الغش ام الامتحانات السهلة

[prince of scientists]

الغش ام الامتحانات السهلة
امام التنسيق اللى احنا شايفينه ده الكل بيعلق المجاميع المرتفعة على الغش فقط وكتييير بنسمع كلام هنا فى المنتدى عن ان الغش رفع المجاميع بطريقة رهيبة وان الطلبة جايبة مجاميع ومستواهم تعبان؟؟ طب جبوها ازاى !!1 دول كانوا معانا فى الدروس ابيض خالص ؟؟!! ومستواهم ميتعداش 90% جابة 98 و99 ازاى بقي؟؟! دول فى امتحان الاستاذ جابو40من50 ازاى بقي يقفلوا المادة دى ؟؟؟ ومن دى اسئلة كتيير الكل بيطرحها !!!!
انا عاوز اعلق ع الكلام ده بكلمتين ان محدش ينكر ان فى غش السنة دى وانا شوفت بعيني فى لجنتي ناس غشت كتير بس وربنا زى مفى ناس غشت فى ناس مغشتش حرف واحد خااااااالص فياريت منعممش ....انا شايف ان السبب وراء الغش هو سهولة الامتحانات لان الامتحان لمايبقي سهل هتلاقى مثلا نص اللجنة عارفاه وبالتالى هتغششه للباقي اما لما يكون الامتحان صعب هتلاقي واحد ولا اتنين بس اللى عارفين صعوبات الامتحان وبالتالى لو هتموتهم مش هيغششوا خاالص لانهم عارفين ان التكات دى هى الللى هتميزهم عن غيرهم اتمنى الكل يكون فاهمنى ان الامتحان المتوسط ده بيخرب الدنيا لانه بيجعل الطلبة المتوسطة زى المتميزة والاهم ان الطلبة المتوسطة بتعوث فى اللجنة فسادا وبيغششوا الطلبة الضعيفة ودى كااااااااارثة فعلا بترفع المجاميع
عاوز اقول حاجة كمان ياريت الناس ترضى بقضاء ربنا قال تعالى " وعسى ان تكرهوا شيئا وهوخير لكم وعسى ان تحبوا شيئا وهو شر لكم والله يعلم وانتم لاتعلمون"

خلاصة الكلام انا شايف ان الامتحانات السهلة اكبرررررررررررررررررر سبب للغش وبالتالى مجاميع مرتفعة لاعداد كبيييييييييرة

[ismael2]

كلام مقنع
الامتحانات كانت سااهله جدا
ومش معقوله طالب مستواه 90 يغش يجيب 99

[prince of scientists]

المشاركة الأصلية كتبت بواسطة ismael2

كلام مقنع
الامتحانات كانت سااهله جدا
ومش معقوله طالب مستواه 90 يغش يجيب 99

اصل الامتحانات السهلة بتشجع ع الغش زى مقولت ان الطالب المتوسط عادى عنده انه يغشش اما المتفوق فصعب انه يغشش حد عشان هيضيع مجهوده وبالتالى لما الامتحان يبقي فى مستوى المتفوق هنضمن ان الغش هيبقي قليل اوووووى اما امتحان متوسط= غش بالجملة
وشكررررررا لمرورك

[still think of you]

المشاركة الأصلية كتبت بواسطة prince of scientists

الغش ام الامتحانات السهلة
امام التنسيق اللى احنا شايفينه ده الكل بيعلق المجاميع المرتفعة على الغش فقط وكتييير بنسمع كلام هنا فى المنتدى عن ان الغش رفع المجاميع بطريقة رهيبة وان الطلبة جايبة مجاميع ومستواهم تعبان؟؟ طب جبوها ازاى !!1 دول كانوا معانا فى الدروس ابيض خالص ؟؟!! ومستواهم ميتعداش 90% جابة 98 و99 ازاى بقي؟؟! دول فى امتحان الاستاذ جابو40من50 ازاى بقي يقفلوا المادة دى ؟؟؟ ومن دى اسئلة كتيير الكل بيطرحها !!!!
انا عاوز اعلق ع الكلام ده بكلمتين ان محدش ينكر ان فى غش السنة دى وانا شوفت بعيني فى لجنتي ناس غشت كتير بس وربنا زى مفى ناس غشت فى ناس مغشتش حرف واحد خااااااالص فياريت منعممش ....انا شايف ان السبب وراء الغش هو سهولة الامتحانات لان الامتحان لمايبقي سهل هتلاقى مثلا نص اللجنة عارفاه وبالتالى هتغششه للباقي اما لما يكون الامتحان صعب هتلاقي واحد ولا اتنين بس اللى عارفين صعوبات الامتحان وبالتالى لو هتموتهم مش هيغششوا خاالص لانهم عارفين ان التكات دى هى الللى هتميزهم عن غيرهم اتمنى الكل يكون فاهمنى ان الامتحان المتوسط ده بيخرب الدنيا لانه بيجعل الطلبة المتوسطة زى المتميزة والاهم ان الطلبة المتوسطة بتعوث فى اللجنة فسادا وبيغششوا الطلبة الضعيفة ودى كااااااااارثة فعلا بترفع المجاميع
عاوز اقول حاجة كمان ياريت الناس ترضى بقضاء ربنا قال تعالى " وعسى ان تكرهوا شيئا وهوخير لكم وعسى ان تحبوا شيئا وهو شر لكم والله يعلم وانتم لاتعلمون"

خلاصة الكلام انا شايف ان الامتحانات السهلة اكبرررررررررررررررررر سبب للغش وبالتالى مجاميع مرتفعة لاعداد كبيييييييييرة

من وجهه نظرى
انا بعد النتيجه اكتشفت ان فى ناس بتمشى بنظام دارى علا شمعتك تقيد حتى ف الدروس
عشان كدا احنا مش متوقعين لهم كدا
لانهم ممثلين بارعييييييييييييييييين
حتى بعد النتيجه يقولو لك حظ و الله و الافلام الهندى دى
و اظن ان السبب الاساسى فى خفض مجاميع بعض البشر هو عدم الدقه ف التصحيح
ناس واخده حقها
و ناس واخده اقل من حقها ب 4 6 درجات
يرضى مين ده يا ناس

[طالبة الجنة 2012]

انا رائى ارتفاع التنسيق عن العام السابق سهولة الامتحانات ودا بيخلى فرصة الغش اكبر وحتى اسئلة الذكاء فى الامتحان تكاد تكون منعدمة والغش الجماعى ما شاء الله شغال وعدم التكافؤ فى درجة صعوبة الامتحانات يعنى السنه اللى فاتت كانت امتحانات تانية سهلة جدا جدا وكل الطلبة جابت مجاميع خرافية والسنه اللى قبلها للاسف كانت الامتحانات فيها شى من الصعوبة وخاصة الانجليزى كان نار ودا ظبط المجاميع والتنسيق للدفعة اللى فاتت فاعتقد ان اللى حطنا فى المشكلة دى واضعى الامتحانات والمراقبين فى اللجان اللى سمحوا بالغش منهم لله واخيرا الظلم فى التصحيح وانا قسما بالله شوفت مهازل فى التصحيح ضيعت ناس كتير جدا
حسبى الله ونعم الوكيل

[prince of scientists]

المشاركة الأصلية كتبت بواسطة still think of you

من وجهه نظرى
انا بعد النتيجه اكتشفت ان فى ناس بتمشى بنظام دارى علا شمعتك تقيد حتى ف الدروس
عشان كدا احنا مش متوقعين لهم كدا
لانهم ممثلين بارعييييييييييييييييين
حتى بعد النتيجه يقولو لك حظ و الله و الافلام الهندى دى
و اظن ان السبب الاساسى فى خفض مجاميع بعض البشر هو عدم الدقه ف التصحيح
ناس واخده حقها
و ناس واخده اقل من حقها ب 4 6 درجات
يرضى مين ده يا ناس

ده كلام صح جداا لان كل طالب معلش عمال يحكم على زميله اللى جاب اعلى منه ويقول ده مستواه تعبان دنا احسن منه ازاى يجيب اعلى منى ؟؟؟!!! اصلا فين الخبرة عشان تحكم على واحد زيه زيك وبعدين ميمكن يكون بينيمك بانه مستواه وحش ومبيذاكرش ؟؟!!!1
كمان الناس اللى بتمشي بنظام دارى على شمعتك حقهم يعملوا كده واظن ده مفيهوش مشكلة
التصحيح ده بقي كارثة بكل المقاييس انا مش هتكلم عن الظلم انا هتكلم عن اعادة التصحيح اللى محدش بياخد فيها حاجة يعنى ازاى اكون حالل سؤال صح ومعمولى غلط وماخدش درجاتى ده كلام مش منطقى خصوصا لان الموجهين مش عاوزين يتعبوا نفسهم او يطلعوا نفسهم غالطنين

[eckadOel]

سهولة الامتحانات ؟!!!!!!!!!!! إزاى يعنى ؟!!!
امتحان الميكانيكا وصفته الصحف اليوم اللى بعديها بمجزرة الميكانيكا بقى سهل ؟!
وصدمة التفاضل والتكامل ؟!!!
ياريت بس مش عشان امتحانات علمى علوم وادبى جت سهلة يتحملوها طلبة رياضة ويستحملو التنسيق ده ! حرام والله !

[babagamil]

يا جدعاااااااااان الامتحانات طوووووووول عمرها بتيجى نفس مستوى الامتحان بتاعنا ماعدا 2008 ماحنا حلينا امتحانات من اول 1990 لحد 2011 امتحانات عااااااااديه جدا ايه لازمة الفتى بقى.؟؟؟؟؟؟واللى يقول غير كده يبقى سورى مبيفهمش

[GHOST_LioNeL AndRes MesS]

يا جماعه الامتحانات السنادى لتانية ثانوى مكنتش بالتفاهه اللى بتتكلموا عنها دى بالعكس فى بعض الامتحانات كان فيها على الاقل نسبة 20% متميزين فحرام محدش يحكم على حاجة مشفهاش وارجعوا للسنين السابقة هتلاقوا امتحاناتنا بتتقوق عنها فى حاجات كتير هو انتوا اى كلام تسمعوه وخلاص

[still think of you]

المشاركة الأصلية كتبت بواسطة prince of scientists

ده كلام صح جداا لان كل طالب معلش عمال يحكم على زميله اللى جاب اعلى منه ويقول ده مستواه تعبان دنا احسن منه ازاى يجيب اعلى منى ؟؟؟!!! اصلا فين الخبرة عشان تحكم على واحد زيه زيك وبعدين ميمكن يكون بينيمك بانه مستواه وحش ومبيذاكرش ؟؟!!!1
كمان الناس اللى بتمشي بنظام دارى على شمعتك حقهم يعملوا كده واظن ده مفيهوش مشكلة
التصحيح ده بقي كارثة بكل المقاييس انا مش هتكلم عن الظلم انا هتكلم عن اعادة التصحيح اللى محدش بياخد فيها حاجة يعنى ازاى اكون حالل سؤال صح ومعمولى غلط وماخدش درجاتى ده كلام مش منطقى خصوصا لان الموجهين مش عاوزين يتعبوا نفسهم او يطلعوا نفسهم غالطنين

التصحيح بجد كان ظالم و بالزات ف الاداره
اكتب ف موقع الاستاذ كده اداره العجوزة
و قارن بين السنه اللى فاتت و السنه دى
كل سنه كل مدرستى بيبقوا بين 95و99
السنه دى 99 واحد بس
و مدرسه الاوقاف مسقطينهم كلهم
و يوسف السباعى دى ثلاث اربعها ساقطين
و احنا كل سنه بتبقى نسبه النجاح 100 السنه دى بقا...........
نص المدرسه اتظلمت ف التصحيح
حتى اللى جابت 204 كان مفروض تجيب 204 و نص
انا ظلمونى ف 4 درجات كمياااااااااااااااااااااااا و نص عربى
و صاحبتى بقا اتظلمت ف الكميا و سقطوهاااااااااا فيها مع انها كانت مقفله الورقه

[still think of you]

المشاركة الأصلية كتبت بواسطة ghost_lionel andres mess

يا جماعه الامتحانات السنادى لتانية ثانوى مكنتش بالتفاهه اللى بتتكلموا عنها دى بالعكس فى بعض الامتحانات كان فيها على الاقل نسبة 20% متميزين فحرام محدش يحكم على حاجة مشفهاش وارجعوا للسنين السابقة هتلاقوا امتحاناتنا بتتقوق عنها فى حاجات كتير هو انتوا اى كلام تسمعوه وخلاص

فعلا امتحانات 2 ث مليانه افكار جديده السنه دى و مش موجوده فاى كتاب
قال ايه عشان نقضى ع الدروس
ده كدا بيزودوها و الله

[ميزو 64]

على فكرة اللى مبيعرفش بيقل عدس لامتحانات فى تالتة ماكنتش سهلة ودا بشهادة مدرسين المادة مفيش امتحان جه سهل الا علم االنفس ومع ذلك الخمسينات السنادى قلت جامد والفيزيء ماكنش سهل وفيه 6 درجات وبقية المواد نفس الكلام كفايا بقى كلام مستفز

[sasoki]

يا جماعة انتو بتتكلمو عالغش علي اساس ان في طلبة شاطرة بتغشش طلبة ضعيفة
بس انا شايف ان الغش السنادي كان اكبر من كدة بكتير
الغش السنادي كان من المذكرات والكتب وعلي عينك يا تاجر
وفي الاخر العيال يراجعوا الامتحان مع بعض ولو ظهر حاجة مختلفين فيها يقوللو افتح المذكرة اللي معاك صفحة كذا
والله الغش السنادي كان حاجة تانية خالص
لدرجة ان مرة المراقب قالنا في اللجنة قبل لما تخلص بشوية"محدش يا جماعة ينسي اي برشام او مذكرة في كراسة الاجابة"
حسبي الله ونعم الوكيل

[the brutal storm]

ياربىىىىىىىىىىىىىىىىىىى

[esraaegypt]

الامتحانات مش سهلة ولا حاجة وتقدروا تقارنوا بين امتحاناتنا والامتحانات السابقة ، امتحان الأحياء بتاعنا مثلا كان فى نفس مستوى 2011 ولو نفتكر ان الكل كان بيقول على امتحان 2011 صعب !
السبب الرئيسى ان كل دفعة بتيجى مستواها بيكون أعلى من اللى قبلها ، لانها بتبقى حلت اكتر ومستوى المدرسين والكتب الخارجية بيتحسن واهتمام الأسر بيزيد كل سنة بالثانوية ، فالطالب المتوسط لما ياخد مع 2 مدرسين واحيانا 3 لازم مستواه يتحسن
ومهما جت الامتحانات صعبة المجاميع هتفضل عالية بدليل انى اعرف ناس كتير جدا السنة دى علمى رياضة وجابوا فوق 99 او 98 .. لان عدد السكان بيزيد وبالتالى عدد الطلبة بيزيد فالمجاميع بتعلى .. لازم كل الكليات تزود أعداد المقبولين عشان تستوعب الزيادة فى السكان .. انا مش ذنبى انى ذاكرت وجبت مجموع الكلية اللى انا عاوزاها لكن عدد الطلبة زيادة
لكن هنقول ايه على دولة شغالة لحساب رجال الأعمال بجامعاتهم الخاصة !!