كل واحد عنده استفسار عن تجارة او محتار فيها او مش حاببها يدخل .. ! 2012

[Analyzer.Mn3m55]

بسم الله الرحمن الرحيم و الصلاة و السلام على محمد اشرف الخلق اجمعين رمضان كريييييم كده اولا يا جماااااعه و كل سنه و انتوا طيبين

فى بداية الموضوع كده احب اباااااركلكم على المجاميع سواء كبيرة او متوسطه ده اولا و اخيرا القدر و نصيب من عند ربنا
انا كنت زيكم كده السنه اللى فاتت و جايب 90 % علمى رياضه و دخلت تجارة عربى حلوان بعد ما حولت من كلية علوم ..

اولا كده كلية تجاااارة دى كليييييييية روعه والله يا جماااااعه بجد انا مبسوط فيها جدا مع انى كنت مش بحبها خااالص و قرفان منها اول ما دخلت و مكنش نفسى احضر اى محاضرات و لا نيلة
بس واحده واحده حبتها و اكتشفت انها تستحق تاخد من 98 % بجد .. ( ع فكرة كلية التجارة هى الكلية الاولى فى امريكا )
باختصار انا قرصت على نفسى جامد و قولت انى لازم اثبت وجودى خصوصا ان معظم الناس كانت داخله و فكراها لعب و استهتار و هبل .. الحمد لله ربنا كرمنى و طلعت الـ 14 ع دفعتى بفضل ربنا و تعب كتير

المهم :

كلية التجارة اولا اقسامها المعروفة : المحاسبة , ادارة الاعمال , رياضه و تامين و احصاء
دى الاقسام المعروفة .. عندكوا اقسام زيادة فى تجارة حلوان اللى انا فيها
قسم العلوم السياسية : ده قسم جميل و بيتاخد فين سياسات دولية و محلية و اقتصاديات و بيحضروا تدريبات دايما فى مراكز بحوث استراتيجية زى الاهرام و مجال الإعلام، وزارة الخارجية، إلى جانب المراكز البحثية المتخصصة
قسم نظم المعلومات : ده قسم بياخد حسب تنسيق كل واحد فى الكلية يعنى بياخد من سنه تالته اعلى 50 شخص فى المجموع من سنه تانيه كلية .. ده قسم شبه قسم نظم بتاع كلية حاسبات و بيتخرجوا يشتغلوا فى الكمبيوتر و البرمجة و قواعد البيانات و مواقع الويب بس لازم كورسات معاه طبعا ..
و قسم الاقتصاد الخارجى و قسم الاقتصاد المحلى و دى اقسام روعه ..

نيجى لحته تانيه .. تجارة انجلش .. هى هى تجارة عربى بس باللغه الانجليزيه و طبعا كويسة و حلوة و نضيفه تنسيقها بيتم كده :
مجموع الثانوية العامه كله + درجات اللغه الانجليزيه كلها + درجات المستوى الرفيع لو انجلش = المجموع الاعتبارى اللى بيتم على اساسه تنسيق تجارة انجلش و المصاريف حوالى 3000 او 4000

.. جامعه حلوان فيها قسم اسمه BIS Business information system
ده زى تجارة انجلش حلوان و احسن بس اغلى شوية ممكن يكون ب 7000 بس جميل و حكومة و مواااده رووووووعه جدا و حديثة اوى شغل عالى
و ده الموقع اللى فيه كل شروط القسم و المصاريفhttp://www.helwan.edu.eg/university/...New/BISAr.html
.................................................. .................................................. .........
عاوز اقول حاجة اى واحد كان نفسه فى هندسة او حاسبات و مدخلش ميزعلش بالعكس انت فى تجارة عندك وقت كبير تعمل انشطه تانيه كتير جدااااااااااااااااااااااااااااااااااااااااااااا
انا فى تجارة اهو و دخلت فرق كتير فى الجامعه و بنعمل انشطه و بنزل تدريبات فى شركات و كنت بحمل البرمجة و الكمبيوتر دخلت فريق فى الجامعه تبع مايكروسوفت .. microsoft student partner و بنعمل شغل و مسابقات و حاجات كتير جدا .. و ان شاء الله انزل موضوع مخصوص عن الفرق الجامعيه و الانشطه دى و ازاى تستفيدوا منها لو الموضوع عجبكم
و اى استفسار عن اى حاجة تانى انا معاااااكم ان شاء الله يا اجدع شباب

[KhaleD Moustafa]

متشگر ليگ .. بچد حببتني فْ الگلية

بس هيه بتآخد من گآم ؟

[soosoo_kotp2000]

على فكره انا اختى كانت ف كليه تجارة واتخرجت الحمد لله ...... اللى عايزة اقوله ان الكليه مجالات شغلها بجد كتيييييييير جدا ... مطلوبة فى كل المسابقات وفى كل الشركات وف كل مكان تقدر بالتجارة تضمن وظيفة محترمة بجد وكمان مش محتاجه تكاليف كتير زى الطب وغيره ...... التجاره ممكن تشتغل فى اى مكان محترم ( شركة كبيرة او صغيره - بنك - محكمه - الجهاز المركزى للمحاسبات - الضرائب - المطارات ------------ ) والله حاجات كتير جدا ومفيش مكان مش بيحتاج كلية التجارة بس لازم تعرفو بجد بجد بجد انه مفيش مجال للى جايبين مقبول تقدير عام اقل حاجه لازم تكون جايب جيد والله انا اعرف حد كان جايب جيد جدا مع مرتبة الشرف وكان بيقدم فى المسابقات اللى بتنزل وجاله كل حاجه كان بيقدم فيها ومن غير وسطه غالبا يعنى ( كان بيتدرب ف بنك وهو لسه ف الكليه -- اشتغل ف بنك القاهره -- وشوية ف محكمه --- وجاله ف البنك الأهلى --- وجاله برده ف الضرايب --- وحاليا هو ف الجهاز المركزى للمحاسبات ) .......... وآه بئا لو جبت يا معلم ترتيب حلو ع الدفعه وبقيت معيد تبقى فله جدا