اكبر واقوى صفحة لمتابعة التنسيق لم الشمل

[the brutal storm]

بسم الله الرحمن الرحيم اما بعد احييكم بتحية الاسلام وتحية الاسلام السلام فالسلام عليكم ورحمة الله وبركاته انا اسست الموضوع ده لكى نتابع التنسيق مع بعض على صفحه واحده بدل مانوزع نفسنا على المواضيع وهذا ليس تفضل منى او فضل اوكرم زائد ولكن ينبغى ان نلم شملنا وكل واحد يخش ويشارك برايه بكل ود واحترام بين بعضنا البعض وانا عملت موضوع تانى لمتابعة المظاهرات التى ستتم باذن الله ومحدش يقول غلط ده مستقبل وانا اوعدكم انى لو قدر الله ولحقت طب والتنسيق جهخ خيالى انا معاكم برده ومش هتاخر ولازم كل واحد يخش هنا وع الموضوع التانى بتاع المظاهرات ونلم نفسنا فى حته واحده دى شباب 25يناير اعانهم الله بفضله وزحزحو المخلوع احنا بقى بفضل الله مش هنعرف نتوحد ونزبط التنسيق وبرده فى حدود المعقول وقبل ان القى التحيه ارجو ان تشاركو وتتوحدو والسلام عليكم ورحمة الله

[دكتور حسام طلعت]

و عليكم السلام و رحمة الله و بركاته .. في البداية لازم احييك علي الفكرة الجميلة دي و علي مباردتك الرائعة و بجد دي حتريحنا كلنا بدل ما كل واحد تايه في حتة بس ليا طلب صغير ياريت أي خبر يتحط يكون من مصدر حقيقي و موثوق مش كلام جرايد عشان الجرايد دي تعبت اعصابنا يوم فوق و يوم تحت ... شكرا ً

[waleed Dahy]

إنت مش هتبطل هيافات؟؟؟؟؟؟ لم شمل إيه وبتاع إيه؟ إحنا منتظرين تنسيق ولا منتظرين المأذون ؟؟؟ يا إبنى إكبر شوية الله يخلليك، نفسى أحس إنك طالب على وش كلية طب !!!!!

[the brutal storm]

انا متابع معاكم وشكرا على اللى الاستاذ وليد بيعمله دايما نازل فيه تريقه ده انا كنت ناقص ابوس رجله عشان يسامحنى مش عارف ليه هو شايلنى فوق راسى وعموما انا متاسف ان كنت عملت حاجه سيئه ليك

[دكتور حسام طلعت]

و فين الهيافة في كدة ...... سيبك منه يا عمنا و سير علي بركة الله

[amr ali yasser]

بلاش يا استاذ وليد الراجل عادي بيقول رأي وهي فكره مش وحشه يعني اشمعنى هو اللي هتقف له عالواحده انا ماشوفتش حضرتك في مواضيع tata ده اللي كل شويه يقول كلام كذب لو حضرتك دايماً بتدافع عن الحق يعني ....... وبعدين انا مش شايف الفكره هايفه ولا حاجه

[marwa&ahmed]

يا جماعه بتقولوا لم شمل وبدأنها شتايم كده مع بعض والله اللى مش عاجبه الموضوع ميدخلش مش لازم بقى يحطم اللى منزله يا سيدي هو مش عاجبك بس عاجب غيرك وفعلا ده احسن من اننا كل شويه ف صفحه شكل وف موضوع جديد وكله بيضم حاجه واحده فمينفعش كده يعنى وبعدين ده احنا صايمين يعنى مينفعش الفاظ مش كويسه ف الاياام دي
احيي صاحب الموضوع
وعليكم السلام ورحمة الله وبركاته
وبجد تسلم ايدك وجزاك الله كل خير

[the prince of persia]

ابوه كده وريهم يا بروتال احنا معاك على طول هو ايه هو احنا دفعة نحس واللا ايه ولا مركبين طرح

[على وليد]

احنا كلنا معاك

[دكتور حسام طلعت]

كلنا معاك يا بروتال

[the brutal storm]

لا لا لا يابرنس انت صايم استغفر ربنا واحنا ايد واحده باذن الله وبحييكم والله وانا مكنتش متوقع ان انتو هتدخلو الموضوع اصلا وانا معاكم والله زمتابعين احسن دول (الوزير ورؤساء الجامعات الخاصه) ميعرفوش ربنا وميعرفوش قول الله عز وجل(ويمكرون ويمكر الله والله خير الماكرين) ومكملين ان شاء الله

[the brutal storm]

ربنا يخليك وباكد ان شاء الله متحدين ومتوحدين ومشاركين ومتظاهرين

[أجمل زهرة]

معاكم ف المبدأ والهدف

بس طبعا نستنى نتيجة التنسيق

وان شاء الله ربنا مش هيضيع مجهود حد وكله يدخل ال بيتمناه

و احنا ف شهر عظيم يعنى وصايمين بلاش عدم الاحترام والشتيمة

[the brutal storm]

مرحبا بك ياخت زهره ويا استاذ حسن واتمنى المتابعه والمشاركه معنا ووالله منورين الموضوع

[dark.qamer]

لو استنانا مش هنعرف نعمل حااااااااجه خااااااااالص