المرحلة الثانية للتنسيق غداً بحد أدنى 79.88% للعلمى و72.2% للأدبى

[أ/محمد ابراهيم]

قرر مكتب تنسيق القبول بالجامعات بدء المرحلة الثانية للتنسيق، غداً الاثنين، وفتح مكاتب التنسيق الإلكترونى لاستقبال وتسجيل رغبات الطلاب إلكترونياً لمدة 5 أيام، تستمر حتى 4 أغسطس، بحد أدنى 327.5 درجة بنسبة 79.88% للعلمى، و296 درجة بنسبة 72.2% من المجموع الكلى لدرجات طلاب الشعبة الأدبية.
ويصل إجمالى عدد طلاب المرحلة 151 ألفاً و114 طالباً وطالبة للشعبتين العلمية والأدبية، ويتم تسجيل الطلاب لرغباتهم عن طريق شبكة الإنترنت "التنسيق الإلكترونى" كخدمة مجانية متاحة من خلال الموقعين التاليين: www.Tansik.Egypt.gov.eg موقع تنسيق الجامعات، www.Egypt.gov.eg أو بوابة الحكومة المصرية، سواء من خلال الحاسب الشخصى أو سايبر النت، كما تم تشغيل الخدمة بمعامل الحاسبات بالجامعات المصرية خلال المدة المحددة لكل مرحلة تنسيق.
http://www.klmty.net/2012/07/7988-722.html

[المحب للرياضيات]

جزاك الله كل الخير

[eman only]

طب ممكن يامستر تقولى ايه الكليه اللى ممكن الحقها انا مجموعى 94.4 وبجد مش عارفه اعمل ايه؟؟
فحد يقولى ياجماعه ايه الكليه اللى ممكن الحقها؟؟

[esraa ashraf 2013]

وانا جايبة 96.1 علمى علوم >>هلحق اية؟

وبعدين انا مش عارفة ال48 رغبة دول هيتكتبوا ازى انا معرفش الا كلية العلوم بأقليمها وحاسبات ومعلومات

[حسن عسلة]

ماهى الكليات الباقية للمرحلة الثانية علمى علوم

[عائد إلى الله]

انا شوفت من كام يوم شرح لتسجيل الرغبات فلقيت فيه اختيار عن طريق ( التخصص - الجامعات ) انا مش فاهم يعنى ايه الكلام ده !!

[sameh mostafa]

المشاركة الأصلية كتبت بواسطة rotito

لتنسيق زى الفل وجميل جدا ومقبول وفى مستوى الطالب المتوسط
ممكن اعرف انتوا زعلانين ليه
الله يباركلك ياوزيرنا يامحترم __________________

اين هو الطالب المتوسط مازلنا نبحث عنه من ايام امتحان الرياضة 2 مش بعيد يكون هو الطرف الثالث اللى بندور عليه ؟؟؟؟؟؟؟؟؟

[ايمان هارون]

المشاركة الأصلية كتبت بواسطة eman only

طب ممكن يامستر تقولى ايه الكليه اللى ممكن الحقها انا مجموعى 94.4 وبجد مش عارفه اعمل ايه؟؟
فحد يقولى ياجماعه ايه الكليه اللى ممكن الحقها؟؟

فى تجااااااااااارة انجليزي مستواها حلو اوى وفى سياحة وفنادق وفى حاجات كتير لسة اداب وتجارة وحاجات كتير وفى حاسبات ومعلومات

[rashadbasha]

انا علمي علوم مجموعي 82.3 يعني مرحلة ثانية تنصحوني بكليات ايه اكتبها و يكون مستقبلها كويس .

[mohamed adlly]

يا جماعة ياريت حد يقولى انا جايب 92% ايه الكليات اللى ممكن تيجى؟؟؟؟؟

[bam8572]

الساعة بقت 1 والموقع لسا مفتحش

[هالة محمد 2]

اه الموقع قافل فعلا يعنى التنسيق هيكون امتا بالضبط

[يوسف الاسوان]

اليوم/الاثنين 30/7/2012
الساعه/1.30
والموقع مغلق

[mr history]

السلام عليكم ورحمة الله وبركاته الاستاذ الفاضل/محمد ابراهيم ارجو الرد للضرورة القصوى انا علمى متادب وانا عارفة انى فى التنسيق هتعامل كطالبة فى شعبة علمى لكن لما سالنا فى كلية فى المنيا قال لا هتتعامل معاملة أدبى طيب انا هاعمل ايه انا مع ادبى ولا معى علمى انا مجموعى84% أرجو الرد عشان انا فى المرحلة التانية ولازم طبعا اقدم بسرعة ارجو الرد فى اسرع وقت لان كل واحد معايا فى كلمة انتى ادبى لاانتى علمى انا خلاص قربت انهار

[mohamed_gad_]

السلام عليكم ورحمة الله وبركاته الاستاذ الفاضل/محمد ابراهيم ارجو الرد للضرورة القصوى انا علمى متادب وانا عارفة انى فى التنسيق هتعامل كطالبة فى شعبة علمى لكن لما سالنا فى كلية فى المنيا قال لا هتتعامل معاملة أدبى طيب انا هاعمل ايه انا مع ادبى ولا معى علمى انا مجموعى84% أرجو الرد عشان انا فى المرحلة التانية ولازم طبعا اقدم بسرعة ارجو الرد فى اسرع وقت لان كل واحد معايا فى كلمة انتى ادبى لاانتى علمى انا خلاص قربت انهار

انا كنت علمي في تانية وحولت ادبي في تالتة واتعملت معاملة ادبي وجبت 83 % ودخلت مرحلة اولي انا مش عارف ازاي انتي اتعاملتي معاملة علمي بس ممكن يكون غلطة من التنسيق هو مكتوب في شهادة الترشيح اللي انا اخدتها ان اي خطا في البيانات تروحي مكتب التنسيق فورا