قبول التحويل

[mariam allam]

يا جماعه معلش انا الموضوع قالقني جدا
انا دلوقتي عملت التحويل الحمدلله
بس سؤالي هو فعلا 10 % بس اللي بتقبل ولا كل التحويلات بتتقبل
ولو 10 % بس ايه الاولويه في القبول
ولو متقبلش الالكتروني اعمل تحويل بالورق ولا اتلغى فعلا

[Mo7amed_S3d]

متقلقيش تحويل تقليل الاغتراب الأولوية فيه للبنات والنسبة هى 10%
وبالنسبة للتحويل الورقى انا شفت على اليوم السابع انه اتلغى

[mariam allam]

اصل انا هحول من عين شمس للقاهره وانا اصلا من حلوان علشان كدا خايفه ميتقبلش ... بس انا عايزه احول اصلا علشان الاقسام ولان عين شمس ابعد من القاهره

[222ahmed222]

المشاركة الأصلية كتبت بواسطة mariam allam

اصل انا هحول من عين شمس للقاهره وانا اصلا من حلوان علشان كدا خايفه ميتقبلش ... بس انا عايزه احول اصلا علشان الاقسام ولان عين شمس ابعد من القاهره

أقسام؟
إنتي رايحة كلية ايه هناك؟
بس هو في سؤال
هي القاهره داخل النطاق الجغرافي ليكي ال هو أ؟؟
لو آه فأظن إنّك هتتقبلي بإذن الله
وللعلم نسبة 10% دي مش قليلة خالص يعني
يعني مثلاً هندسة بتقبل 1500 طالب
يبقى هيقبلوا تحويل 150 طالب ودا عدد مش قليل
ومثلاً لو تجارة 5000 طالب
يبقى هيقبلوا تحويل 500 طالب
وعلى هذا المنوال
غير كل دا
بلاش استعجال النتائج
بيقولوا " ياخبر النهارده بفلوس بكرا يبقى ببلاش ".

[mariam allam]

كلية اداب .. لأن اقسامها في القاهره غير الاقسام اللي في عين شمس
واه انا عندي القاهره وعين شمس وحلوان مجموعه ( أ )
بس شكرا لكلامك ريحني وهستنا اهو مقدمناش غير اننا نستنا