صراخ الشهيد

[المهندي/احمد سلام]

صراخ الشهيد رفرف قلبي الحجر

وام الشهيد علي ولدها قلبها انفطر

بيقولي دمي وروحي راح هدر

ودمي سال عل الحدود واتنتر

ومتقوليش ده كان غاشم عيار

ولا تقولي ده كان اهبل ولا حمار

ولا غيرك مات في نفس الجدار

وجيشنا مفتحش حتي عليهم النار

عايز حقي يجيني يا ابن بلدي

كنت واقف احميك واحمي وطني

ومت صايم لسه بسمي علي فطاري

والميه محسش بها جوفي ولا لساني

عندهم حق يعملو اكتر من كده

صراع السلطة هو الي ادي لكده

وسابو حماية البلد وخلوها متهددة

كراسي ملعونة الي تخليها تبقي كده

ودم المصري علي الحدود متنتورة

وسيبين الناس من غير امن ومتنكده

والامن راجع في شهر في يوم مش كده !

جوه وبره دي ناس شغاله تخطط لكده

وسياسة ملكوش فيها ابعدو عن امها

وهمهم دستور يحمي خروجهم من ده وده

والمشكلة مش عويصة بالشكل ده

وسلامي عليك يا شهيد ووراك ايادي حديد

الجيش المصري عنيد ما يفوتش دم شهيد

هنجيب حقك وحقهم وتلبس توبك الجديد

ونزفك لجنة ربنا انه هو الكريم الحميد

وسلامي عليك يا شهيد

[الحجاب الحجاب]

الله يرحمهم ويصبر اهلهم وشكرا علي الموضوع

[faten forever]

كم هى حزينة وموجعة تلك الكلمات

جزاك الله خيرا

[المهندي/احمد سلام]

جزاكم الله خيرا علي شعوركم ومروركم الكريم

[فيض خاطري]

كلمات مؤثرة رحم الله شهدائنا
جزاك الله خيرا

[مـــــلك]

كلمات غايه في الروعه
جزاك الله خيراً

[ضياء الدين سعيد]

كم أن للجراح نزيف ولكنها ستداوى بإذن الله

جميل ما كتبت وسطر قلمك أستمر وحاول أن تصل لأفضل ما عندك


تقبل مروري وتحياتي

[المهندي/احمد سلام]

الاخت / كنارة
الاخ / ضياء

مروركم العطر زادني شرفا وتشجيعكم زادني قوة

جزاكم الله خيرا