التخصصات التي يمكن لخريج كلية العلوم التخصص بها في مجال ابحاث وتصنيع الادويه

[كيميائي طبي2011]

الكيمياء الحيويه ممكن التخصص في الكيمياء الحيويه العلاجية chemotherapy وعن طريقها يمكن تحضيروتصنيع مواد كيميائيه وتطبيقها ع مختلف الامراض مثل تحضير وتصنيع مواد كيميائيه وتطبيقها ع مرض السرطان

المناعه ممكن يتم التخصص في المناعه العلاجيه immunotherapy
وهي عن طريقها يتم انتاج ادويه لتحسين الجهاز المناعي للقضاء ع امراض معينه مثل انتاج ادويه لتحسين الجهاز المناعي للقضاء ع سرطان معين

الميكروبيولوجي ممكن يتم التخصص في الميكروبيولوجيا العلاجية pharmaceutical microbiology ومن خلالها بيتم انتاج ادويه ومواد كيميائيه بيتم استخلاصها من الميكروبات ويتم تطبيقها ع مختلف الامراض

الهيماتولوجي ممكن يتم التخصص في علم الدم العلاجي pharmaceutical hematology
وعن طريقها بيتم انتاج ادويه ضد امراض الدم مثل سرطان الدم

علم الاعصاب ممكن يتم التخصص في علم الاعصاب العلاجي pharmaceutical neuroscience
لانتاج ادويه جديده ضد امراض المخ والاعصاب مثل الزهايمر والشلل الرعاش والشيزوفرنيا

علم الجينات والوراثه ممكن يتم التخصص في علم الجينات العلاجيه Gene therapy وعن طريقها بيتمعن طريقها تطوير طرق لاصلاح وعلاج الامراض الواثيه والجينيه

علم الفزياء الطبية ممكن يتم التخصص منها في علم العلاج الاشعاعي Radiotherapy وعن طريقها يتم استخدام الاشعه في علاج الكثير من الامراض زي السرطان

ولذالك دائما يذكر في دوله في العالم خصوصا الدول المتقدمه مثل دول لاتحاد الاوربي وامريكا ان العالم الطبي او ما نطلق عليه هنا في مصر العلمي الطبي clinical scientist او خريج كليه العلوم المتخصص في تخصصات العلوم الطبية بيشتغل في تشخيص وعلاج الامراض وطبعاا عرفنا جزئيه علاج دي زي مانا سردتها اما تشخيص هنا تعني تشخيص معملي ولتشخيص يختلف عن التشخيص الطبي السريري فالتشخيص المعملي ييعتمد علي التحاليل وتفسير
نتائجها وهو ما يعرف ب result interpretation بينما التشخيص الطبي الاكلنيكي او السريري بيعتمد ع السماعه وع ان الطبيب المعالج يفحص الشكل الظاهري للمريضوهو ما يرف بphysical examination و ان الطبيب المعالج يقيس ضربات القلب والضغط ويعرف تاريخه المرضي

[demi dodo]

شكرااا لحضرتك على المجهود وانا لحمد لله علوم عين شمس وحضرتك بجد حببتنى في كلية العلوم من موضوعاتك عنها

[esraa ashraf 2013]

المشاركة الأصلية كتبت بواسطة demi dodo

شكرااا لحضرتك على المجهود وانا لحمد لله علوم عين شمس وحضرتك بجد حببتنى في كلية العلوم من موضوعاتك عنها

وانا كمان والله ...انا كنت حباها من الأول بس الدكتور حببنى فيها أكتر

[yomna elkomy]

معلش يا دكتور انا عايزة اسأل سؤال متخلف
انا لما اخلص هيكتب فى البطاقة دكتورة ولا اخصائية
وهاخد شفت زى دكتور بشرى ولا هبقى تابعة لحد ؟
ارجوك الموضوع ده حياة او موت

[كيميائي طبي2011]

المشاركة الأصلية كتبت بواسطة yomna elkomy

معلش يا دكتور انا عايزة اسأل سؤال متخلف
انا لما اخلص هيكتب فى البطاقة دكتورة ولا اخصائية
وهاخد شفت زى دكتور بشرى ولا هبقى تابعة لحد ؟
ارجوك الموضوع ده حياة او موت

هتبقي زيك زي خريج طب في البطاقه بتكتب اخصائي
ولقب دكتور ده بيتقال بالعرف لخريجي طب وصيدله وعلوم وعلاج طبيعي
ولما بتحضري دراسات عليا بتبقي مديره وتفتحي معمل خاص بيكي

[محمد اوزيل2]

هل التخصصات اللى حضرتك بتقول عليها جوه الكليه ولا بعد التخرج وقسم ميكرو بيولوجى مش فى بنى سويف هل ممكن احول حلوان؟ولو مش هينفع ايه القسم اللى يخلينى اعرف اعمل دبلومته بعد التخرج؟

[كيميائي طبي2011]

المشاركة الأصلية كتبت بواسطة محمد اوزيل2

هل التخصصات اللى حضرتك بتقول عليها جوه الكليه ولا بعد التخرج وقسم ميكرو بيولوجى مش فى بنى سويف هل ممكن احول حلوان؟ولو مش هينفع ايه القسم اللى يخلينى اعرف اعمل دبلومته بعد التخرج؟

بعد التخرج

وممكن تحول لحلوان بس تقريببا تجيب ما يفيد انك مقيم في حلوان

وكل اقسام الكيمياء بيولوجي تقدر تشتغل وتتخصص في مجال التحاليل والادويه

[maenona]

دكتور بعد اذنك هو التغذية دي بتخصص ف ايه الاول ؟ يعني بيولوجي ؟ و هل لما اخلص بكون دكتورة تغذية يعني ولا ايه الشغل فيها ؟؟

[دكتورة/نورهان]

المشاركة الأصلية كتبت بواسطة maenona

دكتور بعد اذنك هو التغذية دي بتخصص ف ايه الاول ؟ يعني بيولوجي ؟ و هل لما اخلص بكون دكتورة تغذية يعني ولا ايه الشغل فيها ؟؟

لا طبعا دكتور التغذية هو خريج الطب البشرى او العلاج الطبيعى فقط بعد ما ياخدوا دبلومة تغذية لكن علوم ملهاش علاقة نهائيا

[بلسم ورد]

لكن سؤال ... هل كل هذه التخصصات تتطلب دخول قسم ميكروبيولوجي أم أن منها من يتطلب دخول فسم كيمياء فقط ؟؟؟؟

[كيميائي طبي2011]

المشاركة الأصلية كتبت بواسطة بلسم ورد

لكن سؤال ... هل كل هذه التخصصات تتطلب دخول قسم ميكروبيولوجي أم أن منها من يتطلب دخول فسم كيمياء فقط ؟؟؟؟

كيمياء مزدوجه مع البيولوجي

[بلسم ورد]

يعني ما ينفعش خالص قسم كيمياء فقط ؟ .. لأني أنا درجتي في الأحياء 44.5 ولا أعتقد انها تأهلني لدخول فسم بيولوجي وأنا مليش رغبة فيه

[بلسم ورد]

يعني ما ينفعش خالص قسم كيمياء فقط ؟ .. لأني أنا درجتي في الأحياء 44.5 ولا أعتقد انها تأهلني لدخول فسم بيولوجي وأنا مليش رغبة فيه

طيب مفيش أي واحد من التخصصات دي يمكن العمل فيها من خلال قسم كيمياء فقط ؟؟؟؟

[كيميائي طبي2011]

المشاركة الأصلية كتبت بواسطة دكتورة/نورهان

لا طبعا دكتور التغذية هو خريج الطب البشرى او العلاج الطبيعى فقط بعد ما ياخدوا دبلومة تغذية لكن علوم ملهاش علاقة نهائيا

علاج طبيعي ملهاش علاقه بالتغذيه
وفيه فعلا قسم خاص بالتغذيه في علوم بنات عين شمس

وعن طريقه يمكن التخصص في التغذيه العلاجية

وعن طريقه تصبحي اخصائيه تغذيه علاجيه وهو الدكتور اللي بيوصف الاغذيه المناسبه لحاله المريض او الاغذيه للي بتعالج الامراض

[كيميائي طبي2011]

المشاركة الأصلية كتبت بواسطة بلسم ورد

يعني ما ينفعش خالص قسم كيمياء فقط ؟ .. لأني أنا درجتي في الأحياء 44.5 ولا أعتقد انها تأهلني لدخول فسم بيولوجي وأنا مليش رغبة فيه

طيب مفيش أي واحد من التخصصات دي يمكن العمل فيها من خلال قسم كيمياء فقط ؟؟؟؟

عشان تتخصصي في مجال العلوم الطبية ( الكيمياء الطبية -الميكروبيولوجيا والطفيليات والمناعه -علم الدم -علم الاعصاب -علم الاجنه -علم التغذيه -ابحاث تصنيع الدواء ) يلزم اقسام الكيمياء المزدوجه مع البيولوجي او بيولوجي