سؤال عن التحويل بين الكليات

[روكا دودو]

بسال لو سمحتوا عن التحويل بين طب سوهاج الى طب اسيوط ازاى واعمل اية وهل ينفع التحويل من النت -----------------شكرااااااااااااااااااااااا

[المؤمن الصغير]

أعتقد إن الكليتين واخدين نفس المجموع 408، لكن بالنسبة للتحويل فيه إلكتروني الأول وده لما يكون الفرق في حدود نصف درجة أو بالكتير درجة.

[Dr_Marwa]

أنا طب بنها وعايزة أحول طب المنصورة وفرق درجو ونص فهل ينفع التحويل الإلكتروني ولا لا ؟؟؟

[المؤمن الصغير]

والله حضرتك هتعمليه عادي في وقته، نفع خير وبركة منفعش لا قدر الله، يبقى ورقي إن شاء الله.

[المؤمن الصغير]

آه صحيح يا دكاترة نسيت أهنيكم ألف مليووووون مبروك.

[kemooooooo]

انا جايلي اعلام القاهره وعاوز احول علوم اسكندريه و هل ينفع عن طريق اي موقع

[kemooooooo]

لو في موقع علي النت وامتي هايبدا التحويل

[hazy_7]

التحويل الالكترونى بينفع لما يكون الفرق نص درجه ,,


لكن لو اكتر من كدا يبقى التحويل الورقى ودا مضموون ان شااء الله

[muslima2009]

السلام عليكم
و سمحتمم نا جبت 408 وجالى طب طنطا بس انا كنت كاتبه طب المنصوره رغبه اولى وهى بتاخد اعلى منى نص درجه
وعايزه احول ليها ان شاء الله ممكن اعرف ازاى
يعنى احول ورقى ولا استنى التحويل الالكترونى ولا الورقى اضمن اعمله حالا ولو هعمله اروح فين الاول طنطا ولا المنصوره عشان اجراءات التحويل
يا ريت الافاده فى الموضوع ده سريعا عشان سمعت ان التحويل الورقى يبدا من بكره ليوم التلات

[المؤمن الصغير]

حضرتك إن شاء الله هتحولي إلكتروني وهيقبل بإذن الله، وكمان الورقي مدته طويلة وقد يمتد لما بعد بداية العام الدراسي.

[muslima2009]

شكرا للعموم انا رحت النهارده المنصوره وقالولى استنى لبعد التحويل الالكترونى لو مقبلتش فى تحويل ورقى ان شاء الله
لكن بالنسبه للاجراءات ف التحويل الوررقى لو مقبلتش الكترونى اروح المنصوره بس احول ولا لازم المنصوره ثم طنطا ثم المنصوره ولا ايه خط السير
وفى واحده صحبتى دخلت طب بنها وكانت طالبه طب المنصوره اولى رغباتها بس مدخلتش على درج هممكن يقبلو الكترونى ولا لازم فرق نص درجه ؟؟؟

[الكتكوته الجميله]

يا جماعه هوالتحويل بين الجامعات هيبدا امتي
انا جالي طب بنها وانا من الشرقيه وعاوزه احول الزقازيق بس هي اعلي من مجموعي بنص درجه ياتري ينفع ولا لا
ولو هحول هحول ازاي

[المؤمن الصغير]

المشاركة الأصلية كتبت بواسطة muslima2009

شكرا للعموم انا رحت النهارده المنصوره وقالولى استنى لبعد التحويل الالكترونى لو مقبلتش فى تحويل ورقى ان شاء الله
لكن بالنسبه للاجراءات ف التحويل الوررقى لو مقبلتش الكترونى اروح المنصوره بس احول ولا لازم المنصوره ثم طنطا ثم المنصوره ولا ايه خط السير
وفى واحده صحبتى دخلت طب بنها وكانت طالبه طب المنصوره اولى رغباتها بس مدخلتش على درج هممكن يقبلو الكترونى ولا لازم فرق نص درجه ؟؟؟

حضرتك خلصي التحويل الالكتروني الأول وبعديها هنقول كل حاجة عن الورقي وللعلم إنتي هتروحي الجامعة اللي هتحوليلها بس إن شاء الله.

[المؤمن الصغير]

المشاركة الأصلية كتبت بواسطة الكتكوته الجميله

يا جماعه هوالتحويل بين الجامعات هيبدا امتي
انا جالي طب بنها وانا من الشرقيه وعاوزه احول الزقازيق بس هي اعلي من مجموعي بنص درجه ياتري ينفع ولا لا
ولو هحول هحول ازاي

إن شاء الله التحويل الالكتروني هينفع وهو هيظهر على صفحة التنسيق اللي جبتوا منها النتيجة غالباً بعد المرحلة الثالثة.

[الايمان نور القلب]

انا جبت اسنان المنيا وانا جغرافى المنصوره ومجموع المنصوره نفس اسكندريه والقاهره وعين شمس فهل ممكن احول اسكندريه وبلاش المنصوره