ايه نظام اليوم السابع في النتيجة

[ahmed H capo]

يا جدعان انا سمعت ان موقع اليوم السابع حصل علي حقوق حصرية لنشر النتيجة
وانه الموقع الوحيد اللي هينزلها غالبا
ايه نظام الموقع هل هو بيحطها ببلاش ولا 0777 واشترك والجو الحمضان دة
وهل في لينك للنتيجة علي الموقع عشان لما تنزل نكون عارفين ولا ايه
ياريت لو حد جربها السنين اللي فاتت
لاني بصراحة معرفش غير مصراوي ولينك والاتنين بخطوط وشغل فكسان اوي ^^

مؤكدا أنه سوف يتم اعلان أسماء أوائل الثانوية العامة يوم 16 يوليو علي أن تعلن النتيجة يوم 17 يوليو مؤكدا أن موقع اليوم السابع اشتري الحق الحصري لاعلان النتيجة عبر الانترنت وأنه لن يتم أخراج أي نتائج من الكنترولات قبل الاعلان الرسمي لها وهذا بعد تشديد الوزير علي ذلك لضمان تكافؤ الفرص بين كل الطلبة ..

المصدر

http://shabab.ahram.org.eg/UI/Front/...ContentID=4180

[To Be Is To Do]

بص ي باشا
البنتيجه يوم 16 تقريبا اليوم إللى ح يعلن فيه أوائل الثانويه بليل
وأنا تقريبا جبتها السنه إللى فاتت من على مصراوى

اليوم السابع م عرفتش أجيبها منه السنه إللى فاتت

[yooma]

انا جبتها السنه اللي فاتت من اليوم السابع
وهو بيحطها ببلاش عادي جدا
وكل الحكايه بتدخل تكتب رقم جلوسك
وبتظهر النتيجه عادي

[doha94]

فى كتير هينزلها على فكره

يعنى انا اقولك السنه اللى فاتت ظهر الاوائل يوم 16 الصبح وقالوا ان بتاعتنا يوم 17

بس بقى اليوم السابع ومصرااااوى دفعوا فلوس للوزاره انهم يعلنوا بتاعتنا بدرى شويه

فا ظهرت بتاعتنا يوم 16 العشاء كده

ومش بفلوس ولا اشتراك لأ عادى انا مش فاكره اختى جابتها منين علشان هى اللى جابتهالى بس اظن اليوم السابع

[SwOrD OF JusTice]

اليوم السابع ببلاش انا جايبها منه لواحد قريبى السنه الى فاتت

[sameh mostafa]

يوم 16 بليل هنشوف المستخبى
لكل اجلا كتاب

[222ahmed222]

اجيبلك من الآخر
مفيش احسن من موقع الأستاذ في النتائج والتنسيق وكل حاجه
موقع الاستاذ يتميز عن غيره في كيفية الحصول على النتائج بمعنى
انه بيخليك تقدر تبحث باالاسم او رقم الجلوس
هتقولي دا موجود ف كل مكان هقولك لأ ف كل مكان لازم تكتب الاسم بالضبط الثلاثي او الرباعي وميبقاش ف اي غلطه في همزه مثلاً او الياء والألف اللينه
اما الأستاذ بيوفرلك امكانية انك تبحث عن اسم ثنائي ويجيبلك كل الناس ال بالاسم دا ومبيلتفتش لموضوع الهمزات والتاء المربوطه والحاجات دي
فوق دا كله هو الموقع الوحيد ال بينزل بردو ترتيب المدارس كلها وترتيب الإدارات التعليميه وترتيب المحافظات

[yooma]

http://natega.youm7.com/fillform.aspx

[د/نداء الجنة المصرية]

انا كنت متابعة السنة اللى فاتت 5مواقع فى وقت واحد وبصراحة اللى جابها الاول موقع ماكنتش حاطة امل اوى عليه اللى هو موقع الفجر لقيت طلبة على الفيس بيقولوا بانت هناك وفعلا لقيتها والكلام ده كان المغرب يوم الاوائل بعدها بقيت اجيبها بالاسماء من مصراوى اما موقع الاستاذ فاشتغلت عليه تانى يوم عشان اعرف نتيجة زمايلى من البلاد التانية باسم المدرسة وكده بالرغم من انى طول الوقت كنت معتمدة انها هتبان الاول على اليوم السابع عشان الكلام ده نفسه اتقال السنة اللى فاتت

[the matrex]

يا جدعان النتيجه يوم 15 ولا16

[yooma]

ان شاء الله يوم 16 /7

[هويدااحمد76]

المشاركة الأصلية كتبت بواسطة سارة ماكس

انا كنت متابعة السنة اللى فاتت 5مواقع فى وقت واحد وبصراحة اللى جابها الاول موقع ماكنتش حاطة امل اوى عليه اللى هو موقع الفجر لقيت طلبة على الفيس بيقولوا بانت هناك وفعلا لقيتها والكلام ده كان المغرب يوم الاوائل بعدها بقيت اجيبها بالاسماء من مصراوى اما موقع الاستاذ فاشتغلت عليه تانى يوم عشان اعرف نتيجة زمايلى من البلاد التانية باسم المدرسة وكده بالرغم من انى طول الوقت كنت معتمدة انها هتبان الاول على اليوم السابع عشان الكلام ده نفسه اتقال السنة اللى فاتت

لو سمحتى يا سارة ممكن تحطى لينك الفجر

[د/نداء الجنة المصرية]

[quote=هويدااحمد76;4635008]لو سمحتى يا سارة ممكن تحطى لينك الفجر[/quote

مش معايا والله بس فى ناس بتنشروا وقتها هبقى احطه هنا لان معظم المواقع لسه مااعلنتش عن النتيجة

[looolaaa]

يا جماعة فى ناس تقول النتيجة 16 و ناس 17 هى امتى بقى الاكيد؟

[sad nono]

انا كنت جايبة النتيجة للمنصورة كلها السنة اللي فاتت من على مصراوي
اليوم السابع معندوش داتابيز كبيرة فلما الضغط يبقا عليه كبير بيفصل ..