و لما تترقى فينقص مرتبك يبقى أنت أكيد أكيد فى مصر.....و يبقى أنت أكيد مدرس (ملطشة)

[مصطفى محجوب ثابت محمد]

و لما تترقى فينقص مرتبك يبقى أنت أكيد أكيد فى مصر.....و يبقى أنت أكيد مدرس (ملطشة)
مصر بعد الثورة أهانت معلميها أعظم و أكبر اهانة فى تاريخ التعليم فى مصر و ده له أسبابه و أرجوا أن يتسع صدر الجميع و يرد على بالدليل و ليس التضليل :
قبل الثورة عملونا كادر طلع على تحسين حياتنا مش قادر و مع ذلك فرحنا بيه
بعد الثورة شالونا الكادر اللى مش قادر لما ادوا كل الناس 200% على الاساسى الجديد و استثنا العلامة الكبير و الخبير الاقتصادى المصرى العظيم الدكتور سمير رضوان معلمى مصر لأنهم بيخدوا كادر و أقسم بالله أنه ما يعرف غير اسم الكلمة و لا كلف نفسه و قرأ تفاصيل القانون و بعدها لما لقيوا نفسهم أخطئوا و ظلموا المعلم قالوا نوصله ال 200% و لكن على الاساسى القديم لأنهم بيخدوا مكافئة امتحانات و لا يدرون ماذا يحدث لنا فى الامتحانات و الاستراحات اللى بنام فيها على الارض و حصار أهل بعض مدن مصر الشرفاء لنا لا بيع و لا شراء حتى يغش الطلاب على مرآى و مسمع و علم رجال الامن ..........بعدها الكتور محمد مرسى بيدور على موارد يزود بها زملائه من أساتذة الجامعات و مجبشى سيرة المدرسين حتى مذيعة القناة الاولى لما شرحت خطة ال100 يوم الاولى و قالت أنه سيحسن من وضع المعلمين بعدها قالت أقصد معلمين الجامعات كيف بمن يريد أن يرتقى بالتعليم يهتم بالدور الاخير و الاساس خربان هنفضل طول عمرنا نغير فى الثانوية العامة القوانين و نزود فى أساتذة الجامعات يعنى هنبنى الهرم من فوق و أجدانا من سبعة آلاف سنة قالونا ابنوا الهرم من تحت و العالم كله يبنى من تحت واحنا بس فى العالم العباقرة ..........لك الله يا مصر ......فى التعليم لا ضباط جيش نفعوكى و لا أساتذة الجامعات هينصفوكى ...لما مرشح للرئاسة انتخبه نصف الشعب ما يعرفشى أن العمرة فى مكه مش فى دبى يبقى فين التعليم ........دول مش عايزين تعليم دول عايزين تعتيم

[صفاء عزمى]

عيب في المدرسين يا بية
في عام 2007 عندما طبق بدل المعلم 50% اتعمل علي الاساسي القديم وكان مخالف لقلنون الكادر سكتنا
في 2008 بدل الاعتماد مفروض يحتسب من 1/7 احتسب من 1/12 واتعمل عليالاساسي القديم وسكتنا
واراهن ان السادة الرئيس والوزير التعليم لا يعلمون شئيا علي حكاي الاساسي القديم
اساتذة الجامعات حجبوا نتائج الامتحانات وعطلوا تنسيق الجامعات
ونحن بنفرح لبلو جاء لمدرس ملاحظة اعدادية او ثانوية
الغش احنا ربينا اطفال من اول ابتدائي علي الغش حتي اصبح الغش هو الاصل وهو حق وما ينفعش طالب يمتحن بدون غش حتي تحولت الثانوية العامة الي حرب بالاسلحة والكلام بين المعلم والتلميذ

[مصطفى محجوب ثابت محمد]

المشاركة الأصلية كتبت بواسطة صفاء عزمى

عيب في المدرسين يا بية
في عام 2007 عندما طبق بدل المعلم 50% اتعمل علي الاساسي القديم وكان مخالف لقلنون الكادر سكتنا
في 2008 بدل الاعتماد مفروض يحتسب من 1/7 احتسب من 1/12 واتعمل عليالاساسي القديم وسكتنا
واراهن ان السادة الرئيس والوزير التعليم لا يعلمون شئيا علي حكاي الاساسي القديم
اساتذة الجامعات حجبوا نتائج الامتحانات وعطلوا تنسيق الجامعات
ونحن بنفرح لبلو جاء لمدرس ملاحظة اعدادية او ثانوية
الغش احنا ربينا اطفال من اول ابتدائي علي الغش حتي اصبح الغش هو الاصل وهو حق وما ينفعش طالب يمتحن بدون غش حتي تحولت الثانوية العامة الي حرب بالاسلحة والكلام بين المعلم والتلميذ

اتفق معك لكن لو ليك حق عند حد لو أنت ما طلبتهوش لازم هو يدهولك أما جبن المعلمين فأنت محق فى ذلك تماما

[kindheartedman]

يا عم تقول لمين دول موتى و على رأى القائل :
لقد اسمعت اذ ناديت حيا و لكن لا حياة لمن تنادى

[kindheartedman]

مش قلت لك " ما فيشششششششششششششش فايدة"

[الاهلاوى20]

ارحمونا احنا بتوع كلام على النت بس ونستاهل اللى بيجرى لنا

[kindheartedman]

المشاركة الأصلية كتبت بواسطة الاهلاوى20

ارحمونا احنا بتوع كلام على النت بس ونستاهل اللى بيجرى لنا

فعلا بتوع كلام