سحلول بينفض وسحلولة اتجننت!!!

[ياسمين نصار]

سحلول:ازيك يا سحلولة وحشتينى اوى يا مضروبة!

سحلولة:سحلولى وحشتنى اوى يا مقصوف الرقبة..فينك ده كله..ما فيش حتى ميسد كول!!

سحلول:معلش يا روحى اصل كنت مشغول اووى!

سحلولة:خير

سحلول:خير طبعا اصل كان عندى واوا فى رجلى..

سحلولة:يا خراشى بعد الشر عليك..يا رب أنا مش انتا ..بحبك أووووآ يا عبيط..

(سحلول وشه احمر)

سحلول:عبيط..انا عبيط!!!

سحلولة:ايوة انتا ماتعرفش ان الحب بيزيد مع الشتيمة وبيقرب الناس اكتر!

سحلول:أيوة سمعت عن المعلومة ديه ..مش تقولى كده من الاول بحبك يا هبلة..

سحلولة:هه هه هه وأنا كمان بحبك يا عبيط ..بس قولى هاتتقدم امتى..؟؟

سحلول:قريب ما تخافيش ..بس بابى ع طول مسافر ومامى مش فاضية..بس هانت وهافتح معاهم فى الموضوع..وبعدين انت مستعجلة ليه؟ماإحنا مع بعض اهو يا مجنونة!

سحلولة:ايوة بس لازم يكون فى تجديد ..لبس دبل اى حاجة كده ..احنا بقالنا خمس سنين مع بعض..

سحلول:متخافيش.. هانت

سحلولة:كل شوية تقولى هانت..لا..حدد ميعاد..انا زهقت!

سحلول:يا هبلة بقولك هانت..إفهمى بقى ..تشاو أحسن بابى قرب يجى من السفر علشان أستقبله وأقول له على الموضوع علطول..

سحلولة:بجد هاتقوله وهابقى عروسة..

سحلول:أكيد..بس سبينى امشى يالا بااااى.

(ومشى سحلول وغاب عن الوجود وفضلت سحلولة تبحث عنه يمين وشمال وفوق وتحت..من غير أى أمل فى رجوعه)

وكالعادة جات لسحلولة أزمة نفسية وراحت ..العباسية...

[سيف العدل البتار]

سحاليل مع بعضهم
بس السؤال سحلول راح فين
شكرا

[هـمسة]

اللهم ابعدنا عن السحاليل واكفينا شر السحلله يااارب امين يا رب العالمين

[دموع الروح]

روووووووووووووووووووووووووووووووووووووعه
.....
بجد انتى زكيه جدا
جزاكى الله خيرا
...

[ياسمين نصار]

المشاركة الأصلية كتبت بواسطة دموع الروح

روووووووووووووووووووووووووووووووووووووعه
.....
بجد انتى زكيه جدا
جزاكى الله خيرا
...

شكرا كل هذا فأنا أكتبه للفرفشة ولكن فى نفس الوقت لتوعية كل إخوتى فى المنتدى لكى لا يغلطوا غلطة سحلولة
ولا يفعلون مع البنات مثل ما فعله سحلول.....