شوف الاجور اللى حددتها النقابة للمعلمين حد ادنى للمعلم المساعد 1000 جنيه

[شريف حسن .]

طالبت نقابة المعلمين كل من الدكتور محمد مرسي رئيس الجمهورية ورئيس الوزراء ووزير التربية والتعليم فى لقائاتها معهم بكادر حقيقى للمعلم يوفر له حياة كريمة باعتباره عنصرا أساسيا في تطوير العملية التعليمية التى ستقوم عليها نهضة مصر في الفترة القادم.

كما أكدت النقابه أن تطبيق الحد الأدنى لكادر المعلمين يأتي على رأس أولوياتها .

وقال الدكتور احمد الحلواني نقيب المعلمين وعضو الجمعية التاسيسية ان النقابة اقترحت مادة جديدة في الدستور خاصة بالمعلم وهو ما لم يحدث في أي دستور من قبل وتنص على أن ترعى الدولة المعلمين أدبيا ومهنيا باعتبارهم الركيزة الأساسية فى تطوير التعليم وبلوغ أهدافه وتضمن لهم معاملة مالية لائقة تحفظ عليهم كرامتهم وتُعينهم على التفرغ لرسالتهم السامية بما يضمن كفالة الدولة للمعلم ماديا وأدبيا حتى يستطيع إخراج جيل متميز قادر على الإبداع والابتكار.

وأضاف الحلواني ، أن النقابة قد اقترحت منذ فترة كادر حقيقى للمعلم بدلا من الكادر الوهمي الذي امتهن كرامة المعلم ولم يحقق الهدف المرجو منه ويقوم الكادر على حد أدنى وحد أقصى للأجر بما يكفل حياة كريمة للمعلم حيث تم إعداد الكادر على نفس نمط كادر أستاذ الجامعة.

موضحا أن مقترح النقابة للكادر الجديد والذى يعتبر أحد المحاور الهامة فى البرنامج الانتخابى للمجلس الحالى يتضمن حد أدنى للأجر للمعلم المساعد يبدء من 1000 جنية ثم يتدرج ليصل إلى 1200 جنية للمعلم و1500 جنية للمعلم الأول و 2500 جنية للمعلم الأول فئة (أ) ثم إلى 3000 جنية للمعلم الخبير و3500 جنية لكبير المعلمين.

ونفى نقيب المعلمين ما يردده البعض حول عدم مطالبة النقابة بحد أدنى لأجر المعلم ، مؤكدا أن تطبيق الكادر بحده الأدنى على رأس أولويات مجلس النقابة فى الفترة القادمة من أجل الحفاظ على كرامة المعلم ومكانته.

مصدر الخبر هنــــــــــــــــــــــــاااااااااااااااااا

وده صورة الفاكس اللى نزلته ومحدش صدقه

[قرشم]

ده كداااااااااااااااااااااااااااااااااااااااااااااااا ااااااااااااااااااااااااب

وبينفى كل ده

وتصريح الوزير ان مفيش حد ادنى للمرتبات وما هى الا بدل معلم 50 او 100 %

[EhabFathi]

إن شاء الله خير

متفائلوووون

[m-farouk]

مازلنا علي موقفنا يوم 10 /9 متصدقوش حاجه كل هذه امور تسكين حتي يتفرق جمع المعلمين وتضيع مليونية المعلميين

[عبدالعزيز عطوة]

رواتب هزيلة وضعيفة أنا عن نفسي مش هبطل دروس خصوصية الا لما يكون مرتبي زي البترول والكهرباء والاتصالات والضرائب والشرطة والجيش

[محمد حسين الشربينى]

يعنى المعلم صاحب المؤهل العالى اقل من غفير بدون مؤهلات
وكمان لما النقابة تطالب متطالبش حتى بالمساواة بالغفرا
حسبنا الله ونعم الوكيل

[Tony Osman]

المهم التنفيذ

[أ/ محمد عاطف]

حسبى الله ونعم الوكيل

[منارسراج]

ابقى قابلونى نقابة ملعونة حسبنا الله ونعم الوكيل مفيش فى المعلمين راجل بحق ياخد حقنا وينطق شهادة حق عشان كده هتبقى الفئة المهانة والذليلة طول عمرها

[violet.flower]

ياااااااا مسهل

[معلم موهوب]

ياجماله ياجماله و1000ج دول ممكن يكفوا بيت ؟ انا عارف انه كان يوم اسود يوم ماأشتغلت الشغلانه دية.

[معلم موهوب]

المشاركة الأصلية كتبت بواسطة محمد حسين الشربينى

يعنى المعلم صاحب المؤهل العالى اقل من غفير بدون مؤهلات
وكمان لما النقابة تطالب متطالبش حتى بالمساواة بالغفرا
حسبنا الله ونعم الوكيل

والله العظيم انت راجل محترم وعندك حق فعلا احنا اقل فئة مرتبات في المجتمع ده . بيقولك المعلم صاحب رسالة ( sms) ؟ طب لو مفيش رصيد تفتكروا الرسالة بتعتوا ديه هتوصل ؟

[أحمد هاشم الزيدي]

يارب يارب يارب الايام الجاية تكون أحسن من اللي فات

[معلم موهوب]

المشاركة الأصلية كتبت بواسطة أحمد هاشم الزيدي

يارب يارب يارب الايام الجاية تكون أحسن من اللي فات

يارب باذن الله

[ronaldo r]

يا استاذ شريف هو مفيش اخبار عن معلمى العقد الشامل فى المنيا ولا ايه النظام علشان الواحد تعب جدا من المواضيع دى وهل ها نتثبت السنة دى ان شاء الله ولا ها يعملوا معانا ايه وارجو منك الرد لانك من الافراد المحترمين اللى بتابع ارائهم دايما