استفسار هام جدا ارجو الرد

[hassan201022]

السلام عليكم ايها الشباب
انا طالب رايح تالته ثانوى باذن الله جبت فى تانيه 98.29 % وداخل باذن الله علم رياضه لانى حابب انى ابقى مهندس زى والدى وكمان فرص العمل والدى وناس اعرفهم هيوفروها ليا بعد تخرجى مباشرة باذن الله
المشكله انى خايف من رياضه 2 بالرغم من انى جبت 50/50 فى رياضه واحد
نس خوفونى منها ونصحونى ادخل احياء هى فعلا ممكن تكون اسهل بس زى ما انتوا شايفين التنسيق طعب اوى وانا لو دخلت علمى علوم يبقى مش هفكر غير فى طب وهزعل لو مدخلتهاش
لذلك فضلت اكمل رياضه رغم صعوبه رياضه 2
ارجو من الناس اللى كانوا علمى رياضه او علوم ينصحونى لانى محتار
صحيح انا بحب رياضه وعاوز ابقى مهندس لكن خايف من رياضه 2
وممكن اخش احياء وابقى ماشى كويس بس خايف ملحقش طب وساعتها هزعل اوى واحس ان مجهود سنتين ضاع
ارجو المشورة من ذوى الخبرة
تقلى ايه اخبار رياضه 2 وايه النظام اللى ممكن اعمله عشان اجيب اعلى درجه ممكن
كذلك احب اهذ رايكم فى الفيزياء ايه نظامها برده

[bondosh]

الف مبروك ع المجموع وان شاء الله تحقق امنياتكاول حاجة احب اقولهالك متسمعش كلام الناس لان كل واحد بيتكلم من وجهة نظره انت بس تشوف مدرس كويس وتعمل اللى عليك وتذاكر بجد وسيبها على الله لكن سيبك من حكاية صعب دىثانيا علمى علوم لو انت مش حابه يبقى خلاص والاحياء بتاعتنا معفنة كلها حفظ جاااامد جدا والفهم بسيط وكمان الامتحانات بتبقى معتمدة على الحفظ ونسبة ضئيلة للفهم يعنى لو مش بتعرف تحفظ كويس يبقى بلاش احياء وخليك رياضةثالثا بالنسبة للفيزيا انا كنت عاملة عقدة طول السنة منها واعيط منها لما كنت حاسة اننى هاسقط فى الامتحان والله عملت فيها مجهود خرافى بس الحمدلله جبت 48 من 50 بس هو اهم حاجة فيها الحل الكتير والمذاكرة الكويسة وربنا يوفقك

[ΫǾũ ǎяẽ Mϊήĕ]

آولا ربنا يعينكـ..آنا شايفـة آدام حابب رياضة وهدفك هندسة وكمان هيبقى في شغل علطول اول ماتتخرج يبقى تمام آوي..ومش تخااف من رياضة ..اصلا محدش بقى ضامن التنسيق..

يعني انا كنت بحب الرياضة ودخلت احياء عشان البيت بس كانت بالنسبالي صعبة مش عارفه بقى يمكن عشان مش كنت بحبها..بس الرياضة لو جت صعبة ف الامتحانات اظن ان تنسيقها بينزل عشان امتحاناتها..اما الاحياء جت صعبة او سهلة التنسيق بتاع طب وصيدلة بيبقى آعلى من هندسة كده كده يعني

ومجموعك كمان حلو أوي لعلمي رياضة بس افضل على مستواك كدهـ واحسن كماان وعشان رياضة تبقى سهلة بالنسبالك حل كتير ومش تخلي تقف قدامك مسآله وكتاب الوزارة كله ..وهتلاقيها والله حلوا ادام بتحبها وعايز تحل كتير..وبردهـ القرار يرجع ليك وربناا معاكـ

[Eslam shawky(teto--semo) o]

بص انا كنت زيك
وكنت جايب 98.8 فى 2
وكان الناس بيقولو ادخل علمى علوم احسن وفرصتها فى الشغل والصيدله احسن وكدا
بس انا كنت حابب الرياضه اوى وكنت خايف جدا من رياضه 2 ودى المشكله الى كانت ممغصه عشتى وكنت ببص فى الكتب والقيها كبيره وكتب الاحياء اصغر منها وكدا
بس حضرت احياء حصه واحدا وفى تانى يوم رحت حصه الرياضه وكملت
نصيحتى متاخدش بالمجموع ادخل الى انت حابه بس
علشان هتقدر تشتغل بيه وتدى فيه
وبص رياضه 2 سهله للغايه بس هى محتاجه مدرس كويس ومذاكرتك انت وحلك وكدا
وخلى بالك 3 اصعب بكتير من 2
بص انا مستعد اساعدك فى اى حاجه علشان كنت زيك وعشت ايام وحشه بسبب الحيره
هبعتلك رقمى فى رساله وكلمنى لو عاوز اى حاجه تسال عنها
ولو انت طلعت جمبى اقولك على مدرسين كويسين
انا جبت فى 3 398 من 410 وطبعا كانت الامتحانات شوية تقيله
كلمنى لو عاوز تستفسر عن شىء

[hassan201022]

المشاركة الأصلية كتبت بواسطة teto65

بص انا كنت زيك
وكنت جايب 98.8 فى 2
وكان الناس بيقولو ادخل علمى علوم احسن وفرصتها فى الشغل والصيدله احسن وكدا
بس انا كنت حابب الرياضه اوى وكنت خايف جدا من رياضه 2 ودى المشكله الى كانت ممغصه عشتى وكنت ببص فى الكتب والقيها كبيره وكتب الاحياء اصغر منها وكدا
بس حضرت احياء حصه واحدا وفى تانى يوم رحت حصه الرياضه وكملت
نصيحتى متاخدش بالمجموع ادخل الى انت حابه بس
علشان هتقدر تشتغل بيه وتدى فيه
وبص رياضه 2 سهله للغايه بس هى محتاجه مدرس كويس ومذاكرتك انت وحلك وكدا
وخلى بالك 3 اصعب بكتير من 2
بص انا مستعد اساعدك فى اى حاجه علشان كنت زيك وعشت ايام وحشه بسبب الحيره
هبعتلك رقمى فى رساله وكلمنى لو عاوز اى حاجه تسال عنها
ولو انت طلعت جمبى اقولك على مدرسين كويسين
انا جبت فى 3 398 من 410 وطبعا كانت الامتحانات شوية تقيله
كلمنى لو عاوز تستفسر عن شىء

شكرا اخى الفاضل على ردك انا سجلت رقم حضرتك عندنا ولما اعوز اى حاجه هتصل بحضرتك
بس احب اقول الاسباب اللى مخليانى افضل علمى رياضه :
1-نفسى ابقى زى ابويا مهندس
2-مجال العمل والفرص المتاحه للشغل هتساعدنى على العمل بمجرد التخرج لانى من مدينه السادات ودى مدينه صناعيه بتحتاج مهندسين
3-بحب الرياضه وجبت فيها 50/50 فى سنه تانيه
4-بفضل ان الوقت اللى اضيعه فى حفظ الاحياء اوفرة لمواد اخرى مثل العربى وعلم النفس
انما رياضه بس بتحتاج متابعه وحل مسائل كتير

كمان مش عاوز اضيع مجهود سنتين فى علمى علوم وجايز لا اوفق واخش بيطرى فى الاخر او كليه علوم
فانا افضل الهندسه رغم الكلام الذى يقال على رياضه 2
شكرا لردك اخى الفاضل ولرد كافه الاعضاء وانتظر باقى الردود
كمان عاوز اعرف من حضرتكم الطريقه الصحيحه لمذاكرة رياضه 2 للحصول على اعلى درجه ممكنه وشكرا

[Eslam shawky(teto--semo) o]

بص هقولك متقولش انا دخلت رياضه علشان اوفر وقت
حل الرياضه بياخد وقت ولو عاوز تجيب 50 يبقا تحل كتير كتير فهتاخد وقت
واحسن لك لو مش عاوز تضيع وقت فى الحفظ
متخدش علم نفس نصيحتى بلاش علم نفس لو انت رياضه
انا كنت علم نفس وندمت
وعلى حوار الطريقه الصحيحه للمذاكره
انا مش هقولك بس الرياضه هقولك كلو علشان متضيعش حاجه بس الموضوع هياخد وقت لما افضى ابقى اكتبو
او انت كلمنى لو مستعجل
بس متقلقش صلى استخاره
وكمل رياضه
احسن
و 2 ثانوى مش مقياس ل رياضه 2
رياضه 2 عاوزا شغل مش زى 2 ثانوى
ربنا معاك انا مش بخوفك بس انا بقويك علشان تبقى عارف انت داخل على اى
ربنا معاك

[hassan201022]

المشاركة الأصلية كتبت بواسطة teto65

بص هقولك متقولش انا دخلت رياضه علشان اوفر وقت
حل الرياضه بياخد وقت ولو عاوز تجيب 50 يبقا تحل كتير كتير فهتاخد وقت
واحسن لك لو مش عاوز تضيع وقت فى الحفظ
متخدش علم نفس نصيحتى بلاش علم نفس لو انت رياضه
انا كنت علم نفس وندمت
وعلى حوار الطريقه الصحيحه للمذاكره
انا مش هقولك بس الرياضه هقولك كلو علشان متضيعش حاجه بس الموضوع هياخد وقت لما افضى ابقى اكتبو
او انت كلمنى لو مستعجل
بس متقلقش صلى استخاره
وكمل رياضه
احسن
و 2 ثانوى مش مقياس ل رياضه 2
رياضه 2 عاوزا شغل مش زى 2 ثانوى
ربنا معاك انا مش بخوفك بس انا بقويك علشان تبقى عارف انت داخل على اى
ربنا معاك

باذن الله هعمل اللى عليا وهحل اكبر كم من الافكار فى رياضه 2 عشان احقق اعلى درجه باذن الله
انما علم النفس يعنى انا اطلعت على المنهج لاقيته مش صعب اوى يعنى حفظه سهل باذن الله وهنظم وقت كويس ليه وبفضل الله ان شاء الله اجيب فيه 50 من 50
لانى اخاف اخذ اقتصاد واحصاء ويجى امتحان صعب زى 2008 واعيط بس كده
يعنى انا برده الحمدلله بحفظ كويس وعلم النفس حاسس انى هبقى كويس فيها
وبالنسبه لرياضه 2 حتى الفيزياء كمان هوفر لهم اكبر وقت هحل اكبر كم من المسائل هكون متابع جيد مع المدرس بتاعى فى الدرس وربنا يستر
لكن احب اخذ راى حضرتك برده فى الماده الادبيه اللى ممكن اخدها السنه القادمه
حتى لو كنت افضل علم النفس لكن احب اعرف وجهه نظر حضرتك

[Eslam shawky(teto--semo) o]

بص هقولك
هى علم النفس ماده فيها ابواب رخمه شويه زى الباب الاول اجتماع والباب الاخير علم نفس
وهقولك علم النفس من السهل تجمع فيه درجات بس المشكله الحفظ
مش ازمه الحفظ اول مره
اول مره سهل اوى لكن لما تيجى تفتكر الحفظ دا وتراجع بيبقى صعب شويه
وطلاب علمى رياضه كل سنه بتظلموا علشان بيبقى قبلو يوم واحد بس
ف حرام
مش هتلحق تراجع
الاقتصاد كم حفظ اقل
والاحصاء مش حاجه بالنسبه ل رياضه 2
ف انا افضل اقتصاد واحصاء احسن من علم نفس
غير كدا الاقتصاد والاحصاء ممكن تخلصها فى رمضان دلواقتى او كل المدرسين بتبدا فى نصف السنه عنى معاك النصف الاول ب 4 مواد بستركز فيهم
دا الراى بتاعى

[hassan201022]

شكرا لكل الردود اخوانى الافاضل
واانتظر المزيد من الردود