هزار نصفه جد: مسلمون ومسيحيون يتمازحون بـ"تويتر" حول افتراض قيام "دولة قبطية" بمصر

[abomokhtar]

مازالت خفة دم المصريين تسيطر على مواقع التواصل الاجتماعي، لكنها اختلفت في هذه المرة حيث اختلط المزاح بالجد، بعد قيام عدد من النشطاء بطرح هاشتاج علي تويتر بإسم "دولة قبطية‏"، بافتراض قيام دولة قبطية بمصر، وتوالت التعليقات مفترضة أن المسلمين هم الأقلية، والمسيحيين الأغلبية.

تفاعل بـ هاشتاج "دولة قبطية‏" - "الهاشتاج" يعني (تصنيف للتغريدات ذات الموضوع الواحد بحيث يمكن متابعتها وقراءتها) - كثير من المسلمين والأقباط، بحس فكاهي، وسماحة صدر دون تجاوزات، وجاء أحد التعليقات معبرا عن هدف الهاشتاج، بأن "يضع المسيحيين أنفسهم مكان المسلمين والعكس واللي مترضاهوش لنفسك مترضاهوش لغيرك"، بحسب ما جاء فى أحد التعلقيات.

كان للجانب السياسي دور مهم في "الدولة القبطية" حيث قال أحدهم: "إن حزب المحبة والعدالة الذراع السياسية بتاع الإخوان المسيحيين، رجعوا فى كلامهم ونزلوا بمرشح طبعا عايزين يكوشوا عشان الدولة الدينية".

وأخذ آخر بطمأنة المسلمين "كأقلية"على حقوقهم بمصر على لسان رئيس الجمهورية قائلاً: "اطمئن إخوتي المسلمين أن حقوقهم محفوظة وسوف أعين نائبا مسلما وأختا منتقبة للتأكيد علي حقوق المواطنة".

"وبرغم من أن الدولة معظمها أقباط، لا تزال هناك تظاهرات تهتف "قبطية قبطية" لماذا؟ و لمن؟ لا أحد يعرف"، جاء هذا التعليق تعبيراً عن استمرار ثورة الأقباط حتي في ظل سيطرة الأقباط على جهاز أمن الدولة!

وبما أن "الدولة القبطية" ستقوم بمصر، بالتالي لابد أن يكون دستور البلاد معبراً عن الأقباط، وهو ما طلبه أحدهم في تغريدة قائلاً "الوصايا العشر هم ركائز الدستور".

لم ينس النشطاء اللغة الرسمية للبلاد في ظل الدولة القبطية فطالب أحدهم بأن تكون اللغة القبطية هي اللغة الرسمية للدولة.

وتقدم "بوابة الأهرام" تلك "الهاشتاج" كوثيقة اجتماعية، تستحق تسليط الضوء عليها، لما حملته من تعلقيات وردود فعل متباينة، تبادلها مسلمون ومسيحيون، فجأة دون ترتيب مسبق.

وفيما يلى نص بعض التعليقات التى جاءت على "الهاشتاج" كما هى، دون حذف أو إضافات:

- يعني دكتور مسيحي متعصب يبقي حافظك بالاسم ومستنيلك غلطه علشان يشيلك المادة.
- هما هايعملو قانون بناء المساجد امتي مش ممكن كل متر فيه كنيسه واحنا مش قادرين نبني مسجد "نوت فير".
‏- يعني في عيد الأضحي والفطر يكون عندك امتحانات كل سنة في وقت الأعياد عادي مستقبلك أهم.
- جارتي المسيحيه بتحبني وبتقولي ماتخافيش ماحدش هايقرب منكم يامسلمين هانحميكم بروحنا من المتطرفين المسيحيين.
- الأب بحومس يناشد المسحيين بأن تقول نعم للصنديق من أجل الحفاظ على هوية البلد.
- الأقلية المسلمة تطالب الرئيس جرجس ميخائيل بإلغاء خانة الديانة من البطاقة.
- استمرار مسلسل حرق الجوامع والفاعل مجهول، والغريبه ولا كنيسة واحدة اتحرقت.. صدفه، مش كده؟
- المسلمين هم مش أهل البلد الاصليين ولازم يدفعوا الجزيه.
- أعلنت حماعة الإخوان القبطيين أنها لن تخوض الانتخابات إلا على ربع المقاعد فقط.
- حبس المسلمين و منعهم من الانتخابات.
- هما ليه مش بيختارو رئيس وزرا مسلم زي لبنان كده.
- هما مش ناويين ياخدو وزرا مسلمين بقي في الوزارة كل شويه يضحكوا علينا يدونا وزاره البيئه.
- واحد صاحبي مسيحي بس معتدل بيقولي يابني ده إحنا بنخاف من الإخوان المسيحيين أكتر منكم.
- ياعم مستحيل تلاقى ضابط داخل كنيسة ومستحيل تلاقى قسيس فى أمن الدولة ومستحيل تلاقى القسيس مفروض عليه حاجه يقولها فى الكنيسة.
- هو كل شويه يطلع قسيس متشدد يهددنا بدفع الجزية عشان إحنا مسلمين أقلية يعني.
- احنا مصريين برضه المفروض نكون رأسنا برأسكم.
- يعني لو لقوك بتتكلم مع حد مناقشة عاديه جداً ممكن يتهموك بالدعوة للإسلام.
- الحكومة تقرر أن عيد الفطر وعيد الأضحى إجازة رسمية مدفوعة الأجر.
- إحنا لازم نوحد صوت الأجراس.
- الرئيس حنا مرسى: لا مانع من كون أحد نوابى مسلم ‎
- نحن نسيج واحد والإخوة المسلمين شركائنا في الوطن.
- قطع أنف أحد المواطنين المسلمين علي يد شماس في الإسكندرية.
- كل مصيبه بيعملها الأقباط بيكون الفاعل مختل عقليا.
- تغيير اسم التوحيد و النور.. الى التثليث والتوحيد
- وقالت الصناديق للصليب نعــم.
- على فكرة المسلمين عندهم أسود وأسلحة مستخبية فى المساجد.
- هنطلب تدخل امريكا برده لحماية حقوق الأقلية المسلمه في مصر.
- صاحب البيت عامل الدور الأول كنيسة عشان ياخد اعفاء م الكهربا والميه.
- منتخب الصلبيين يحقق 3 بطولات إفريقية.
- مش عايز أشوف حد في شهر كيهك ماشي في الشارع بياكل شوكولاته.
- الراجل سواق التاكسى كل ما اقوله السلام عليكم يرد برضه مساء النور.
- تركب تاكسي تلاقيه معلق مصحف و محترم، بعد ما تركب تقوله معلش نزلني أصل نسيت الفلوس.. وتنزل تركب التاكسي اللي وراه.

وهذا هو رابط التعليقات على الهاشتاج.

https://twitter.com/#!/search/%23%D8...B7%D9%8A%D8%A9

.