حول جدول الأجور المقترح من نقابة المعلمين (حاجة تكسف)

[sohagy]

لاحظت من خلال الردود المختلفة حول الكمادر الذي تقدم به نقيب المعلمين للوزارة .. ولاحظت أن المعلمين انقسموا إلي ثلاثة فئات
1- مؤيد لمقترحات القانون .. وغالبا هو من مؤيدي الإخوان المسلمين
2- معارض لمقترحات القانون .. وغالبا هو من معارضي الإخوان المسلمين
3- متفرج سلبي .. وغالبا هو من آلاف المعلمين السلبيين التي تمتلء بهم مدارسنا

لقد تركنا الموضوع الأساسي (كرامة المعلم ) واتجهنا الي تأئييد أو معارضة الاخوان
يا أيها الزملاء ..
تعالوا نتكلم بشكل موضوعي .. هل من العدل أن يتقاضي المعلم حديث التعيين أقل من راتب جندي حديث التعيين فطبقا لجدول اجور الشرطة الجديد يكون راتب الجندي من 1296 ج إلي 1662 ج
وراتب المعلم حديث التعيين طبقا لما تقترحه نقابة المعلمين 1000 ج
بصراحة حاجة تكسف .. والله أنا لا احتقر عمل الجندي فلكل وظيفة أهميتها ، ولكن الناس درجات ولا يجوز أن اعطي شخص قضي سنوات عمره في الدراسة والتحصيل وحصل علي مؤهلات علمية ودورات تدريبة وبذل الأموال في سبيل ذلك ثم أعطيه راتبا أقل مما يتقاضاه جندي حاصل علي الابتدائية او الاعدادية
وبالمناسبة فإن راتب درجة لواء في الشرطة هو 6240 ج الي 8496 ج
ويقابلها في التعليم درجة كبير معلمين ويقترح نقيب المعلمين أن يكون راتبه 3500 ج لا غير
يجب علينا أن نقول كلمة حق بعيدا عن العواطف الحزبية ..
قولوا كلمة حق.. لقد كنا وما زلنا في ذيل قائمة المهن ..
يا حضرات لا ينبغي بأي حال من الأحوال أن يقل راتب المعلم عن راتب ضابط الشرطة
فالمقارنة يجب أن تكون بين المعلم والضابط .. وليس بين المعلم والجندي
والله حاجة تكسف

[medokh]

عندى يقين انه لن يحدث تحسن فى احوال المعلمين ( المادية - المعنوية ) الا بوقفة جادة من الجميع والا سوف تحدث تربيطات بين النقابة والتى تمثل الاخوان والوزير الذى يمثل الاخوان

كما ان جميع الفئات الاخرى حدث لهم تغيرات جدرية فى احوالهم المادية والمعنوية بدون تدخل من الاخوان ( الشرطة - القضاه - الجيش- .......................... ) وانما هذه التغيرات كانت تعبر حركات تغيير داخلية من انفسهم وحدث لهم بالفعل
اما المعلمين منقسمين على انفسهم فمعلمى الدروس الخصوصية فى وادى وباقى المعلمين فى وادى آخر
فلابد من تكاتف الجميع وليس الرضوخ لرغبة فئة على حساب الجميع ....... وشكرا

[عبده _عبده]

وان يريدك بخير فلا راد لفضلة
من كان مع الله فلن يضرة شيئ
من ارضي الناس بسخط الله وكله الله الي الناس ومن ارضي الله بسخط الناس كفاه الله شر الناس

[amrmosa]

اولا مين قالك ان الجندى بياخذ ما تقوله
اذا كان انا سامع انهم هيعملوا اضراب(ياستاذ دى اساسى العام كله بدون بدلات)
ثانيا انا نفسى يبقى مرتب المدرس يبقى اكبر من الوزير
لكن طول ما احنا مختلفين وبنحقد على بعض
وبنفرح فى مصايب بعض ولا عمرنا هنتقدم ابدااااااااا

[ابو محمد ع م]

اذا كانو صادقين فى كلامهم وكما قالو يوجد مليار ونصف فى الوزارة كما قالو فليظهرو حسن النية من الان ويتم ضم حافز الاداء الى حافز الاثاببببببببببببببببة ويوحد للجميع 200 % ويتم تحرير فروق 8 و 7 بعد العيد مباشرة ويتحرر مرتب 9 على الجديد وتكون هى المرحلة الاولى ويتم التفاوض بعد ذلك على الباقى مثل المكافاة تكون 125 % وتتوزع على الشهور و تقبض مع المرتب كل شهر والمعاش يكون شهرين عن كل سنة و تكون قيمتة ضعف الاساسى الاخير للمعلم عن اخر شهر لة فى الخدمة و يتم التفاوض على بدل المعلم وبدل الاعتماد لاقرارة فى صورتة النهائية من شهر 9 لننتظر

[عصام شلبي]

أحلام × أحلام ....
لن تأتي حقوقنا إلا بالإتحاد .
اتحدوا أيها المعلمون .
إلي إضراب أول أيام الدراسة .
والله هوا دا الحل

[محمود ابو يزيد]

لحد امتى كفاية اهانة وكأن البلد قامت فيها ثورة فى كل المصالح الحكومية وغيرها من اجل عيشة كريمة وما زال المعلم كما هو انا حاسس ان المعلمين مش تبع البلد دى ليه كده حرام عليكم " حقى لا افرط فيه "

[sohagy]

والأستاذ شريف حسن احد المشرفين بالمنتدي أورد خبر أن نقيب الأطباء سيتقدم لاقرار كادر للأطباء يكون راتب الطبيب حديث التعيين 3000 ثلاثة آلاف ج
ألم أقل لكم (حاجة تكسف)
لماذا تنظر لنا هذه النظرة الدونية يا نقيب المعلمين
كم أتمني أن يجيبني أحد ..
هل يوجد في المجتمع من هو أقل منا ماديا ومعنويا ؟

[sohagy]

وإمعانا في الإهانة الي المعلمين يقترح قانون الكادر أن تكون الدروس الخصوصسة مخالفة تأديبية ..
طيب .. هل سيكون فتح عيادات للأطباء مخالفة تأديبية .. رغم أنهم - وفق المقترح - سيتقاضون 3000 ج عند بداية التعيين ؟
حسبي الله ونعم الوكيل ..

[sohagy]

المعلم الأول وفق ما يقترحه القانون 1200 ج
ولو افترضنا أن هذا المعلم لديه طفلان .. فإن راتبه سيوزع كاتالي :
1- 500 ج إيجار سكن
2- 250 ج كهرباء ومياه وتليفون وموبايل
3- 100 ج بامبرز
4- 250 ج 4 ك لحوم ( كيلو في الأسبوع)
يتبقي له 100 ج (ويبوس ايده وش وضهر) ويمكنه أن يقسمها علي البنود التالية :
.. ذهاب للأطباء
.. علاج
.. مصاريف تعليم الأبناء
.. مصاريف يومية للأبناء
.. فسح وترفيه للأبناء
.. ملابس
.. متطلبات المنزل من (خضراوات وبقوليات ومشروبات ومسحوق غسيل وصابون ...الخ الخ
.. مواصلات
.. أقساط (ثلاجة أو غسالة أو تكيف إلخ الخ
.. انترنت
.. أعمال صيانة (سباكة - نجارة ..الخ
ــــــــــــــــــــــــــــــــــــــــــ
ومفيش داعي نحط بنود من نوعية :
.. قسط السيارة - هدايا - غسيل بخار - رحلات - اشتركات نوادي - كتب ومجلات - بنزين - تبرعات
لأن الـ 100 ج (يدوب) تكفي البنود بالأعلي ..
...
بصراحة أنا شايف إن (كرامة المعلم) الذي يتحدث عنها نقيب المعلمين في (كادره) قد تحقق (وبزيادة) كما ترون في توزيع الراتب ..

والله (حاجة تكسف )

[المصفح]

ياعم بس تتعمل انت من الناس الى بتعارض للمعارضة انا مدرس متعين اما اخد بدل معلم 1200 جنيه غير المرتب يعنى توصل 1800 جنيه وتقول كادر وحش مش عايز اقولك الله اما انى صائم انت نسيت ايام 80 جنيه فى الشهر ومتقدرش تقول كلمة فى كام سنتين تحول المرتب من 80 جنيه فى الشهر ل 1800 مش عايز ادعم الاخوان طب اقسم بالله انا لو الكادر ده اتعمل هنزل ادعم مرسى عند القصر وهحميه بدمى ده انا اخويا مهندس كهرباء مرتبه 1200 جنيه
والعسكرى ده لازم مرتبه يبقى اعلى منك لان بكل بساطة مرتبه قصاده حياته لان انت مهما فعلت عمر مها تكون زى واحد واقف على الطريق وفى الشارع وبيتهاجم عليه دلوقتى مش بمطوى لا بسلاح الى حديث جدا

[المصفح]

جسب الكادر مرتب المعلم المساعد 1000 ثم بدل معلم غير المرتب للمعلم 1200 للمعلم الاول ب 1500 للمعلم الاول أ 2500 للمعلم الخبير 3000 للمعلم الاول 3500 غير مرتبه والعلاوات ومش عاجبك بس يحصل

[maged_wil]

مشكوووووووووووووووووور

[sohagy]

المشاركة الأصلية كتبت بواسطة المصفح

ياعم بس تتعمل انت من الناس الى بتعارض للمعارضة انا مدرس متعين اما اخد بدل معلم 1200 جنيه غير المرتب يعنى توصل 1800 جنيه وتقول كادر وحش مش عايز اقولك الله اما انى صائم انت نسيت ايام 80 جنيه فى الشهر ومتقدرش تقول كلمة فى كام سنتين تحول المرتب من 80 جنيه فى الشهر ل 1800 مش عايز ادعم الاخوان طب اقسم بالله انا لو الكادر ده اتعمل هنزل ادعم مرسى عند القصر وهحميه بدمى ده انا اخويا مهندس كهرباء مرتبه 1200 جنيه
والعسكرى ده لازم مرتبه يبقى اعلى منك لان بكل بساطة مرتبه قصاده حياته لان انت مهما فعلت عمر مها تكون زى واحد واقف على الطريق وفى الشارع وبيتهاجم عليه دلوقتى مش بمطوى لا بسلاح الى حديث جدا

الكلام الذي تقوله .. فهمت منه .. أن المعلم الأول هياخد بدل 1200 + راتبه الأصلي = 1800 ج
أنا أول مرة أسمع هذا لكلام .. وده معناه حاجة من اتنين ، اما اني فهمت الكادر غلط أو انك انت اللي فاهمه غلط أو ان عندك معلومات مش موجودة عند باقي المعلمين
الفني في الكهرباء (اللي متعين بالدبلوم) بياخد ما لا يقل عن 1000ج في الشهر
وبالنسبة لقولك ( والعسكرى ده لازم مرتبه يبقى اعلى منك لان بكل بساطة مرتبه قصاده حياته)
يا راجل حرام عليك ....
يعني بنفس منطقك .. مرتب الجندي لازم يبقي أعلي من القاضي والطبيب والمهندس .. لأن هو بيضحي بحياته والتانيين أقل منه ..
أيها المتصفح - إن كنت معلم فعلا _ فعليك مراجعة آرائك ..
وإن كنا نحن المعلمون لا نعي أهمية ومكانة وقيمة مهنة المعلم وننظر لما هو أقل مهنيا علي أنه أفضل منا .. فلا نستحق أن نكون معلمين .. ونستحق هذه المعاملة السيئة من الدولة والمجتمع .
كلمة أخيرة هل تستطيع أن تعيش براتب 1200 ج وأنت تسكن بالإيجار ولديك أطفال وليس لديك دخل آخر ؟
انظر لغيرك وضع نفسك مكان الآخرين

[sohagy]

المشاركة الأصلية كتبت بواسطة amrmosa;4766950[size=4

][/size]اولا مين قالك ان الجندى بياخذ ما تقوله
اذا كان انا سامع انهم هيعملوا اضراب(ياستاذ دى اساسى العام كله بدون بدلات)
ثانيا انا نفسى يبقى مرتب المدرس يبقى اكبر من الوزير
لكن طول ما احنا مختلفين وبنحقد على بعض
وبنفرح فى مصايب بعض ولا عمرنا هنتقدم ابدااااااااا

طبعا عندك ..حق .. لابد من الاتحاد .. وبداية الاتحاد ألا يقل راتب المعلم عن أمثاله من المهن الأخري .. لأنه ببساطة ليس أقل من هذه المهن