تجارة إنجليزى فين فى مصر؟

[شاعر العاطفة]

إيه هى الجامعات اللى فيها تجارة إنجليزى فى مصر؟؟؟؟
عشان وانا بكتب الرغبات مفيش إنجليزى... مكتوب تجارة بس وبعد كده اختار شعبة إنجليزى لو اتقبلت فى الكلية...... فأنا مش عايز ادخل كلية تجارة ما فيهاش تجارة إنجليزى........

[شاعر العاطفة]

يا جدعان بتتحسسونى إنكم متفقين عليا.... إشمعنى أنا الوحيد اللى مفيش حد بيرد عليه.... ده أى موضوع بيبقى مكتوب والناس متفاعلين فيه... بمجرد ما انا ما ادخل فيه واكتب كلمتين ما عادش الاقى حد يرد فيه..

[mohamed_gad_]

معلش ياعم انا هقوللك اللي اعرفة

هي موجودة في عين شمس والقاهرة وحلوان وبنها والاسكندريةوالمنصورة والزقازيق وطنطا والمنوفية هما دول اللي انا اعرفهم ودة حسب تنسيق السنة اللي فاتت اللي موجود علي موقع الاستاذ

وادي الرابط عشان تتاكد بنفسك
http://www.elostaz.com/limits/?year=2011-adby ده ادبي

http://www.elostaz.com/limits/?year=2011-3lmy ده علمي

[mohamed_gad_]

وممكن تشوفهم برضو علي موقع التنسيق بتاع الوزارة هتلاقيهم كاتبينهم في تنسيق 2011

[شاعر العاطفة]

ألف ألف ألف شكر يا باشا
طب انا لو عايز ادخل تجارة إنجليزى... ممكن أدخل أى تجارة من دول عادى وبعدين أحوّل أو أنقل لحتة فيها تجارة إنجليزى ولا لازم اكون كاتب المناطق اللى فيها تجارة إنجليزى بس؟

[zakaria alsorogy]

وفيه كمان تجاره انجليزي كفر الشيخ