أيهما أفضل ؟؟

[tet0]

أيهما أفضل ..أصدقاء الانترنت أم أصدقاء الواقع ؟

السلام عليكم ورحمة الله وبركاته

كلنا يعرف مدى اهمية الصداقة ..ومدى اهمية احسان اختيار الصديق

هناك اصدقاء الدراسة ..اصدقاء من العائلة ..اصدقاء الطفولة ..واصدقاء الانتر نت

والنوع الاخير هو الذي ارغب في التحدث عنه قليلا ( اصدقاء الانتر نت )

في كل يوم نقابل اصدقاء جدد في كل مكان حتى في الانتر نت

لنتذكر ..كم من صديق ( تعرفنا عليه من خلال الانتر نت ) وقف الى جانبنا وساعدنا كثيرا

بل قد نحبهم احيانا لدرجة كبيرة ربما تفوق حبنا لاصدقاء الطفولة او الدراسة ..بل ونحن لم نرهم اصلا

سؤالي هنا

هل من الممكن ان يكون اصدقاء الانتر نت افضل واكثر وفاء من اصدقاء الواقع ؟؟


ما رايكم ؟؟




أنتظر ردودكم وتعليقاتكم على الموضوووع

ولو فى حد عندو قصة حدثت بينو وبين واحد على النت

تدل على انك ممكن تطلع من النت بأصدقاء ممكن تحكيهالنا

[المخلص الي الابد]

والله موضوعك جميل قوي يا اخ تيتو

بالنسبة للانترنت ممكن تلاقي اصدقاء بالالاف بس مش ممكن يكون زي صديق تكون انتا معاه طول عمرك

يعني ايهاما افضل صديق اتعرفت عليه اليوم ولا صديق عايش واتربيت معاه ؟؟

بالنسبة للصداقة علي النت منكرش اني اتعرفت علي اصدقاء كتير بس الصراحة ملقتش اللي يقف جنبي في شدتي

وده رأيي ونشوف رأي الاخوة الاعضاء

[اينشتاين]

انا شاف ان الاخ ابراهيم عنده حق لان الانسان ممكن يتعرف على اصدقاء من الانترنت كتير بس شىء طبيعى انهم ما يكونوش زى اصحاب المدرسة مثلا او اصدقاء العمر لانهم عشرة عمر وعاشوا مع الواحد لحظات فرحه والمه ويعرفوا كل شىء عنه لكن ما انكرش ان ممكن صديق الانترنت يكون زى صديق الواقع فى يوم من الايام ليه لاء كل شىء ممكن

[الامير عبده]

الافضل اصدقاء الواقع طبعا

[بورسعيدى]

الواقع افضل طبعا

[zizo2_2]

ممكن أن يتساوى الصديقان إذا كان صديق نت أو صديق في الواقع ولا نفرق بينهم فهذا واقع وهذا واقع فالنت أصبح واقع في حياتنا ولكن يتاساويان إذا كان هناك صدق في العلاقة بين الشخصين وزعدم الكذب عندها يتساويان
ذاك هو رأيي

[أكرم المسيري]

الصديق صديق أينما وجد

وإن لم يكن من تتعرف عليه فى النت صديق فلماذا تقول عنه هذه الكلمة "صديق "

كل ما أريد قوله اننى أختلف مع الزملاء فى هذا الرأى القائل ان أصدقاء الواقع أفضل

لأننى قد سميته بالفعل " صديق " فكيف يكون هناك من هو أفضل ، لكن قد تتفاوت كمية الحب المتبادلة وكمية العطاء

وان كان هذا الشخص غير ذلك فسمه أى مسمى آخر

[Genius Boy]

انا رايى ان صديق الواقع احسن طبعا
ده اللى انا مشيت معاه وعشت معاه ودرست معاه وسافرت معاه استحاله يكون واحد مشوفتوش اصلا احسن منه
وبعدين انا مختلف معاك يا استاذ باشو فى موضوع التسميه لان كلمه الصديق تطلق على اى صديق
الصديق الوفى الصديق الخاين اى صديق ولكن .... مع الفرق
وشكرا لك يا تيتو .
و.انا بقترح ان اى عضو معجب بشخصيه عضو وبكلامه يتصل بيه ويقابله وتبقى صداقه بجد
والسلام

[basmala]

الواقع

[ReceptiveGuy]

الفرق في اللقب و ليس في الشخص
فهناك
زميل - صديق - زميل عمل - زميل مواصلات (على فكرة آخر اتنين انت مجبر عليهم) - .................إلخ
و زي ما قلت الفرق في الشخص
لو الشخص معتاد على المساعدة مش هايخذلك حتى لو اتعرفت عليه لمدة خمس دقائق
أم من اعتاد على غير ذلك فقد يساعدك وقت الضيق فقط !!!!!!!!!!!!!!! و ربما لا ؟
شكراً على الموضوع الرائع و إلى الأمام

[اوركيديا]

ايه رايكو انتو انهى احسن

انا برده بعد ما قريت الموضوع و الردود لسه مش عارفه احدد
بس حاسه ان لكل واحد فيهم صيغه و حاجه ليه

انت ممكن تلاقى بعض الناس مكتفين تماما باصدقاء الواقع
بس مش ممكن تلاقى حد مكتفى باصدقاء النت و مش بيسعى لاصدفاء الواقع

فى رعايه الله

[احمد نوفل]

طبعا الواقع بلا تررد اان حصلى موقف انا صحبت ناس كتير من على النت وقابلتهم بيبقوا شخصيات غير الى كنت بتكلمه شخصية مختلفة اوى

انا افضل الواقع وعلى فكرة والله ما فى اصحاب فى الزمن ده كله بقى بتاع مصلحته لا واقع ولا خيال ولا انترنت

شكرا على الموضوع

[Prof.Dr/A.T.M]

الصديق اينما وجد طالما يقف جنبى وينصحنى يبقى الافضل
وشكرا على طرح الموضوع

[الضوء الشارد]

مش هاتفرق المهم الصديق اللى يقف جنبى ويساعدنى سواء كان صديق نت أوصديق عادى المهم يكون صديق صدوق

[رونالدينهوو]

طبعا الصديق صديق وبعدين الاصدقاء عن طريق النت ممكن يصبح فى يوم صديق واقعى ملموس يعنى يمكن اصاحب واحد على النت ويبقى فى يوم من الايام اعز من اصدقائى عن طريق المعرفة والمقابلة الشخصية وبعدين صديق النت لية مميزاتة والواقع لية مميزاتة صديق النت ممكن اكون معاه لحظة بلحظة على مدار اليوم اما صديق الواقع يمكن ميكونشى معاية واكيد انه مش هيبقى معاية على طول