دة من اجتماع النهاردة للمجلس الاعلى للجامعات

[Dr.Mohamed Attia]

نشبت أزمة حادة بين عدد من رؤساء الجامعات الحكومية ووزير التعليم العالى باعتباره رئيس المجلس الأعلى للجامعات قبيل ساعة من انعقاد المجلس اليوم، الخميس، نتيجة إصرار اللجنة العليا للتنسيق برئاسة الوزير على زيادة أعداد المقبولين هذا العام للمرة الثانية لمواجهة الارتفاع غير المسبوق فى مجاميع الناجحين فى الثانوية العامة.

وأكد عدد من رؤساء الجامعات لـ "صدى البلد" أن الجامعات الحكومية ستواجه أزمة طاحنة فى حالة إقرار المجلس زيادة الأعداد للمرة الثانية بنسبة 7% لأنها ستزيد العبء على موازنة الجامعات التى تم تخفيضها بنسبة تصل إلى 20% هذا العام، مما سيؤثر على جودة العملية التعليمية، خاصة أن الجامعات تعانى فى الأصل من انخفاض الموازانات المخصصة للإنفاق على الطلاب مقارنة بأعدادهم.

وأكد مصدر مسئول بالمجلس أن قرار زيادة أعداد المقبولين قرار سياسي لاستيعاب أكبر قدر من الطلاب المتفوقين فى كليات القمة حتى ولو على حساب هذه الكليات.

ومن المقررا أن يناقش المجلس الأعلى للجامعات فى اجتماعه اليوم إعفاء الطلاب الحاصلين على شهادات وجوائز دولية أو إقليمية أو محلية فى التفوق الرياضى من اختبار القدرات، إضافة إلى بحث إنهاء مشكلات التحويل من كلية نظرية إلى كلية فنية يشترط بها اختبار قدرات، على أن يتم تحديد موعد لهؤلاء الطلاب للالتحاق بهذه الكليات لاجتياز الاختبارات المؤهلة لها.


http://www.el-balad.com/225939

[ابو مروة]

بلاش تمحيك في شماعة ان زيادة الاعداد سيؤثر علي جودة العملية التعليمية الكلام دي بنضحك به علي انفسنا وعلي الناس جميعا لان الدراسة في جميع كليات الطب قائمة علي الدروس الخصوصية وان واثق من كلامي هذا وانا صائم والله علي ما اقول شهيد فكفاية ضحك علي الناس يا رؤساء الجامعات المحترمة وبلاش ترموا اولادنا في احضان الجامعات الخاصة فهذا حرام وشكرا . ولي امر طالبة

[the brutal storm]

سؤال بس فى زياده 7% ولا لا؟ يعنى هايلغو الزياده ولا لا

[just want heaven]

انا في كلية الطب و عايزة اقول اننا مش بنحضر اساسا و عندنا افضل الوسائل اللي تمكننا من التعليم بس للأسف مش لينا
المباني المعامل الأجهزة المتاحف كل حاجة للطلبة الماليزيين و لما بنطالب بيها بيقولولنا هما بيدفعوا بالدولار و انتم قاعدين ببلاش
احنا بنتعلم كويس قوي بره في الكورسات و في المستشفيات و الحمد لله فاهمين كويس جدا .. احنا مش عايزين منهم غير الشهادة و رضا قوي بيها
فبلاش بليز موضوع الجودة التعليمية ده .. ممكن يتضحك بيه على واحد في ثانوي لسه مش عارف الكلية ماشية ازاي انما طالب جامعة عارف كويس قوي ان الموضوع مش كده و ان التعليم في مصر من اساسه بايظ

[the brutal storm]

فى زياده ولا لا ياخوانا ؟

[Dr.Mohamed Attia]

حسبى الله ونعم الوكيل ف اللى عاوزين يقفوا ف طريقنا عشان ما نحققش حلمنا اللى بقالنا سنتين بنموت فى نفسنا عشانة

[the brutal storm]

ماتردو فى زياده ولا لا؟

[Dr.Mohamed Attia]

لسة ما شوفناش القرار النهائى بس هيبقى فيه ان شاء الله

وارحمنا بقى انت راشق ف طب باذن الله

[MARRON-5]

الزيادة دى اى كلام عشان يمصوا بيها غضب الناس و بس
وبعدين جودة ايه اللى بيكلموا عليها ما احنا عارفين اللى فيها
وسلملى على الجودة

[just want heaven]

بإذن الله فيه زيادة بس كام بالضبط الله أعلم
ده غير العرض و الطلب .. ان شاء الله يكون في صف نزول الحد الأدنى
و بإذن الله كل اللي نفسه في كلية ربنا يكتبله الخير في اللي بيتمناه
اللهم لا مانع لما اعطيت ... المهم الايمان و الدعاء دلوقتي و خلاص كلها يومين

[the brutal storm]

راشق ازاى ده عاوزين الطب من 100% عالم ولاد تيت اقول ايه بس بس ليه طلب سلمولى ع الجوده اصلها واحشانى

[the prince of persia]

شوفتوا كلامى صح طب 98.7 واسنان98.5 وصيدلة 97.5

[Dr.Mohamed Attia]

بعد الشر صيدلة ان شاء الله لن تتعدى 97

[احمد السطوحى]

والطب لن تتعدى 98.4 ان شاء الله

[Dr.Mohamed Attia]

يارب ان شاء الله