تظلمات الثانوية العامة 2012

[yaseen ali]

أريد معرفة مواعيد التظلمات وكيفية تقديمها للمرحلة الأولى من الثانوية العامة ومكان التقدم بالتظلم وذلك بكنترول أسيوط .. الرجاء الإفادة

[* ندى العمر *]

انا اخويا المفروض يجيب فى مادة علم النفس 48 او 47 والاستاذ لما راجع معاه قله انه مش هيجيب اقل من كده ومع ذلك اخد فى مادة علم النفس 32 يعنى ده مش ظلم ولما راح سأل قالوله روح الادارة التعليميه فى اسيوط بس الاكتر قاله بلاش لانهم هياخدوا فلوس ومش هيطلعوا نفسهم غلطانين ابدا ( حسبى الله ونعم الوكيل )

[هويدااحمد76]

التعليم: إلغاء امتحان 500 طالب بالثانوية بسبب الغش.. والتظلمات غداً

الثلاثاء، 17 يوليو 2012 - 14:49

جمال العربى وزير التربية والتعليم
كتبت سارة علام

قال محمود ندا نائب رئيس الثانوية العامة ومدير عام الامتحان، إن الشئون التعليمية بوزارة التربية والتعليم، قامت بإلغاء امتحان 500 طالب، بعد ثبوت وقائع الغش التى تم التحقيق معهم فيها.

وأكد ندا لـ"اليوم السابع"، على هامش حفل تكريم أوائل الثانوية اليوم، أن الوزارة ستبدأ فى تلقى التظلمات ابتداء من غد الأربعاء، وحتى 17 أغسطس المقبل، مشير إلى أن الوزارة ستراعى مصالح الطالب، حيث ستعمل على تلقى ملاحظاته على التصحيح، وستمنحه درجات إضافية من خلال مستشار المادة، على أن يتم تعديل درجاته ومجموعه، وإبلاغ مكتب التنسيق بالتعديلات بشكل مباشر، دون الحاجة إلى رفع دعوى قضائية.

وأوضح ندا أن الوزارة اتبعت هذا العام أسلوبا جديدا فى تلقى التظلمات فى الإدارات التعليمية، من أجل التيسير على الطلاب دون الحاجة للسفر إلى الكنترول.
http://www1.youm7.com/News.asp?NewsI...65&IssueID=168

[bbelalbb]

طب يا جماعة يعني انا اروح فين بكرة ؟؟؟ اروح المدرسة يعني ولا فين

[Steerforth]

انا عايز اعرف برده : نروح فين ؟؟

[ابو ساره77]

غالبا يكون مكان تقديم تظلمات الثانوية العامة بالمديرية التعليمية التابع لها الطالب أو المكان الذى تحدده المديرية

[moazmoaz12]

يا جماعه نصيحه منى محدش يعمل تظلم الا فى ماده المفروض يقفلها ويلاقى نفسه مثلا واقع 5 او 6 او درجات

[moazmoaz12]

وبعدين مع إحترامى ليكى معظم الطلاب بتذاكر من كتب خارجيه ( احنا فى ازهر مثلا كتاب المرشد ) بيكون كاتب اجابه تنجح بس مش تدى النهائى وبيكون فاكر نفسه مقفل وخلاص وبعدين بيتفاجئ بكده
منكرش انى اعرف ناس عملت تظلم وجابت 7 درجات فى ماده واحده بس ده كان جايب 98 وهوا مظلوم
ربنا يوفق الجميع
اخوكم معاذ عبدالرازق
الاول على القاهره الثانويه الازهريه
بمجموع 101%
رقم الجلوس 100759

[Steerforth]

انا الحمد لله جايب 98.5% في تانية بس في نص درجة في الجبر انا متأكد مش هقولك 99% لأ 100% اني مش ناقصها

[moazmoaz12]

الف مبروك بس هوا صحيح عندكو الدرجات فى علمى الرياضه مش تمام ؟؟

[safty12]

ندى العمر *
والله العظيم نفس الموضوع حصل معانا والله مقفل خمسين علم نفس وفجأه 5 درجات يجيبونى من 96.8 ل 95.6 والاقى نفسي جايب 45 ونفس الموضوع مع صحابى والله واحد 38 و التانى 44 وكلنا واثقين جداً من نفسنا ان احنا بكتيرها درجتين بس!!!!!! لكن واحد يشيل خمسه والتانى اتناشر والثالث سته بجد ظلم علم النفس ظلم جداًً حراااااااااااااااااااااااااااااااااااام ولو عملنا اعاده تصحيح مش بيدونا اى حاجه منهم لله بجد منهم لله كان زمانى ضامن هندسه القاهره دلوقتى التنسيق على كف عفريت وانا وحظى يالحق عالحركرك ياملحقش وبردوا عالحركرك !!!!!!!!!!!! دا اسمو ايه حد يفهمنى ارجوكووووووووووو

[safty12]

المشاركة الأصلية كتبت بواسطة moazmoaz12

الف مبروك بس هوا صحيح عندكو الدرجات فى علمى الرياضه مش تمام ؟؟

مش تمام خالص والله ناس اعرفها كتير الى رجع من 97 ل 90 والى رجع من 90 ل 83 والى رجع من 94 ل 89 بجد فى طلم كبير فى التصحيح انا اتظلمت ف 5 درجات علم نفس ونفسي اعمل اعاده تصحيح بس مش عارف ممكن يدهوملى ولا لأ وكله بيقول مش هيدوك حاجه

[بينكى زون]

والله ما هتاخد حاجة والله اخوية راح كشف ع الفرنساوى و الله ما خد حاجة و كان مفروض يا خد 10 درجات فرق والله


و كمان صحبتى نفس الكلام حصل عليها و قالولها هنتصل بيكى و الله ما حد عبرها خالص

[ابو مروة]

للاسف احد المسؤلين يصرح لليوم السابع اليوم ان التظلمات ستكون عن طريق الادارة التعليمية التابع لها الطالب (مدير عام الامتحانات ) بينما يصرح الآخر (ابو سريع ) لبوابة الوفد ان التظلمات ستكون في الكنترول التابع له الطالب فنصدق مين ونكذب مين ؟ مجرد سؤال محتاج توضيح للسياسة اللي كلها تخبط من اتباع النظام الفاشل السابق والله يرحم الثورة .وشكرا

[mohyasd]

انا والله من 50 فى علم النفس الى 45.5
مش عرف هما حطين علم النفس فى دمغهم ليه
الامتحان والله المفروض الكل يقفل فيه