ليه يا أستاذ أشرف ......... دا انا بحبك

[بندق__2007]

ليه يا أستاذ أشرف حذفت الموضوع

على فكرة دى مش سياسة مدير موقع ابدا و سورى بقى فى الكلام اللى هقوله

مش من حقك انك تصادر افكارنا و تعبيرنا عن رأينا لمجرد انه مجاش على هواك

اعتقد الموضوع كان فيه مشرفين كتير رادين و اعضاء و مكانش فيه ما يخل بنظام و قوانين المنتدى

مما يضع حضؤتك بكل احترام فى دائرة لغز حذف هذا الموضوع الموجود فى الاسفل فى توقيعى

اسمحلى هذا ليس سلوكا حضاريا ديمقراطيا
و لم أتوقع منك على الاطلاق هذا السلوك

انت تابعت و الاعضاء فى المنتدى كلهم تابعوا إشادتى بك و بسياستك و احترامى لآرائك و تصرفاتك فى أكثر من مقام و لكن انت انت الذى زرعت هذا الكم من المحبة و الود و الاحترام انت أيضا الذى تنقص منه الكثير

اسف للكلام المزعج و لكن التمس منك سيدى ان تضع الموضوع من جديد و ان يطرح للنقاش من باب الديمقراطية تذكيرا بأنه لم يخترق الاداب العامة و القوانين التى وردت فى لائحة منتداك العبقرى

ذلك السلوك سوف يخلف آثارا سيئة فى النفوس و هيجان فى آراء و انطباعات الاعضاء
و أنا مثلك لا أريد المزيد من الانشقاقات و الاختلافات داخل منتداك

مشكور و ارجو عدم الحذف

[بندق__2007]

يا أستاذ أشرف لو سمحت ترجع الموضوع اللى قمت سيادتك بحذفه
و ده رجاء بسيط من عضو أبسط كل هدفه انه يفيد و يعمل حاجة مفيدة لشباب دينه و بلده

ياريت اشوف الموضوع تانى و بكل ردوده اللى مخالفتش و بقول تانى مخالفتش قوانين و آداب المنتدى

[صوت الحق]

ممكن اعرف موضوع ايه الذى تم حذفه
وعلى فكرة انسى الموضوع نهائيا لانه تم حذف جذرى يعنى لن يستطيع احد مهما كان ان يعيده
وبعدين ليه كل هذا فيه ايه نرجوا الهدوء علشان المراجعات باقى شهر فقط على الامتحانات

[عبقرينومان]

السلام عليك

اخي حضرتك الموضوع انا اللي حذفت بعد ما سألت في الموضوع عن من الذي حذف قسم رؤية ثانوية

وانا قلت لحضرتك انه انا وانتهت قيمة الموضوع بعد معرفة من قام بحذف القسم

[عبقرينومان]

ويا سيدي اعمل استطلاع هنا ونشوف اراء الناس في قسم رؤية ثانوية

وبعد اراء الاعضاء سيتم اعادة القسم بس نعرف القسم هيعمل ايه

وايه الفرق بينه وبين اجتماعيات طالب

والفرق بينه وبين اهداءات ومناسبات

والفرق بينه وبين خبر وتعليق

والفرق بينه وبين ملفات مصرية

[بندق__2007]

المشاركة الأصلية كتبت بواسطة صوت الحق

ممكن اعرف موضوع ايه الذى تم حذفه
وعلى فكرة انسى الموضوع نهائيا لانه تم حذف جذرى يعنى لن يستطيع احد مهما كان ان يعيده
وبعدين ليه كل هذا فيه ايه نرجوا الهدوء علشان المراجعات باقى شهر فقط على الامتحانات

يعنى حضرتك يا استاذ عصام بتقولى اخبط راسك فى الحيطة انت و كل اللى مؤيدين للفكرة
طيب احنا كلنا هنعمل رحلة الصين عشان نخبط راسنا فى السور اللى عندهم

المشاركة الأصلية كتبت بواسطة عبقرينومان

السلام عليك

اخي حضرتك الموضوع انا اللي حذفت بعد ما سألت في الموضوع عن من الذي حذف قسم رؤية ثانوية

وانا قلت لحضرتك انه انا وانتهت قيمة الموضوع بعد معرفة من قام بحذف القسم

تلك يا سيدى الفاضل لم تكن القضية وحدها بل كنا نتشاور عن لماذا تم حذف القسم أيضا و إمكانية عودته مرة أخرى و حلمنا بجو ديمقراطى يظهر فيه الرأى و الرأى الاخر
و لكن حضرتك قولت مبررات حذف القسم اللى انا و كل الدنيا شايفاها سورى - مش صح - و حتى لو كانت كذلك فإنه من غير المقبول ان تقابل ردى تعليقا على ميررك بحذف الموضوع تما

المشاركة الأصلية كتبت بواسطة عبقرينومان

ويا سيدي اعمل استطلاع هنا ونشوف اراء الناس في قسم رؤية ثانوية
يا سيدى عملنا استطلاع http://www.thanwya.com/vb/showthread.php?t=42561
وبعد اراء الاعضاء سيتم اعادة القسم بس نعرف القسم هيعمل ايه
هيه غنيوة هنقعد نغنى حاضر يا استاذ اشرف اللينك اللى فوق فيها القسم هيعمل ايه
وايه الفرق بينه وبين اجتماعيات طالب
اجتماعيات طالب بيحل مشاكل و محدش قال لحضرتك انى هعمل القسم ده بين الناس و هجيب جمال الشاعر يمسك مشرف
والفرق بينه وبين اهداءات ومناسبات
ده مش فرق ده ملوش اى علاقة لا من قريب و لا بعيد بالقسم " رؤية ثانوية " و لا حضرتك بتتكلم على قسم تانى حذفته ؟؟؟؟؟؟؟؟؟؟

والفرق بينه وبين خبر وتعليق
هو فيه جهة او ركن واحد من اركانه اخبارية و لكن طريقى تعاملنا مع الاخبار مش هتبقى عرضها و التحقق منها لان ده موجود بالفعل احنا سنعرض الخبر و نحاول ان نصل إلى مغزاه و ما وراءه من نفع او ضرر و نحاول نصل لرأى الشارع المصرى فيه

والفرق بينه وبين ملفات مصرية
برده القسم أعم و أشمل فيه ركن واحد بيناقش قضية كل عدد و بنطرحها للأعضاء يقولوا رأيهم و وجهات نظرهم

أعتقد انى رديت بما يكفى يا مستر أشرف و يا عمو عصام

ميرسى على الديمقراطية و برده مستنى إعادة الموضوع اللى عمله كركركوكو
لان الحالة الوحيدة اللى يتحذف فيها الموضوع لما نوصل لحل يرضى جميع الاطراف فى موضوع القسم
و احنا لسه موصلناش

[بندق__2007]

و الافكار ده افكارى انا بس
اللى كنت حاططها من زمان قبل ما ينضم كركركوكو و أعضاء معاه للفكرة و عاوزين يشاركوا فيها
و بالتالى كل واحد فيهم عنده فكرة هتضاف للأفكار دى كمان

[عبقرينومان]

ممكن تقولي القسم هيكون في ايه زيادة عن الاقسام الزيادة

[بندق__2007]

حاضر يا أستاذ أشرف

إليكم طبيعة آداء و أركان قسم " رؤية ثانوية " المحذوف حاليا

1 ) " ما وراء الخبر "
تكون فيه الاخبار المهمة فقط و يتم عرضها عرضا جدليا و ليس إخباريا بمعنى كتابة ما يحتويه الخبر من دوافع و اسباب و رأى المواطن فيه و تأثير الخبر على الشارع المصرى و ما يكشف عنه الخبر من سلوك و سياسة ....

2 ) " أخطاء واردة "
يكون الكلام فيه عن عادة سيئة اجتماعية او خطأ دينى شائع و محاولة للبحث فى الصغائر التى يمكن ان تؤدى إلى كوارث مستقبلية بمعنى اخر أخطاء لا ينتبه لخطورتها معظم الناس

3 ) " دينك و حياتك "
يكون الكلام فيه على منطلق دينى وصى عليه القرآن و من أوحى إليه بالهدى محمد صلى الله عليه و سلم و هذا المنطلق نحن لا نطبقه او بعدنا عنه و بذلك لن يكون كلام دينى بحت و لكنه محاولة ربط الامور الدينية بالدنيوية

4 ) " من تراث الأدب العربى "
و نتناول قصيدة بالفحص و الدرس ليس فقط ذكرها وحدها و لكن تفصيل ما بها من أفكار و اتجاهات مبينين المرجعيات التى كان ينتمى لها الشاعر حين كتابة القصيدة و تفصيل ما جاء فيها من ألفاظ و تعبيرات بلاغية

5) " رأى الغرب "
و هذا يتضمن محتوى ما ورد فى مقالات أجنبية عن مصر سياسة و اقتصاد و شعب و أمن و رأى الغرب فى مصر و كيف يرونها و ماذا يرون فيها من خطأ أو صواب

6) " قضية رأى عام "
و نتناول فيه قضية كبيرة تشغل بال الشعب و نحاول الوصول معا لشبه حلول و مناقشة كل جوانبها

7 ) " شخصية العدد "
نتناول فيه شخصية مؤثرة على صعيد كل المجالات الدينية و السياسية و الاجتماعية و الرياضية و الادبية و ذكر انجازاتها و قصة حياتها و تفاصيل نجاحها

8 ) " رسالة قصيرة لــ...... "
و فيها بعض الرسايل الموجهة ظاهرا لشخص مسؤول او احد الشخصيات العامة و لكنها بالطبع كتبت كى يعلم الناس حقيقة أفعال هذه الشخصيات سواء كانت تلك الافعال مميزة او فاشلة .

9 ) " كلام خفيف "
و هو ركن عام مخصص لخبر خفيف طبى مثلا او مخصص لخبر عن برامج الكمبيوتر او شركات المحمول
او تحذير من استخدام شئ معين او ما شبه


على فكرة استاذ أشرف دى أفكارى انا لوحدى زى ما قلت يعنى ممكن يضاف لها الكثير من أفكار اخوانى و اخواتى المؤيدين و الذين لديهم نية المشاركة
و لكن بشكل مبدأى و بالنيابة عنهم سيكون هذا هو الاطار العام و الشكل الهيكلى لما سيحتوى عليه القسم المغضوب عليه ..احم احم .. المسجون .. قصدى .. المعتقل .. يوووووه ... المحذوف اه المحذوف

منتظر ردك و شكرا لسعة صدرك

[بندق__2007]

المشاركة الأصلية كتبت بواسطة عبقرينومان

ممكن تقولي القسم هيكون في ايه زيادة عن الاقسام الزيادة

قولت

و الله قولت

بس انت عبرنى

ادينى اى اهتمام

عموما يا أستاذ أشرف

انا مستنى الحجة القادمة لك

عشان أرد عليها برده زى اللى قبلها

و تفضل تتطلع القطط الفطسانة و اعالجهالك

[dr.zomba]

ياعم المنتدي بتاعه يغسله ويكويه يفرده ويتنيه ينشره ويلمه يعمله كباب حله مش مشكله بقي
وربنا يقدم اللي فيه الخير

[بندق__2007]

المشاركة الأصلية كتبت بواسطة dr.zomba

ياعم المنتدي بتاعه يغسله ويكويه يفرده ويتنيه ينشره ويلمه يعمله كباب حله مش مشكله بقي
وربنا يقدم اللي فيه الخير

ميرسى لمرورك
و طالما هو كدة ميقعدش يبرر فى مواقفه ويقولك اصل انتم اللى مش عارف بتعملوا ايه
وانا فلة شمعة منورة و ديمقراطي

و الله الذى لا إله غيره
لو دخل قاللى يا بندق انا مش هنزل القسم ده و انا ديكتاتور و الموقع ده بتاعى مش بتاعك

هقوله شكرا سيدى

انما اصل انت اللى قولت لا طب هو القسم ده هيعمل ايه
جاى بعد ما اتنشأ القسم بشهرين تقول هو بيعمل ايه !!!!!!!!!!!!!!!
و يعقد يطلعلك مبررات خزعبلية ما اانزل الله بها من سلطان

اقنعى يا مسيو أشرف براحة و بالعقل بالعقل

[بندق__2007]

المشاركة الأصلية كتبت بواسطة عبقرينومان

الاقسام الزيادة

طب ما ايد حضرتك برحة فى الاقسام اهى

امال قافش على القسم ده ليه

[بندق__2007]

يا أستاذ أشرف

أنا جاوبت على السؤال اللى كان محيرك

ياريت أشوف تعليقك و حضرتك تهتم بالموضوع و بردى
زى ما انا اهتميت برد و تعليق و سؤال حضرتك

و ميرسى

[dr.zomba]

المشاركة الأصلية كتبت بواسطة بندق_2007

ميرسى لمرورك
و طالما هو كدة ميقعدش يبرر فى مواقفه ويقولك اصل انتم اللى مش عارف بتعملوا ايه
وانا فلة شمعة منورة و ديمقراطي

و الله الذى لا إله غيره
لو دخل قاللى يا بندق انا مش هنزل القسم ده و انا ديكتاتور و الموقع ده بتاعى مش بتاعك

هقوله شكرا سيدى

انما اصل انت اللى قولت لا طب هو القسم ده هيعمل ايه
جاى بعد ما اتنشأ القسم بشهرين تقول هو بيعمل ايه !!!!!!!!!!!!!!!
و يعقد يطلعلك مبررات خزعبلية ما اانزل الله بها من سلطان

اقنعى يا مسيو أشرف براحة و بالعقل بالعقل

انت لسه شوفت حاجه يا ابني عشان تعرف تسلك في المنتدي الجميل دا ومع عمك اشرف لازم تمشي بمبدأ طنش تعش تنتعش

ومع السلامو عليكو:D