هذه فعلا هي المكانة المادية للمعلم في مصر

[احمد عبد الرحمن مخلوف]

لقد قبضنا في ملاحظة الشهادة الاعدادية الترم الثاني باسيوط 74 مكافاة + 12 جنيه بدل انتقال يبقي المجموع 86 جنيه بعد 6 ايام من المرار والتعب والتنقل في مواصلات مقرفة لقري مهمشة ومحاولات مستميتة من الطلاب للغش وفراغ امني بحت بحيث ممكن المعلمين يضربوا من الاهالي او يترمي عليهم طوب, الغريب ان هذا المبلغ تم صرفه بعد الامتحانات بثلاثة شهور وبعد ما سالنا انفسنا عن السبب وجدنا انه فعلا هذه هي المكانة المادية والادبية للمعلم المصري في زمن العجايب والطرائف, وننتظر تقدم ؟؟؟؟؟؟؟؟؟؟؟؟؟؟

[احمد أبو الخير]

شئ مضحك والله

86 جنيه على اساس اننا بنشحت يعني

المشكة ان كل تيرم تيجيلي الملاحظة بس ولا عمري هافكر اطلعها لانها كلام فاضي

يعني كل يوم اروح بلد معرفهاش والعائد يدوب محصل بنزين عربيتي , يا جماعة دي والله قلة ادب ولازم وقفة بجد لاننا مش شحاتين احنا مدرسين ومؤهلات عليا ومحترمين وحملة رسالة عيب اللي بيحصل ده , لو الحكومة مش معتبرينا بني ادمين يبأه طز في الحكومة وطز في اي حد يرضى لنفسه بالذل والاهانه

[ghoneem84]

ههههههههههه
86 دة انت كدة اخذت اكتر منى
انا اخذت 38 +6 بدل فى مراقبة الشهادة الابتدائية
وسلملى على وزارة العبط وقلة الكرامة

[khaled1968]

أنا قلت من زمان على كل معلم أن يكتب طلب تحويل من معلم الى إدارى ويريح نفسة ويحترم نفسه ولا يطلع إمتحانات ولا تصحيح لأنها فعلا مهنة مهانة وصاحبها مهان من كل البشر مهان من الحكومة مهان من الطلبة وياسلام اللى راح مراقبة الثانوية السنة دى كان المعلم يتعرض للشتائم من الطلبة والغش بالاكراه زرئيس اللجنة عامل ودن من طين والاداريين قاعدين ياكلوا ويشربوا شاى ويقرأو جرائد وأعضاء الكنترول لاحس لهم ولاخبر والأمن كل سنة وانت طيب لم يتبقى الا المعلم والطلبة وقلة الأدب والسفالة وياريت نتقدم جميعا بطلب استقالة من هذه الوزارة التى تهيننا فى كل لحظة وشوف وكيل النيابة يروح يوم انتخابات شوف بياخذ كام وكم واحد تحت امرة
وأقول لكم ان الله لايقيم الأمة الظالمة ولو كانت مسلمة
اقسم بالله ألعن اليوم اللى دخلت فيه التربية والتعليم فعلا كانت وظيفة الذل والهوان وقلة القيمة والكرامة ولا أدرى كيف يكون هذا العام الدراسى بهذه المهانة للمعلم

[khaled1968]

عندنا كلاب فى مصر مصروفها اليومى مئات الجنيهات وعند كبار المسئولين والفنانين ورجال الأعمال ولا تأكل الكلاب الا الأكل المستورد ودكتور مخصوص وعناية خاصة جدا وعندنا أناس يأكلون من الزبالة اقول لكم لم يتغير شىء مصر هى مصر يروحوا يشوفوا اسرائيل بتعمل ايه واضعة خطة للحرب على مصر وتنشر منصات الصواريخ على الحدود وخلينا فى الظلم والظلم عاقبته سوداء والعدل أساس الملك

[هشام الشوري]

هتجيب عربية امتة 86 جنية انتة عديت

[السيدالقناياتي]

احمد ربنا هتنهب دا اسمة بدل شحاتة

[شريف منير]

86 جنيه فى أسبوع .. والله العظيم يومية العامل اللى بيشتغل فى الفاعل (أعمال المقاولات) 100 جنيه فى اليوم !