استفسار هام جدا ارجو الرد من فضلكم

[hassan201022]

السلام عليكم ايها الشباب
انا طالب رايح تالته ثانوى باذن الله جبت فى تانيه 98.29 % وداخل باذن الله علم رياضه لانى حابب انى ابقى مهندس زى والدى وكمان فرص العمل والدى وناس اعرفهم هيوفروها ليا بعد تخرجى مباشرة باذن الله
المشكله انى خايف من رياضه 2 بالرغم من انى جبت 50/50 فى رياضه واحد
نس خوفونى منها ونصحونى ادخل احياء هى فعلا ممكن تكون اسهل بس زى ما انتوا شايفين التنسيق طعب اوى وانا لو دخلت علمى علوم يبقى مش هفكر غير فى طب وهزعل لو مدخلتهاش
لذلك فضلت اكمل رياضه رغم صعوبه رياضه 2
ارجو من الناس اللى كانوا علمى رياضه او علوم ينصحونى لانى محتار
صحيح انا بحب رياضه وعاوز ابقى مهندس لكن خايف من رياضه 2
وممكن اخش احياء وابقى ماشى كويس بس خايف ملحقش طب وساعتها هزعل اوى واحس ان مجهود سنتين ضاع
ارجو المشورة من ذوى الخبرة
تقلى ايه اخبار رياضه 2 وايه النظام اللى ممكن اعمله عشان اجيب اعلى درجه ممكن
كذلك احب اهذ رايكم فى الفيزياء ايه نظامها برده

[Mohamed Nada*]

انا والله زيك بس انا جبت في تانية 97.1 % وكنت محتار اكمل ايه وكده وكنت ممكن ادخل احياء لان انا بقى والدى دكتور وكده
لكن بعد التنسيق كل الناس نصحتني اكمل رياضة وسمعت انها تقيلة جدا وكده بس اكيد اي حاجة مع المذاكرة هتكون تمام
وان شاء الله ندخل هندسة

[hassan201022]

ربنا يستر وخير ان شاء الله ومنتظر بقى الردود من الاخوه الافاضل

[a7med bondok]

نصيحة لله خش اللى بتحبه لو رياضه خد رياضه بس استخير ربنا الاول

[vℓαмηcσ]

بص يا كوتش
انا الحمدلله جايب زيك بالضبط 98.29

الحمد لله انت درجتك حلوه جداا
كمل رياضه ومتخفش من حاجه

..

لو لقدر الله نقصت فى الرياضه 2
هتجيب مثلا 46

انت عاوز علشان تدخل هندسه 90 فى الميه فى تالته علشان تدخل هندسه
مش هتقدر تجيبها؟؟؟؟؟؟؟؟؟؟؟؟؟؟؟؟؟؟؟؟؟

وملككش دعوه بتنسيق السنادى دول مش زيننا
والدليل خش ع موقع اليوم السابع وشوف التقارير

هتلاقى ان الدفعه الى رايحه كليه كان فيها 76 الف معدى 95فى الميه فى تانيه ثانوى
ودفعتنا فيها 59 الف معدى 95 فى الميه

وده طبعا بيقلل التنسيق


علشان كده انت متخفش وعايز اقولك حاجه انك لازم يكون هدفك امام عنيك
عايز هندسه كمل رياضه واتحدى اى شى

انا هكمل علوم علشان عايز ادخل صيدله
ده هدفى

[احمد الاسطورة]

رياضة2 ليست صعبة كما يدعى البعض

[kimotaker]

يص رياضه 2 مش صعبه للمخة حلو
يعنى عايزه واحد بيفهم وبيحل كتير
لو انت بتفهم وبتحل كتير مش حتأخد وقت منك فى المذاكره خالص
انا كنت بحبها جداً وكنت بحب اذاكرها واستنى من اليوم لليوم عشان احل
بصراحة هى ممتعه جداً
بس المشكله الوحيده امتحنها
السنة د حط امتحان بشع بكل المقايس
انا مش بخوبك انا بقولك بس
والدليل عل كده مجاميع العلمى رياضه نزلت جامد
وتنسيقها كان معقول على الرغم انهم قللوا الأعداد جامد
اما العلمى علوم ارتفعوا
اوع تخاف وحل كتير
وربنا حيوفقك
ولو بتحب الرياضه اوى
ادخل مستو رفيع رياضه لو عايز تدخل هندسه
عشان حتنفعك جداً انا عملت كده
امتحنها كل سنه بيج تافه جداً
بس السنه د كان صعب وبرضه جبت درجه حلوة
لا تقلق
وانا لا اعتقد ان السنه دى حتيجى صعبه للعلم رياضه
نظراً لأن المجاميع مش مرتفعه اوى
وكمان الدفعة مش جامدة زى دفعة السنه الفاتت

[hassan201022]

الله يطمنكم يا رجاله انا باذن الله هكمل علمى رياضه وهشد حيلى باذن الله وهسعى جاهدا انى ابقى اعلى من 95 % برده عشان اكون مستريح من التنسيق
بس باذن الله هصلى بقى صلاة استخارة عشان قلبى يستريح برده وانا مكمل رياضه باذن الله
بس السؤال هنا معلش ؟
صلاه الاستخارة ازاى ؟ اللى هيقول اكيد ربنا هيدي له ثواب كبير كمان انا قلبى هيستريح اكتر

[Mohamed Nada*]

صلي ركعتين بنية صلاة الاستخارة وبعد اما تخلص قول هذا الدعاء :

اللَّهُمَّ إنِّي أَسْتَخِيرُكَ بِعِلْمِكَ , وَأَسْتَقْدِرُكَ بِقُدْرَتِكَ , وَأَسْأَلُكَ مِنْ فَضْلِكَ الْعَظِيمِ فَإِنَّكَ تَقْدِرُ وَلا أَقْدِرُ , وَتَعْلَمُ وَلا أَعْلَمُ , وَأَنْتَ عَلامُ الْغُيُوبِ , اللَّهُمَّ إنْ كُنْتَ تَعْلَمُ أَنَّ هَذَا الأَمْرَ (هنا تسمي حاجتك ) خَيْرٌ لِي فِي دِينِي وَمَعَاشِي وَعَاقِبَةِ أَمْرِي أَوْ قَالَ : عَاجِلِ أَمْرِي وَآجِلِهِ , فَاقْدُرْهُ لِي وَيَسِّرْهُ لِي ثُمَّ بَارِكْ لِي فِيهِ , اللَّهُمَّ وَإِنْ كُنْتَ تَعْلَمُ أَنَّ هَذَا الأَمْرَ (هنا تسمي حاجتك ) شَرٌّ لِي فِي دِينِي وَمَعَاشِي وَعَاقِبَةِ أَمْرِي أَوْ قَالَ : عَاجِلِ أَمْرِي وَآجِلِهِ , فَاصْرِفْهُ عَنِّي وَاصْرِفْنِي عَنْهُ وَاقْدُرْ لِي الْخَيْرَ حَيْثُ كَانَ ثُمَّ ارْضِنِي بِهِ . وَيُسَمِّي حَاجَتَهُ )

وربنا يوفقك

[طالبه مجتهده جدا]

صلي استخاره وكمل فالي مرتاحله
وربنا يقدم اللي فيه الخير

[ahmed185]

ربنا معاااااااااااااااااااك