هام لمن يهمه الامر من معلمي التعاقد

[هشام جيل]

بسم الله الرحمن الرحيم
تم الاتفاق على ميعاد وقفتنا يوم 8/8 الموافق 20 رمضان للذهاب الى مصر انها الفرصه الاخيرة للمطالبه بحقوقنا وتم الاتفاق على الاتى
1- التجمع امام محطة قطار الزقازيق 8:30
2- ذهاب المدرسين الى مصر (قصر العروبه) الاتحاديه بوابه رقم 3 الخاصه بالشكاوى
3- ذهاب المدرسات الى مبنى محافظة الشرقيه للضغط على المحافظ للضغظ من جميع الجهات وسيكون الاتصال بين مجموعة المدرسين المتواجدين فى مصر والمدرسات امام المحافظة بالتليفون لحظة بلحظة لمعرفة تطور الاحداث
لو شايف نفسك واخد حقك ومرتبك مكافيك ومخليك رافع راسك قدام الناس متجيش لو شايف نفسك انك اتثبت اوحتى اخدت عقد مميز متجيش مع العلم ان شهر 7 فات لو شايف نفسك ان فيه اهم من مستقبلك ومستقبل عيالك متجيش ولا تتعب نفسك لو شايفه نفسك مبسوطه من مرتبك قدام جوزك واهله متتعبيش نفسك ومتجيش لو شايفه نفسك ان مرتبك مكفى لبسك ومواصلاتك وبعدك عن جوزك واولادك متجيش وياريت ياجماعه كل المحافظات تتحرك وتعمل كده مش محافظة الشرقية بس
منقول
مع تحيات ( ثورة معلمي التعاقد )

[مدرس انجليزي 2000]

بالتوفيق نأمل التنسيق مع كل المحافظات

[هشام جيل]

مطالب المعلمين
تم التأكيد على سبع مطالب رئيسية لتقديمها لرئيس الجمهورية يوم الأربعاء : 20 رمضان أثناء الوقفة الإحتجاجية أمام قصر العروبة ، والمطالب التي توافق عليها الزملاء هي :
1- حد ادنى للأجور ثلاثة آلاف جنيه مع تجريم الدروس الخصوصية .
2- إعادة تكليف خريجي كليات التربية الدفعات السابقة والحالية .
3 - تثبيت المتعاقدين الذين مر على تعاقدهم ستة أشهر فقط .
4- ضم مدة الخدمة السابقة للذين تم تعيينهم والذين تم التسوية لهم .
5 - أن يكون معاش المعلم على إجمالي آخر مرتب حصل عليه وليس على الأساسي .
6 - زيادة ميزانية التعليم من : 4 % إلى : 15 % .
7 - معالجة الرسوب الوظيفي " عودة الدرجات المالية الموقوفة مع مراعاة الأقدمية والسنوات البينية التي نص عليها القانون " .
* في إنتظاركم يوم الأربعاء : 20 رمضان أمام قصر العروبة لتقديم هذه المطالب في تمام الساعة الثالثة عصراً وسيكون الإفطار أمام القصر الرئاسي

[RedaKamel]

المهم إننا نكمل ومنتراجعش زي السنة اللي فاتت