ايه أخبار مجاميع علمى رياضة السنة دى ؟

[mido1024]

ايه أخبار مجاميع علمى رياضة السنة دى ؟

[user22]

بالنسبة لي أنا وأصحابي أشطرنا جاب 97%

إنما الباقي من 80% لحد 94%

مش عارف باقي المحافظات ايه ظروفها , اللي يغيظ 10% من إجمالي شعبة الرياضة جابو الدرجة النهائية في رياضيات 2 ... ده معناه إن إحنا لا مؤاخذة ......

[mido1024]

اللى جابوا الدرجة النهائية فى رياضيات 2
973

[tweetyy]

عاليه جدا ..................... في السحاب ............ جميع الطلاب جايبين فوق 410 عباقره
هههههههههههههه
مجاميع علمى رياضه ميته اسوأ مجاميع

[user22]

المشاركة الأصلية كتبت بواسطة mido1024

اللى جابوا الدرجة النهائية فى رياضيات 2
973

صحيح كلامك مضبوط , يعني النسبة 1% بس وممكن أقل

بصراحة no comment عـ اللي حاط الامتحان الحلو ده

[mazakangyt]

انا صاحبى رياضة وجاب 100 % وانا علوم جبت 98%

[Xx_Youri_xX]

في خلال يوم على الأكثر ان شاء الله ستقوم شبكة الأستاذ التعليمية بإتاحة ترتيبك على شعبتك وخدمة توقع تنسيقك طبقًا لأعداد التي قبلتها الكليات السنة الماضية وترتيبك

[روكا ناصر]

ان شاء الله يا جماعه التنسيق بالنسبه لرياضة 2 هيبقى مرتاح اوى السنه دى لان مجاميع كتيرة اوى انضربت يعنى ممكن من 92.5 % ان شاء الله خير انا بطمنكوا بس انا خايفة اوى معرفش ليه ربنا يستر

[الأمير سيف الدين قطز]

تفتكرى يا روكا إن التنسيق هايبقى كده ؟؟؟


أنا جايب 94.7

وحاسس إنى مش هاخشها

[الاستاذ22]

المشاركة الأصلية كتبت بواسطة روكا ناصر

ان شاء الله يا جماعه التنسيق بالنسبه لرياضة 2 هيبقى مرتاح اوى السنه دى لان مجاميع كتيرة اوى انضربت يعنى ممكن من 92.5 % ان شاء الله خير انا بطمنكوا بس انا خايفة اوى معرفش ليه ربنا يستر

و الله احنا عايشين على هذا الأمل ويارب 94.15% يلحق هندسة و فى اى مكان مش مهم

[سبايكى العفريت]

بسم الله الرحمن الرحيم

السلام عليكم ورحمة الله وبركاته

انا كنت عاوز طلب ياريت تفيدونى بيه بسرعة

انا جايب 93.6 السنة دى علمى رياضة

هل ممكن الحق اى هندسة اقاليم مرحلة تانية ولا لا ؟؟


ياريت الرد يكون فى اسرع وقت وجزاكم الله كل خير