حاجة غريبة.........

[الشاكرة لربها]

السلام عليكم ورحمة الله وبركاتة
ازاى فى ناس تدخل طب واسنان وصيدلة وهما جيبين تحت 95% علشان عندهم حافز رياضى واللى جايب99% ميدخلش طب علشان0.1% ده جزاء اللى قاعد بيذاكر طول السنة
على فكرة الكلام ده على موقع الاستاذ التعليمى
والسؤال هنا ازاى الحافز الرياضى يكون 20 درجة؟؟؟؟؟؟؟

[طارق معروف]

فعلا كلامك صحيح 20 درجة ليه و ماذا فعل الاستاذ الذي اخد ال20 درجة في حين ان مصر واخده صفر في مونديال كأس العالم 2010 و لم نتأهل لكاس الامم الافريقية لدورتين متتالتين و لايوجد انجاز رياضي مبهر في مصر

[eastern08]

ما هو الحافز الرياضى اصلاً

[ms4556]

الحافز الرياضى هو الخساره والتخلف الرياضى با النسبه للشعب المصرى لانه متعود على التخلف

[dalia_x]

كنت لسه بتكلم مع اخويا فى الموضوع ده برضوا و بقوله انه ظلم ان بتوع الحافز الرياضى يأخذوا اماكنا و احنا جايبين اعلى منهم فى الامتحانات بس بيقولى انهم حقهم عشان وقت كبير من وقتهم بيضيع فى الرياضة و التدريبات و مع ذلك بيحاولوا يلاقوا وقت لمذكرتهم و تدريباتهم و بطولاتهم مع الدروس و المدرسة و المذكرة بس انا مش مقتنعة برضوا

[معاذ نجم الدين]

الحافز الرياضي قد يصل الي 40 درجة حسبنا الله و نعم الوكيل

[الشاكرة لربها]

يعنى هما يلعبوا واحنا منلقيش كليات ندخلها حسبى الله ونعم الوكيل
على فكرة انا دخلت صيدلة علشان محدش يقول دى مش لقيه كلية علشان كده بتتكلم بس انا صعبان عليا الطلبة المتفوقين اللى دخلوا علاج طبيعى وبيطرى وعلوم

[hala azzam]

عادي ه يعني جت علي بتوع الرياضه ظلم *ظلم

[esraaegypt]

يا جماعة فيه ايه !!! ما هم تعبوا جدا عشانه وضيعوا من وقتهم فى تدريبات و بطولات يعنى مخدوهوش عالجاهز !!

[واحدة وبس]

حسبي الله ونعم الوكيل

[mahmouedr]

المشاركة الأصلية كتبت بواسطة esraaegypt

يا جماعة فيه ايه !!! ما هم تعبوا جدا عشانه وضيعوا من وقتهم فى تدريبات و بطولات يعنى مخدوهوش عالجاهز !!

عندك حق . الحافز الرياضى مش سهل أوى كده

[الاميرة المرحة]

المشاركة الأصلية كتبت بواسطة الشاكرة لربها

يعنى هما يلعبوا واحنا منلقيش كليات ندخلها حسبى الله ونعم الوكيل
على فكرة انا دخلت صيدلة علشان محدش يقول دى مش لقيه كلية علشان كده بتتكلم بس انا صعبان عليا الطلبة المتفوقين اللى دخلوا علاج طبيعى وبيطرى وعلوم

انا بس فى حاجة لفتت نظرى فى الرد بتاع حضرتك
انك بتقولى انو صعبان عليكى اللى دخل علاج طبيعى هو حضرتك مش تعرفى ان اللى بيخش علاج طبيعى بيقى دكتور
وكمان بيفتح عيادة
وليه تكليف وعنده سنة امتياز
واصلا علاج طبيعى خدت السنة دى اقل من صيدلة بنص درجة

[babagamil]

المشاركة الأصلية كتبت بواسطة الاميرة المرحة

انا بس فى حاجة لفتت نظرى فى الرد بتاع حضرتك
انك بتقولى انو صعبان عليكى اللى دخل علاج طبيعى هو حضرتك مش تعرفى ان اللى بيخش علاج طبيعى بيقى دكتور
وكمان بيفتح عيادة
وليه تكليف وعنده سنة امتياز
واصلا علاج طبيعى خدت السنة دى اقل من صيدلة بنص درجة

اولا علاج طبيعى بيتخرج اسمه اخصائى مش دكتور وملوش يكتب روشتات ولا حاجه

[الشاكرة لربها]

اولا شكرا لرد حضرتك (الاميرة المرحة)
ثانيا لاطبعا مش بيبقى دكتور ده اخصائى علاج طبيعى والا كانو خلوه قسم فى طب
ثالثا بالنسبة للعياده مش كل واحد هيتخرج ممكن يفتحها لان الاجهزه مكلفة جدا
يبقى ليه بقى واحد متفوق المفروض انه يكون دكتور ولو كان السنة اللى فاتت كان فعلا بقى دكتور يدخل علاج طبيعى

[الاميرة المرحة]

المشاركة الأصلية كتبت بواسطة babagamil

اولا علاج طبيعى بيتخرج اسمه اخصائى مش دكتور وملوش يكتب روشتات ولا حاجه

مشكور على الرد وانا هوضح شوية حاجة خاص بالرد بتاعك دلوقتى
طيب ما طالب الطب بعد دراسة سبع سنوات برضوا هيتخرج ويحتاج انه يتخصص ويطلق عليه اخصائى صح ولا انا غلطانة
ولو على حكاية الروشتات طيب ما عندك الدكتور اللى بيتخصص فى التحاليل بيطلق عليه اخصائى تحاليل وبيكون متخرج من كلية الطب لا يحق له كتابة روشتات او طلب اشعة
وحضرتك لو بحثت شوية هتعرف ان اخصائى العلاج الطبيعى اخذ لقب دكتور بحكم محكمة
مع العلم انى لقب الدكتور المفروض لا يحق الا للحاصل على شهادة الدكتوراه فقط
ولو انا غلطانة فى الكلام اللى قولتوا قولى الصح