التعليم فى مصر؟؟؟؟؟؟؟؟؟؟؟؟؟؟؟؟؟؟؟؟؟؟؟

[العبد الخاضع لله]

نحن غفلنا عن موضوع فى غاية الخطورة وهو التعليم فى مصر عاوزين كل واحد مننا يبدء من مدرسته هوا مش يقولك لما المدارس تتظبط يبقى نتظبط يعنى مثال والله اعلم لو واحد ادى شغله بضمير ما برده الحكومة والوزير موجودين وواحد قاعد مأداش شغله بضمير ما برده الحكومة والوزير موجودين صح ولا ايه
عاوزين كلنا نتعاون انا كطالب هحاول اقدم بأذن الله حاجه لمدرستى وحضراتكم كمدرسين عاوزين كل واحد يقدم حاجه لمدرسته عاوزين كل واحد منكم يجتمع باصحابه المدرسين ويقولهم هنعمل ايه السنة دى ايه اقتراحتكم ايه رأيكم
هنعمل ايه وعاوزين من خلال الموضوع ده بأذن الله

كل مدرس كل طالب كل واحد بأذن الله يقدر يقدم اقتراح يقدر يقدم فكره واحنا ننفذها فى المدرسة

يعنى يقول مثلا انا كأستاذ ممكن اعمل كده فى مدرستى وياريت تنفذوا كده فى المدرسة وهكذا عاوزين نعمل اي حاجه تفيد بلدنا مصر بأذن الله وهذا الموضوع عليه ثواب كبير ومحدش يقولى دا مستحيل اصلاح التعليم

اقوله حديثين

من قال ان الناس قد هلكوا فقد اهلكهم

تفاءلوا بالخير تجدوه

دعنا من اليأس وهيا الى الامل هيا الى اصلاح وطننا مصر

مستنى اقتراحاات واراء حضراتكم وانا بأذن الله سبحانه وتعالى والدى مدرس هديله الأقتراحات المفيدة وهوا كمان يحاول يطبقها فى مدرستة والأقتراحات زى ايه نشوف حل لظاهرة الغياب نشوف حل لأخلاق الطلبة نحبب الطلبة فى المدرسة نعمل مسابقات وهكذا
وكمان مش عاوزين واحد يجى يقول ياعم لما يزودوا المرتبات وكدا نبقى نصلح نفسنا لا عاوزين كل واحد يبدء من نفسه كل واحد ينمى مدرسته وعاوزين كمان مثلا والله اعلم مدرس لغة عربية كتب اقتراحه انا عاوز كذا وعاوز المادة تدرس بكذا يقوم مدرس تانى داخل واخد الفكرة ومنفذها ويقوم موجه عربى داخل مثلا والله اعلم تقوم الفكرة عجباه يوصلها لوكيل الوزارة فى محافظته وكمان اى واحد عنده سلبيات يقولها ويقول اى حل او يكتبها وحد تانى عنده حل ليها يقوله وعلى قد ما نقدر والله هو الموفق والمستعان
والله اعلى واعلم

والله ولى التوفيق

[العبد الخاضع لله]

1- تنفيذ مصطلح التربية والتعليم فالتربية تكون قبل التعليم لان اخلاق الطلاب الان نحن جميعا نعرف .
2-يؤدى المدرسون عملهم بما يرضى الله والابتعاد عن الدروس الخصوصية
أو اعطاء دروس خصوصية بعد موعد المدرسة.

3- الشرح فى المدارس لابد وان يكون مثل الشرح فى الدروس الخصوصية.

4- الاهتمام بالتربية الدينية فأغلبية المدارس الان لا يدخل مدرسو التربية الدينية بها الحصص .

5- تعديل المناهج ولنضع مناهج ذات الطبع الدينى فغالبية الطلاب الان لا يعرفوا دينهم.

6- نريد تنمية للقدرات والمواهب ال مندثرة بانشاء مجمعات علمية

7- اطالب بتوفير حياة كريمة للمعلمين حتى يمتنعوا عن الدروس الخصوصية
وان طبق هذا فى مصر انظروا الى مستوى الطلاب والتعليم سيصبح 100%

هذا الكلام رسالة لوزير التربية والتعليم

[Mr.Optimistic]

المشاركة الأصلية كتبت بواسطة MOHAMED_ASAD

1- تنفيذ مصطلح التربية والتعليم فالتربية تكون قبل التعليم لان اخلاق الطلاب الان نحن جميعا نعرف .

مجرد شعار ترفعه وزارة التربية والتعليم
ولو هتحسبها ... وزارة التعليم والتعليم ... دا إن كان فيه تعليم ... الطلبة بيطلعوا من الامتحانات ناسيين كل الي خدوه لأنه منهج يعتمد اعتماد أساسي علي الحفظ دون الفهم
.
المناهج في مصر 3 أضعاف الكمية المتفق عليها دوليا ... يبقي ازاي تعليم .

2-يؤدى المدرسون عملهم بما يرضى الله والابتعاد عن الدروس الخصوصية
أو اعطاء دروس خصوصية بعد موعد المدرسة.

إرضاء المدرسين دي أنا بضيفها لخامس المستحيلات ... - مع احترامي لجميع المدرسين - بس قدامي كذا مثال حي في بلدنا .
السنة دي أنا اتصدمت لما عرفت ان فيه مدرس كيميا بيدي درس كيما ب 45 جنيه وأحياء 45 جنيه وتالتة ثانوي 60 جنيه للطالب ... وبيروح عنده ألف طالب في كل دفعة ... لأ والنظام الجديد هيساعده كتير لأنه هيدي كيما وأحياء في تانية وتالتة ... وبيروح عنده والله العظيم 1000 طالب في كل دفعة من كل أنحاء البلاد المجاورة .. يعني المفروض يخفض السعر بس هتقول ايه بقي " لا يملأ عين ابن آدم ... إلا (.... الفلوس .... ) هههه
بيدخلوا في الشهر 400 ألف جنيه .هههههههه
أنا حلم حياتي أطلع مدرس ثانوي ههههههههه

3- الشرح فى المدارس لابد وان يكون مثل الشرح فى الدروس الخصوصية.

كلنا نتمني هذا .... لأن معتش فيه ضمير خااااااااالص عند أغلب المدرسين .

4- الاهتمام بالتربية الدينية فأغلبية المدارس الان لا يدخل مدرسو التربية الدينية بها الحصص .

بل لا يدرسوه أساسا ... وبيخلوا مدرس العربي ياخده في سكته ويدرسه مع العربي ..

5- تعديل المناهج ولنضع مناهج ذات الطبع الدينى فغالبية الطلاب الان لا يعرفوا دينهم.

لاحظ إن فيه الطائفة المسيحية ولا بد احترام جميع الديانات

6- نريد تنمية للقدرات والمواهب ال مندثرة بانشاء مجمعات علمية

ياريت ... لأن كل المواهب موجودة في مصر بس مدفونة

7- اطالب بتوفير حياة كريمة للمعلمين حتى يمتنعوا عن الدروس الخصوصية
وان طبق هذا فى مصر انظروا الى مستوى الطلاب والتعليم سيصبح 100%

No comment

هذا الكلام رسالة لوزير التربية والتعليم

اقتراحات حضرتك والله جميلة جداااااااا بس العيب طلع في الشعب مش في نظام بس ...
Welcome to Egypt

موضوع جميل جداا
وبجد يستحق النقاش

[eslam mohsen ali]

السلام عليكم
الكلام ده علشان يطبق يبقة هيكون فى سنة 3012 بمعنى موت ياحمار

[نور يوسر]

يااااااااااااااااااااااااااااه دده التعليم كلللللللللللللللله عندنا سلبى ضايع انا رايي زى راي احمد اسعد لكن هضيف علييييعه شوية حاجات تانى يعنى احنا لييييه منعملش امتحانات تقيس مستوى الطالب فعلا يعنى مش زى هبل 2012 ولا 2011
ليييييه منختارش الوزير ع اساس انه تربوى علشان يفهم احنا عاوزيييييييييين ايييييييييه
ليييييييه منرجعش كرامة المعلم اللى اتهدرت بس طبعا نخلى المدرس يشرح كويس
ليييييييييييييييييه متبقاش فى رقابه فى المدارس يعنى الوزير يروح كل شويه مدرسه ويشوف ايه الللى فيها زى ما عمل احمد زكى بدر او احنا ممكن تكون فى كاميرات فى المدارس فى الفصول من غير ما الطلبه يعرفوا طبعا وكل شى يتراقب واى حاجه مخله نوديها للوزير وو نشوف هيعمل ايييييييييه او ندى الاسطوانات دى للوزير يقعد 5 ساعات كل يوم يتفرج فرجه سريعه جدااااااااااااا كده يشوف ايييه اللى بيحصل وانا اعرف مدرسه لكن للاسف خاصه انا كنت فيها بتعمل كده
ليييييييييييييييييه منطورش كتاب الوزاره او ع الاقل يبقى كتاب دليل التقويم من اولى ابتدائى لتالته ثانوى وتكون فيه اسئله كويسه
ليييييييه منخلييييييييش الطالب يروووووووووح المدرسه فعلا وهو حاببها مش تبقى ترانزيت لدرس خصوصى ولا لشهاده مرضيه ولا ولا ولا ولا
لييييييييييييييييييييييييييييييييييييه ولييييييييييييييييييييييييييييه ولييييييييييييييييييييييييييييه
احلامنا دى المفروض نبدأ نحققها من دلوقتى علشان مصر داخله فى مرحله خطر جدااااااااااااااااااااا

[شريف حسن .]

ما شاء الله عليك يا استاذ محمد

ربنا يبارك فيك

هى فعلا كلها أفكار جميلة جدا ورائعة ولكن يتبقى التنفيذ

نحن ينقصنا روح الجماعة فى كل شى مش المعلمين فقط

لكن الامل دائما موجود وطالما هناك عزيمة واصرار على التحدى

أعلم بأن الله عز وجل سيساعدك ان شاء الله

أنا مدرس فى مدرسة نائية جداااااااااا وحاربنا كثير من أجل التغيير

حتى جاء مشروع الجودة همم فينا العزيمة والاصلاح مع العلم اننا واجهنا صعوبات

كثيرة من أحباط من الاغلبية وعدم المساعدة لكن والحمد لله أستطعنا التغلب على هذه المشاكل

واستطعنا ان نأخذ بأفكار من كان يحبطنا حتى ولو بها خطأ ولكن لكسبه حتى تمكنا والحمد لله

من التغيير وكان العام الماضى من أجمل الاعوام بالمدرسة بشهادة الجميع من الادارة والمديرية والوزارة

أتمنى التعليم ينصلح ( المنظومة كلها ) لانه لو أنصلح التعليم أنصلحت مصر كلها ان شاء الله

مرة أخرى أكرر شكرى بارك الله فيك

[Mohamed..Gamal]

السلام عليكم

بصراحة افكار جميلة

بس بقا تقول لمين
يعني تطبق ان شاء الله
في سنة
7800ق.م قبل الميلاد

هههههههههههههههههههههههه

ان شاء الله تطبق بإذن واحد احد

[the_genius girl]

التعليـــــــم......!!!
هو احنا اساسا عندنا تعليم فى مصر؟؟!!
ده اللى بناخدوا فى المدرسة حاجة كدة زى مبيقولوا
كله تحصيل حاصل مش فارقة هم طلاب مصر عاوز ايه
اديله مناهج غلط هو يعنى هيعرف منين ؟؟!!!
هو مش كل همه يدخل كلية وخلاص هيطمع اكتر من كدة
والطالب اللى بيكافح عشان يخش طب يدرس 7 سنين كلام فاضى وبعد كدة
ييجى يتدرب على ايد دكتور فاهم ايه لازمتها بقى السنين دى
وبعدين احنا بندرس اكبر بكتير من حجم المناهج اللى متفق عليها
حسبى الله ونعم الوكيل........... عقول كتير ضاعت وناس اندثرت
ومشيت فى الحياة ولا كانها حاجة
احنا عندنا عقول افضل من عقول الغرب 100 مليون مرة والدليل اذكى طفل فى العالم
منين مش من مصر؟؟!!!!!!!
تب ده خاد فرصته امال الطلبة التانية بقى تعمل ايه
التعليم بايظ خالص فى جميع الدول العربية ....
د المناهج فى السعودية ايه دى مبندرسش حاجة والمنهاج فى مصر اضغاف اضعاف
وده بيطغى ع عقلية الطالب
يعنى لا كدة لا كدة...... مفيش اعتدال
حسبى الله ونعم الوكيل
ربنا يعين الرئيس ويكون وفق فى اختيار الوزير اللى يارب يشوف حل
فى اسرع وقت للمشكلة الكبرى اكبر مشكلة بنواجهها هى والاقتصاد
وننقذ مايمكن انقاذه
جزاكم الله خيراً

[العبد الخاضع لله]

ننتظر المزيد من الأراء البناءة والمفيدة وشكرا لحضراتكم على المشاركة الجميلة فى هذا الموضوع

[العبد الخاضع لله]

وان شاء الله كل واحد او واحدة يكتبوا طلبهم ورأيهم واقتراحهم وممكن نجمعها فى موضوع واحد ونثبته

[aleman]

موضوع جميل يامحمد
ربنا يكتر من امثالك اللى بجد عاوزينا نرتقى بالتعليم

يجب على التلميذ ان يحترم معلمه سواء كان بيديله فى الدرس او لا
ويجب على المعلم احترام ادامية التلميذ اللى امامه

انا بالنسبة لى كمدرسة بصاحب تلاميذى وتلميذاتى
لا اخذ دور الام او الاب
لكن اخذ دور الصديقة الكبرى اللى الكل بيشتكى لها
وكل تلميذ عارف ان الميس بتاعته خاصه له فى قلبها جانب لوحده ليه وده بيحببهم فى المادة جدا
وطبعا اهم شئ ان انا اشعرهم ان المادة اللى بدرسها لهم سهلة جدا بس عاوزة مذاكرة وفهم حبة حبة معى
وهى مش سهلة لانى انا المدرسة فشيفاها كده
لا دى سهلها وزميلكم اللى قبلكم تفوقوا وجابوا درجات نهائية فيها وتقديرات عالية
ده كلامى لهم
فبالتالى الطالب هيحاول معى ان يفهم
لكن فيه مدرس يدخل يقول المادة دى صعبة موووووووووت
يبقى خلاص عليه العوض فى التلميذ اللى احبط

مشكور تلميذى الفاضل

موضوع يستحق التثبيت لانه يجمع بين الطالب والمعلم والموجه والمدير وكل من يتعلم فى مصر

[العبد الخاضع لله]

شكرا لحضرتك على الرد الجميل دا والموضوع اتشرف بمرورك الجميل وننتظر المزيد من الأراء والأقتراحات من معلمينا الأفاضل بأذن الله سبحانه وتعالى وجزاكم الله كل خير ونرجو الدعاء لى بظهر الغيب

[MR : ABO BATTA]

اشكر اخي الحبيب والتلميذ النجيب محمد اسعد
بارك الله فيك وأكثر من أمثالك
لقد عشنا فسادا طوال ثلاثة عقود وليس التعليم من هذا الفساد ببعيد بل إن من أكثر المؤسسات التي فسدت في تلك العقود هي المؤسسة التعليمية بكل جوانبها وأركانها المعلم والمتعلم والمنهج الدراسي
ولقد قرأت كل المشاركات السابقة والتي تحدث فيها الزملاء عن فساد التعليم
وانا اقول :

• لإصلاح التعليم يجب ان يحظى المعلم بمكانة رفيعة في هذا البلد كما يظاها مثيله في اليابان وامريكا والمانيا وغيره
• لإصلاح التعليم يجب ان تكون البنية التحتية للعملية التعليمية ملائمة للجو التعليمي فلا يعقل ان ادرس مادة حاسب آلي في مدرسة لا يوجد بها جهاز كمبيوتر
• لإصلاح التعليم يجب توافر إدارة مدرسية تربوية ديمقراطية غير تعسفية ولا ديكتاتوية ولا حتى روتينية
• لإصلاح التعليم يجب سهولة التواصل بين القيادات في التربية والتعليم من الإدارة والمديرية والوزارة
• لإصلاح التعليم يجب تعديل المناهج بما يتوافق مع التقدم العلمي وبما يتماشى مع مجريات العصر الذي نحياه كما انه يجب التدرج من السهل الى الصعب في المنهج الواحد ولو تحدثت في تخصصي فلا يصح ان ادرس للطلاب web و powerpoint في ابتدائي وادرس word و excel في اعدادي
• لإصلاح التعليم يجب ان يعود الطالب الى رشده كما كان عليه الطلاب قديما ايام كان يرى الطالب معلمه فيتوارى منه حياءا واحتراما
• لإصلاح التعليم يجب ان يلتزم الطلاب بالحضور للمدرسة ولا يكون الاعتماد الكلي على الدروس الخصوصية التي اتمنى ان تختفي تماما
• لإصلاح التعليم يجب ان يعامل كل معلم ربه وضميره في عمله فلا يقصر ويختزل مجهوده في المدرسة للدروس الخصوصية
• لإصلاح التعليم يجب ان يوفر المعلم بعض الوقت ولو مرتين شهريا للتحدث مع الطلاب عن الأخلاق وحسن الخلق والسلوكيات الحميدة من خلال بعض القصص القرآني او من السنة المحمدية وهي تأتي بأثر طيب وعن تجربة
• لإصلاح التعليم يجب توافر أبنية تعليمية ومدارس تكفي للأعداد المتزايدة من الطلاب حتى لا نرى فصل به 50 و 60 طالب وحتى لا نرى مدارس تعمل بنظام الفترتين فهل يقنعني شخص بأن معلم يستطيع التعامل مع هذا العدد ويقدم له العمل كما ينبغي

أكتفي بهذا القدر سائلا المولى عز وجل ان يصلح حال البلد بوجه عام وحال التعليم بوجه خاص انه ولي ذلك والقادر عليه

[abdorajb]

مشكلة التعليم اقتصادية فيجب تحويل وزارة التربية الي وزارة منتجة مستغلة القوة الشرائية داخل المؤسسة التعليمية وذلك عن طريق الاجراءات الاتية
1-تحويل غلاف الكتب المدرسية الى واجهة للاعلان والدعاية لبعض الشركات الراعية للتعليم في مصر
2-تاجير واجهات المدارس وحوائطها الى شركات للدعاية والاعلان
3-تحويل ملاعب المدارس ملاعب نجيلة ويتم تاجيرها في المساء والصيف
4-تحويل بعض القاعات الى قاعة مناسبات لخدمة المج...تمع 5
5-بيع كل مايتعلق باحتياجات التلميذ من ماكل ومشرب وملبس وادوات مكتبية و.... داخل المدرسة
6.تحويل المدارس الصناعية الي مدارس منتجة من اساس منزلى -وخلافة مما يعود علي التلميذباكتساب المهارات الحرفية
7-شراء اتوبيسين لكل ادارة تعليمية للاستفادةبعائد الرحلات والمساهمة في الانشطة
8-المشاركه المجتمعيه لبناء مراكز علميه بدلا من اضاعة الاموال على هدف واحد مثل بناء مسجد وفقط

[مسترسمير إبراهيم]

أبنى الغالى محمد أسعد
قضية التعليم قضية وطنية تنقسم بين أفراد المجتمع ممثلة فى الأسر وأولياء الأمور الذين يعانون من العديد من المشكلات الحياتية فى مجال التعليم وبين الدولة ممثلة فى وزارة التربية والتعليم
والمهم أحترام المعلم لذاته ووسط أبنائة ويحافظ عليهم ويتقى الله فيهم
ونتمنى أن نرى فى الحكومة المصرية ما ينهض به التعليم ونرتقى إلى عداد الدولة المتقدمة والمنتجة نواتج تعليمية نافعة لشباب الأمة