ارجو الدخول هااااااااااااااام

[مريم السباعى.]

السلام عليكم طبعا انا عارفة القسم دة خاص بالخرجين
علشان كدة عايزهم يكتبولناموضوع يقلولنا على نصايحهم ازاى نستعد دخولنا لجامعة علشان نوصل لاعلى تقديرات ان شاء الله
والاخطاء الى نتجنبها يعنى حتى نصايح عامة

واتمنى لو اعرف حد هنا فى تجارة اسكندرية ولو فى ياريت يفدنا باى علومات تساعدنا نجيب تقديرات جيدة فى الكلية
وجزاكم الله كل خير

[dr/nor pt]

بصى الحياة الجامعية مختلفة تماما تماما لازم تاخديها جد مش هظار ودى هتكون احلى ايام عمرك كلها ونصيحتى انتى هتتعرفى على ناس كتييييييييييير اوى من اول يوم ياريت كلهم يبقوا زمايلك بس والى تبقى صديقتك تختاريهم بدقة جدا لانى دول هما الى هيبقوا معاكى بقيت السنين كلها وهتتعلمى ويعلموكى واوعى تسمعى كلام الى يقولك ذاكرى قبل الامتحان نفضى حتى الجامعة هنذاكر فيها انا هقولك عايزة تجيبى امتياز كل سنة عليكى بحاجة واحدة وانا بقولك لو عملتيها امتياز دى هتبقى اسهل حاجة كل يوم ذاكرى المحاضرات الى اخدتيها فى ساعة ونص كل يوم ذاكرى ساعة ونص وهيصى بقيت اليوم اعملى الى انتى عايزاة بس الساعة ونص تتاخد بضمير وهتجيبى امتياز بسهولة جدا وتكونى متميزة واى حاجة عايزة تساليها انا فى الخدمة بلتوفيق

[aleman]

المشاركة الأصلية كتبت بواسطة شروق السيوفى

السلام عليكم طبعا انا عارفة القسم دة خاص بالخرجين
علشان كدة عايزهم يكتبولناموضوع يقلولنا على نصايحهم ازاى نستعد دخولنا لجامعة علشان نوصل لاعلى تقديرات ان شاء الله
والاخطاء الى نتجنبها يعنى حتى نصايح عامة

واتمنى لو اعرف حد هنا فى تجارة اسكندرية ولو فى ياريت يفدنا باى علومات تساعدنا نجيب تقديرات جيدة فى الكلية
وجزاكم الله كل خير

المشاركة الأصلية كتبت بواسطة dr/nor pt

بصى الحياة الجامعية مختلفة تماما تماما لازم تاخديها جد مش هظار ودى هتكون احلى ايام عمرك كلها ونصيحتى انتى هتتعرفى على ناس كتييييييييييير اوى من اول يوم ياريت كلهم يبقوا زمايلك بس والى تبقى صديقتك تختاريهم بدقة جدا لانى دول هما الى هيبقوا معاكى بقيت السنين كلها وهتتعلمى ويعلموكى واوعى تسمعى كلام الى يقولك ذاكرى قبل الامتحان نفضى حتى الجامعة هنذاكر فيها انا هقولك عايزة تجيبى امتياز كل سنة عليكى بحاجة واحدة وانا بقولك لو عملتيها امتياز دى هتبقى اسهل حاجة كل يوم ذاكرى المحاضرات الى اخدتيها فى ساعة ونص كل يوم ذاكرى ساعة ونص وهيصى بقيت اليوم اعملى الى انتى عايزاة بس الساعة ونص تتاخد بضمير وهتجيبى امتياز بسهولة جدا وتكونى متميزة واى حاجة عايزة تساليها انا فى الخدمة بلتوفيق

زيادة على الكلام الجميل والمفيد ده
اقولك اول يوم فى الكلية بيبقى غريب جدا وهتشوفى فيما بعد انه اغرب يوم فى حياتك
وبمعنى ادق اغرب اسبوع فى حياتك الجامعية
هتتعرفى على ناس كتير جدا جدا
وعلى قرب شهر هيصفصفوا على محجموعة بردك كبيرة (شلة يعنى) ثم اخر العام هيصفصفوا على اقل
وبعد ماتخلصى ياشروق الكلية لو سعيدة الحظ تطلعى باثنين ثلاثة هيبقوا باذن الله اصدقاء العمر
والكلام ده مش وقته الان
اللى وقته الان السنة الاولى
هتلاقى فيها شباب وبنات بعد مرحلة الثانوية العامة هيهتموا بتكوين الصدقات من الاناث والذكور
هتلاقى اللى هيجيلك زميلك لسه فى اولى هيقولك انا معجب بك و....ألخ
اوعى تسمعى الكلام ده ابدا
واوعى تربطى مصيرك بعلاقة للاسف لحد ماتتخرجى هتعلم فى حياتك
بمعنى بيتقال بعد كده فى سنين قادمة دى فلانة بتاعت فلان من ايام الجامعة
حطى فى دماغك ان اللى جاى بيقول الكلام ده لسه بياخد مصروفه من باباه
هتلاقى نظام قعدة على الكافتيريا اما المحاضرة تتلغى مثلا
هتلاقى بنات بتقضى حياتها فسح وخروج وهزار مالهاش فى المذاكرة
نصيحتى:
صاحبى واختارى الاخيار والصحبة الحسنة وارفعوا بعض وشجعوا بعض على المذاكرة والاجتهاد من الاول كده
اجتهدى بالدراسة
احضرى كل المحاضرات لا تفوتى محاضرة
مش هقولك ذكريها فى ساعتها لكن اقولك بيضيها
بمعنى احنا بالمحاضرة بنكتب بسرعة لما نروح بنعدها تانى بخط نظيف منسق
الاعادة دى فى حد ذاتها مذاكرة
لاتستمعى للفشلة اللى هيقولولك تجارة صعبة وياما ناس جابوا ملاحق والكلام العبيط ده
المجتهد بياخد نصيبه وزى مافى ناس بتسقط وتملحق فى ناس بتنجح وتتفوق
اتوكلى على الله واعتمدى عليه
واعرفى انك بكليتك تقدرى اللى تحققى كل حاجة بالمجموع العال من اول سنة كده والترقى لتصبحى معيدة بالكلية مثلا وتكملة لدراسات عليا باذن الله
انا اعرف ناس كتير اوى بيندموا على ضياع سنة اولى فى الهزار وقعدة الكافتيريا وعدم المذاكرة بحجة ان دى اول سنة
وربنا كرمهم بعد كده فى السنين الثانية اما عقلوا بقى
بس بعد ايه
التقدير تراكمى
فالسنة الاولى نزلت من التقدير العام جدا
بالتوفيق باذن الله
ولو عوزتى اى شئ انا هنا معك

[dr/nor pt]

مفيش اوفى من كدة بلتوفيق

[مريم السباعى.]

بجد مش عارفة اقولك ايه ربنا يحفظكم يارب ويخليكم وان شاء اله مش حسيبكم اى شئ محتاجة حجى اقولكم عليا بارك اله فيكم

[dr/nor pt]

يا قمر انتى تنورى هو انا اطول ارد على اسئلتك بلتوفيق ليكى يا حبيبتى

[مريم السباعى.]

بصو يقمرات انا بجد برضه من الحاجات الى قلقانى هى الكتابة بسرعة فى وقت المحاضرة مش عارفة اضرب على الكتابة بسرعة ازاى اعصاب ايدى خفيفة بحاول اجيب جرايد واخلى اختى تقرا وانا اكتب بسرعة علشان اتعود بس برضه بلاقى خطى لما بيككتب بسرعة بيطلع مش تمام مش ليكو نصيحة لحكاية دى ونبى

[dr/nor pt]

مالها ايدك بلظبط علشان لو فى مشكلة فى العصب اققولك اعملى اية علشات دة غلط

[aleman]

المشاركة الأصلية كتبت بواسطة شروق السيوفى

بصو يقمرات انا بجد برضه من الحاجات الى قلقانى هى الكتابة بسرعة فى وقت المحاضرة مش عارفة اضرب على الكتابة بسرعة ازاى اعصاب ايدى خفيفة بحاول اجيب جرايد واخلى اختى تقرا وانا اكتب بسرعة علشان اتعود بس برضه بلاقى خطى لما بيككتب بسرعة بيطلع مش تمام مش ليكو نصيحة لحكاية دى ونبى

صدقينى انتى فى الموقف نفسه هتلاقى نفسك بتكتبى بسرعة
ومش اى حاجة تتكتب احنا مش اله كاتبة او تسجيل
بيتكتب المهم فقط وبين كلام المحاضرين والدكاترة بتبقى فى فواصل
يعنى دكتور تلميذة بتسأله
دكتور بيتكلم فى مواضيع خارجة عن المحاضرة كالغياب .....ألخ
والخط ده لاتقلقى منه
هتلاقى خرائط من زميلاتك اللى زيك وساعتها هتقولى الحمد لله انى خطى كده
انتى تفهمى خطك الركيك احسن من غيرك
اما تروحى بقى اكتبى براحة (تبيض المحاضرة) وده بقى اللى بيتصور ويتبادل بينكم للافادة

[dr/nor pt]

بصى فى حاجة اسهل من كل دة سجلى احسن وكمان بلنسية لان اعصاب ايدك خفيفة فهل دة بيالمك ولا القلم لما تكتبى بسرعة بيقع وايدك تترعش لان ممكن فى حاجة فى العصب تتعالج لان بمرور الوقت دة غلط بلتوفيق

[مريم السباعى.]

لا بلاقى عصب ايدى وجعنى لا اكتب فترة طويلة القى ممكن ايدى زى جالها حالة توقف تمام عن الحركة

[dr/nor pt]

اة بصى انتى لازم تروحى لدكتور علاج طبيعى لانى لو استمرت كدة ممكن يجيلها شلل رعاش مبكر مش هعرف اشرح لان الحاجات بالانجليزى وترجمتها صعبة انى اشرحها لانى ملهاش ترجمة محددة يا قمر بس لازم تروحى بس قبل متروحى اعملى عليها اشاعة ووديهالوا بس كدة وطمنينى بلتوفيق انا بقولك كدة علشان حالات كتير بتجلنا المستشفى كدة وتقولكانت عادية وانا صغير بتططور بعد كدة بقى الحقيها بدل ميطور معاكى يا قمر بلتوفيق يا جميل

[مريم السباعى.]

ربنا يخليك يا دكتور يا قمر حاضر يا جميل انا ان شاء الله حروح لدكتور وحشوف الموضوع دة لانه كمان كان بيتعبنى فى الامتحانات كتير وانتى عارفة ساعات الامتحان بتبقى الواحد ايده طيارة غصب عنه وربنا يسهل الاحوال
ربنا يخليكو اي قمرات

[dr/nor pt]

ان شاء الله وكمان دة لمصلحتك بيعدى علينا كتير كدة فى المستشفى ولو فى اى حاجة قولى بلتوفيق يا جميل

[وجه جديد]

معلش كنت عاوز اسال عن حاجه بس ياريت حد يرد عليا انا جالى تجارة بورسعيد وعاوز احول ورقى هل فى تقديم السنه دى على التحويلات الورقيه لان بجد نفسى اروح المنصورة مش عاوز بورسعيد ياريت اى حد يرد لو عارف فى تحويلات السنه دى ولا لاء