ولا درست بحوث عمليات ولا درست Fuzzy Logic و كل دى مواد هامة فهتبقى مادة مشوة مجرد حفظ لان المادة دى مرتبطة بمواد أخرى

و قيس على ذلك كل المواد يعنى لما هيديلك مادة نظم موزعة هيديهالك لما لة علاقة بالهاردوير و نفس الحال مادة شبكات هتبقى هاردوير
و خد بالك كمان احنا كمان متكلمناش على مواد اتصالات المفروض القسم اسمة اتصالات و حاسب يعنى لازم بعض مواد اتصالات ..

فانت بما أنك تخصص هندسة اتصالات و حاسب يبقى إذن فية مواد أساسية هتدرسها من شعبة كهرباء الأول و مواد الكترونيات لان اتصالات و حاسب اتفرعوا من الكترونيات او هى دراسات الكترونية و هتدرس مواد عامة زى القياسات و نظم التحكم الألى يبقى كدا اللائحة هتبقى مدمرة تقريباً

و أخر مثال هندسة المنصورة عملت قسم بفلوس اسمة هندسة الإتصالات و المعلومات يعنى المفروض بقى بتدرس معلوماتية و حاجة كويسة على الأقل يبقى قريب من لايحة تكنولوجيا المعلومات فى حاسبات و معلومات بالعكس فضل زى ما هو إتفرج على المواد كلها كهرباء و الكترونيات و دوائر كهربية و الكترونية

http://cie.mans.edu.eg/english/timetable100.htm

http://cie.mans.edu.eg/english/timetable200.htm

http://cie.mans.edu.eg/english/timetable300.htm

http://cie.mans.edu.eg/english/timetable400.htm


أفضل شىء انك تخلى الدكتور يجبلك لايحة القسم دة المواد اللى فية و دى أكيد نزلت و ساعتها هتعرف هتدرس اية و ازاى مع ملاحظة انة يجبلك كمان محتوى المادة لان الأسم مش كافى لانة زى ما قولتلك ممكن يبقى اسمة نظم موزعة و تدرسها بالهاردوير

[Cit45]

ملحوظة هامة الراجل بيقولك تخصص اتصالات و حاسبات طيب كويس اوى يعنى انت لا هتعرف توصل لدى ولا لدى .. دى توريطة كبيرة

فانت بما أنك تخصص هندسة اتصالات و حاسب يبقى إذن فية مواد أساسية هتدرسها من شعبة كهرباء الأول و مواد الكترونيات لان اتصالات و حاسب اتفرعوا من الكترونيات او هى دراسات الكترونية و هتدرس مواد عامة زى القياسات و نظم التحكم الألى يبقى كدا اللائحة هتبقى مدمرة تقريباً

مش معقولة يكونوا مألفين التخصص أي كلام، أكيد فيه فايدة من التخصص.

أفضل شىء انك تخلى الدكتور يجبلك لايحة القسم دة المواد اللى فية و دى أكيد نزلت و ساعتها هتعرف هتدرس اية و ازاى مع ملاحظة انة يجبلك كمان محتوى المادة لان الأسم مش كافى لانة زى ما قولتلك ممكن يبقى اسمة نظم موزعة و تدرسها بالهاردوير

هي دي الهتفرق، منين أجيبها؟؟ ربنا يسترها، و أنا شبه مستحيل أقنع عيلتي تحولني.

[ccna.and.mcse]

بص يا سيدى العزيز ..
تخصصات اتصالات و حاسب و تحكم و الكترونيات ممكن تدمجهم فى بعض او تفصلهم لكنهم فى الأخر هياخدوا نفس المنهج 70% كهرباء الكترونيات و نظم تحكم الى و بعض المواد الأساسية و 30% تخصص
خلينا ندى مثال ممكن تلاقى تخصص اتصالات و الكترونيات كهربية او تخصص اتصالات و حاسب الى او تلاقى تخصص حاسب و تحكم الى او الكترونيات و حاسب الى .. هتلاقى جامعات كتير ممكن تعمل تخصصات كتير لكنهم فى الأخر دراسة واحدة علم الكهرباء و الإلكترونيات ثم التطبيق فى بيئة الاتصالات او الحاسب او نظم التحكم الألى .. و خد بالك حتى بيئة العمل قريبة من بعض يعنى الكمبيوتر او اللاب توب و التليفزيون ما هما نفس الدايرة الكهربية و الإلكترونية و نفس الوحدات الإلكترونية من ترانسيستور و كابستور و غير ذلك ..

أقولك بقى التخصص دة هيمشى ازاى
اولا بعد ما تدرس الاعدادى ثم تدرس السنتين الاولى و التانية ( دول سنتين كهرباء و الكترونيات و نظم تحكم الى ) فى السنتين التانيين هتدرس مبادىء الاتصالات و مبادىء الحاسب يعنى لا هتبقى اتخصصات اتصالات ولا اتخصصت حاسب حاجة كدا فى النص لكن فى الأخر انت مهندس كهرباء كلة فى الأخر بيدرس كهرباء الكترونيات و مواد التخصص دى بيئة عمل و ليس تخصص

و صدقنى هات اللايحة من الدكتور و انت هتعرف ان كلامى صح

او قولى اسم الجامعة اية و انا احاول أساعدك

اما بخصوص إقتناع الأهل فخلاص ملوش لازمة أصلاً تتعب نفسك فكل الأحوال هتدخل هندسة و البوست نفسة ملوش لازمة لان هندسة هيفضل كدا بيدرس كهرباء الكترونيات
تخصص هندسة لو عاوز يبقى مصنف كدراسات حاسوبية ( دراسات حاسبات ) و ياخد بكالوريوس فى الحاسبات و المعلومات و ليست بكالوريوس فى الهندسة الكهربية و إنة يبقى قسم محترم فى الحاسب الألى و متكامل مع باقى التخصصات و يدرس كمبيوتر ساينس ( جزء منة أو تطبيقاتة او يعتمد علةي ) فإذن لازم يبقى تخصص فى كلية الحاسبات و المعلومات و يتعملة لائحة جديدة نضيفة كدراسة حاسوبية و ليس كهربية الكترونية

[beso125]

بس انا اصلا كنت محتار بين هندسة و حاسبات و اخترت حاسبات من وجهة نظرى و لكن مش بقلل فى هندسة بس انا هرد على الدكتور بكلمه وحده لو بتدرس 4 سنين فى سنتين +5 بتوع هندسة يبقا نجيب المجلس الاعلى للجامعات و نقلهم يقفلوا حاسبات و ايضا نطلب امريكا و الدول كلها الى علفكره الحاسبات عندهم 5 سنين لانها هندسة سوفت الوحيده المعتمده و نقلهم اقفلوها بقى يريتك بتكلم فى قسم فى الكلية ولا الحاجة ده انت مع الغريب بتكلم فى كلية كاملة بمتفرع اقسام لا يقل عن 11 او 10 طب ونبى قسم مثلا زى bioinformatics بتاع هندسة اى تخصص فى العالم يفهم عنوا حاجة و لا رحت لدكتور فى حاسبات هيقلك احنا احسن عشان متوجعش دماغك اسمع من الناس و قيم الكلام الى تقدر تصدقوا يعنى مترحش ل دكتور فى هندسة و تصدق التخاريف ده قولوا اقفل حاسبات بقى تانى حاجة المجلس الاعلى بعمل توسعات فى الكلية مش زى هندسة بترول فى السويس وحده و بيفكروا يقفلوها و لسه مفتوحه كليتين فى حاسبات السنة ده او الى فاتت لو كان انشاءها خطا ولا يوجد لها عمل او هى اقل درجة لما كان يوسعوا منها فى المحافظات و الاقسام اسمع الكلام المفيد و اعقلوا سيبك من البالفوا عشان كيتيييييير قارن بين الكيتين من وجهة نظرك مش من وجهة نظر الاخرين و سيبك من كلمة نقابة الى اكيد هتسمعها عشان لو نفسك فى كرنيه النقابة معهد فنى صنايع سنتين بياخد الكرنيه و لو جاب 80 % بيدخل اعدادى هندسة و مفتحلوا كل كل كل الاقسام مش مكانيكا بس على فكر ه كلواااااا و الى عندوا غلط فى كلامى يقلى انا متاكد مليار فى المية )

[Ahmed_AbdElmonem2014]

المشاركة الأصلية كتبت بواسطة ccna.and.mcse

بص يا سيدى العزيز ..
تخصصات اتصالات و حاسب و تحكم و الكترونيات ممكن تدمجهم فى بعض او تفصلهم لكنهم فى الأخر هياخدوا نفس المنهج 70% كهرباء الكترونيات و نظم تحكم الى و بعض المواد الأساسية و 30% تخصص
خلينا ندى مثال ممكن تلاقى تخصص اتصالات و الكترونيات كهربية او تخصص اتصالات و حاسب الى او تلاقى تخصص حاسب و تحكم الى او الكترونيات و حاسب الى .. هتلاقى جامعات كتير ممكن تعمل تخصصات كتير لكنهم فى الأخر دراسة واحدة علم الكهرباء و الإلكترونيات ثم التطبيق فى بيئة الاتصالات او الحاسب او نظم التحكم الألى .. و خد بالك حتى بيئة العمل قريبة من بعض يعنى الكمبيوتر او اللاب توب و التليفزيون ما هما نفس الدايرة الكهربية و الإلكترونية و نفس الوحدات الإلكترونية من ترانسيستور و كابستور و غير ذلك ..

أقولك بقى التخصص دة هيمشى ازاى
اولا بعد ما تدرس الاعدادى ثم تدرس السنتين الاولى و التانية ( دول سنتين كهرباء و الكترونيات و نظم تحكم الى ) فى السنتين التانيين هتدرس مبادىء الاتصالات و مبادىء الحاسب يعنى لا هتبقى اتخصصات اتصالات ولا اتخصصت حاسب حاجة كدا فى النص لكن فى الأخر انت مهندس كهرباء كلة فى الأخر بيدرس كهرباء الكترونيات و مواد التخصص دى بيئة عمل و ليس تخصص

و صدقنى هات اللايحة من الدكتور و انت هتعرف ان كلامى صح

او قولى اسم الجامعة اية و انا احاول أساعدك

اما بخصوص إقتناع الأهل فخلاص ملوش لازمة أصلاً تتعب نفسك فكل الأحوال هتدخل هندسة و البوست نفسة ملوش لازمة لان هندسة هيفضل كدا بيدرس كهرباء الكترونيات
تخصص هندسة لو عاوز يبقى مصنف كدراسات حاسوبية ( دراسات حاسبات ) و ياخد بكالوريوس فى الحاسبات و المعلومات و ليست بكالوريوس فى الهندسة الكهربية و إنة يبقى قسم محترم فى الحاسب الألى و متكامل مع باقى التخصصات و يدرس كمبيوتر ساينس ( جزء منة أو تطبيقاتة او يعتمد علةي ) فإذن لازم يبقى تخصص فى كلية الحاسبات و المعلومات و يتعملة لائحة جديدة نضيفة كدراسة حاسوبية و ليس كهربية الكترونية

انا مش عارف لى كل واحد ميتكلمش عن كليته وخلاص وملوش دعوة بالكلية التانية كلام كتير حضرتك كاتبه انا بحترم ولائك لكليتك لكن اللى بيسال عايز معلومة صح وخلاص مش عشان عايز تقول ان كليتك كويسة يبقى تقول معلومات غلط عن الكلية التانية
انا قسم هندسة الحاسب والنظم جامعة الاسكندرية وباكدلك ان كلام الدكتور صح مين اللى قال اغلب الدراسة كهربا والكترونيات احنا بناخد اساسيات كل حاجة دى الكورسات اللى بناخدها فى القسم
eng.alexu.edu.eg/eng/dept/computer/wiki/undercourse

[ccna.and.mcse]

المشاركة الأصلية كتبت بواسطة ahmed_abdelmonem2014

انا مش عارف لى كل واحد ميتكلمش عن كليته وخلاص وملوش دعوة بالكلية التانية كلام كتير حضرتك كاتبه انا بحترم ولائك لكليتك لكن اللى بيسال عايز معلومة صح وخلاص مش عشان عايز تقول ان كليتك كويسة يبقى تقول معلومات غلط عن الكلية التانية
انا قسم هندسة الحاسب والنظم جامعة الاسكندرية وباكدلك ان كلام الدكتور صح مين اللى قال اغلب الدراسة كهربا والكترونيات احنا بناخد اساسيات كل حاجة دى الكورسات اللى بناخدها فى القسم
eng.alexu.edu.eg/eng/dept/computer/wiki/undercourse

كلامك على عينى و رأسى و انا مقولتش أكتر من كدا
قولتلة لائحتة هندسة 70% من كهرباء و الكترونيات و تحكم الى و هاردوير و أفضل كليتين طوروا قسم حاسب هما اسكندرية و منوف لكن برضو لسة برضو دراستهم 65% كهرباء و الكترونيات و تحكم الى و هاردوير و دة أخر تطوير مفيش أكتر من كدا خلاص و لو القسم دة لازم يتطور و يتصنف دراسات حاسوبية ملوش أمل الى انة يتنقل كلية الحاسبات و المعلومات و قدامى الخريجين يظلوا كهرباء و يدخلوا نقابة المهندسين و الجداد يدخلوا كلية الحاسبات و المعلومات و يصنفوا دراسات حاسوبية و دة معمول بة فى كل دول العالم على فكرة الدول اللى سابت حاسب فى هندسة اضافتلة مواد تحكم و الكترونيات علشان يتكامل فى الجزئية دى و اللى دخلتوة مع حاسبات و معلومات نزعت منة مواد التحكم و قلليتة مواد الإلكترونيات و الكهرباء لأقل ما يمكن و أديتلة أساسيات علوم الحاسب و تكنولوجيا المعلومات و فية نماذج عربية كتير فى هذا الأمر من ضمنها السعودية الكويت قطر و البحرين و غيرهم .

و برضو لا تصنف دراسات حاسوبية .. دى حقيقة و انا لا أعيب فى أحد أو أقلل من أحد انت بتدرس لكى تتكامل مع تخصصات الكهرباء لان معظم انظمة التحكم الالى بتدار بالحاسب الألى او انظمة الإلكترونيات فلازم تدرس بعض مواد الكمبيوتر علشان تقدر تتعامل لكن فى الأخر التخصص هو كهرباء الكترونيات
و اللائحة اللى حضرتك جبتها بتاع جامعة اسكندرية مع انها من افضل الكليات اللى طورت تخصص الحاسب الا انها بها ما يقرب من 12 مادة لة علاقة بالحاسب الألى تشمل مواد هاردوير ..
.. بالتوفيق

[Ahmed_AbdElmonem2014]

المشاركة الأصلية كتبت بواسطة ccna.and.mcse

كلامك على عينى و رأسى و انا مقولتش أكتر من كدا
قولتلة لائحتة هندسة 70% من كهرباء و الكترونيات و تحكم الى و هاردوير و أفضل كليتين طوروا قسم حاسب هما اسكندرية و منوف لكن برضو لسة برضو دراستهم 65% كهرباء و الكترونيات و تحكم الى و هاردوير و دة أخر تطوير مفيش أكتر من كدا خلاص و لو القسم دة لازم يتطور و يتصنف دراسات حاسوبية ملوش أمل الى انة يتنقل كلية الحاسبات و المعلومات و قدامى الخريجين يظلوا كهرباء و يدخلوا نقابة المهندسين و الجداد يدخلوا كلية الحاسبات و المعلومات و يصنفوا دراسات حاسوبية و دة معمول بة فى كل دول العالم على فكرة الدول اللى سابت حاسب فى هندسة اضافتلة مواد تحكم و الكترونيات علشان يتكامل فى الجزئية دى و اللى دخلتوة مع حاسبات و معلومات نزعت منة مواد التحكم و قلليتة مواد الإلكترونيات و الكهرباء لأقل ما يمكن و أديتلة أساسيات علوم الحاسب و تكنولوجيا المعلومات و فية نماذج عربية كتير فى هذا الأمر من ضمنها السعودية الكويت قطر و البحرين و غيرهم .

و برضو لا تصنف دراسات حاسوبية .. دى حقيقة و انا لا أعيب فى أحد أو أقلل من أحد انت بتدرس لكى تتكامل مع تخصصات الكهرباء لان معظم انظمة التحكم الالى بتدار بالحاسب الألى او انظمة الإلكترونيات فلازم تدرس بعض مواد الكمبيوتر علشان تقدر تتعامل لكن فى الأخر التخصص هو كهرباء الكترونيات
و اللائحة اللى حضرتك جبتها بتاع جامعة اسكندرية مع انها من افضل الكليات اللى طورت تخصص الحاسب الا انها بها ما يقرب من 12 مادة لة علاقة بالحاسب الألى تشمل مواد هاردوير ..
.. بالتوفيق

اولا انا برده شايف ان حضرتك تتكلم عن كلية حاسبات بس واللى فى هندسة يتكلم عنها انا عمرى متكلمت عن حاسبات لانى مش فى حاسبات انا مش عارف المعلومات اللى انت جايبها ديه منين لان اغلبها غلط انت بتحسسنى ان احنا قسم كهربا معانا شوية كلام فى الكمبيوتر انا بقالى سنتين فى القسم ومخدتش غير كورسين او تلاتة من كهربا غير كدا المواد اللى بناخدها من قسم حاسب وبعدين مواد الهارد وير بتزود قدراتك فى البرمجة لانك بتفهم كل حاجة فى الكمبيوتر بتشتغل ازاى غير كدة فى مواد ذى الاحتمالات والاحصاء المواد دى مش بتدرس غير فى قسم حاسب وهدفها انها تزود مهاراتك فى البرمجة وبعدين اغلب مواد الهارد وير اللى حضرتك بتصنفها انها ملهاش علاقة بالسوفت وير بينزل فيها برامج كتير تتعمل تطبيق سوفت وير على اللى انت اتعلمتو فى الهارد وير ولو الكلام اللى انت بتقولو صح يبقى معناه ان احنا منعرفش لغات او مش بنحتك بالسوفت وير احنا اول مدخلنا القسم اخدنا كورس لغة برمجة واحد كان جافا بعد كدة
بقى عندنا القدرة ان احنا نتعلم اى لغة فى زمن قياسى يعنى مثلا انا اتعلمت لغات الويب html و javascript و php فى اسبوع من غير مناخد كورس ويب غير انى اتعلمت لغات السى بس برده المهم مش اللغة اى حد بيعرف يكتب كود المهم انك تكتب يرنامج سليم باقل وقت واقل مساحة .
فى النهاية انا شايف انك بتحاول تشوه قسم هندسة الحاسب بمعلومات غلط او حضرتك مش متاكد منها مش معنى انك قريت الائحة يبقى عرفت ايه اللى بيحصل وبيتدرس فى القسم .
القسم عندنا مش بيزيد عن 80 طالب والقسم عندنا بياخد اعلى مجموع فى الاقسام يعنى بيخشو اوائل الدفعة وكل سنة بيطلع منه ناس تشتغل فى ميكروسوفت وجوجل وابل ده غير انى عمرى مسمعت عن حد اتخرج من عندنا ومشتغلش .
لو حضرتك تعرف على فرماوى ده مثل من ضمن ناس كتير اوى سافرت وحققت نجاح كبير الراجل ده نائب بيل جيتس وخريج القسم ar.wikipedia.org/wiki/%D8%B9%D9%84%D9%8A_%D9%81%D8%B1%D9%85%D8%A7%D9%88% D9%8A
فى النهاية انا نفسى ان كل واحد يتكلم عن نفسه وفى النهايه سواء حاسبات او هندسة المجتهد يقدر يوصل للى هو عايزه بس بلاش تشويه فى حد او تقديم معلومات غلط لواحد بيسال ميعرفش وفى النهاية الشغل ده بأيد ربنا .
وبالتوفيق .

[Cit45]

او قولى اسم الجامعة اية و انا احاول أساعدك

اما بخصوص إقتناع الأهل فخلاص ملوش لازمة أصلاً تتعب نفسك فكل الأحوال هتدخل هندسة و البوست نفسة ملوش لازمة لان هندسة هيفضل كدا بيدرس كهرباء الكترونيات

الكلية Modern Academy، لو افترضنا مثلًا أني رحت لوحدي لمركز التحويل و قلت عايز أحول هيرضوا؟ المشكلة أننا دفعنا المصاريف (أغلي من حاسبات).

انا مش عارف لى كل واحد ميتكلمش عن كليته وخلاص وملوش دعوة بالكلية التانية كلام كتير حضرتك كاتبه انا بحترم ولائك لكليتك لكن اللى بيسال عايز معلومة صح وخلاص مش عشان عايز تقول ان كليتك كويسة يبقى تقول معلومات غلط عن الكلية التانية
انا قسم هندسة الحاسب والنظم جامعة الاسكندرية وباكدلك ان كلام الدكتور صح مين اللى قال اغلب الدراسة كهربا والكترونيات احنا بناخد اساسيات كل حاجة دى الكورسات اللى بناخدها فى القسم

يعني مش بنفس التفصيل في حاسبات؟ طاب أزاي قدرت تتعلم لغات الويب في أسبوع؟

فى مواد ذى الاحتمالات والاحصاء المواد دى مش بتدرس غير فى قسم حاسب

لا موجودة.

اغلب مواد الهارد وير اللى حضرتك بتصنفها انها ملهاش علاقة بالسوفت وير بينزل فيها برامج كتير تتعمل تطبيق سوفت وير على اللى انت اتعلمتو فى الهارد وير

أيه فايدة مواد الهارد وير في السوفت وير؟

لو الكلام اللى انت بتقولو صح يبقى معناه ان احنا منعرفش لغات او مش بنحتك بالسوفت وير احنا اول مدخلنا القسم اخدنا كورس لغة برمجة واحد كان جافا بعد كدة

طموحاتي برمجة سوفت وير، و برأيك بتدرسو السوت وير زي في حاسبات ولا أقل؟