نوارة نجم: يجب الإفراج عن مُعتقلي الثورة.. والرئيس لو عايز يقابلني يشرفني في البيت

[abomokhtar]

طالبت الناشطة السياسية نوارة نجم بالإفراج عن كل المعتقلين خلال أحداث الثورة.

وقالت "نوارة"، في تغريدات لها عبر موقع تويتر، "الـ 12 ألفًا من مثيري شغب، ومساجين السويس، وظباط 8 أبريل، وظباط 27 مايو يخرجون كلهم، ومش عايزين منكوا حاجة، إحنا ثورنا لكوا وناكل من بيتنا من أول الثورة كنا بنقفش البلطجية ونسلمهم للجيش كان بيدخلهم الدبابة ويطلعهم من الناحية التانية كل الناس شافتهم وهم بيعملوا كده".

وتابعت نجم :"أنا مش بقابل رؤساء.. الرئيس اللي عايز يقابلني يشرفني في البيت.. أنا بأحضر الوقفة بس، ولو حيعتصموا حاعتصم العيال الجنائيين المقبوض عليهم دول لو اتحولوا مدني كلهم حياخدوا براءة مع أسوأ قاضٍ في القضاء المدني، مافيش قضايا بجد دول كانوا بياخدوا أي حد شكله غلبان".

وانتقدت "نجم" قول أحد رجال القوات المسلحة بأنهم قبضوا علي عدد 11 ألفًا و555 من مثيري الشغب قائلة :"قال واقفين في وشنا يقولوا قبضنا على 11 ألفًا و555 من مثيري الشغب والهربانين من السجون".

وأضافت: مافيش حاجة اسمها بلطجية مقبوض عليهم، هو عشان غلبان وشكله غلط الشرطة العسكرية كانت بتاخده، البلطجية بيشتغلوا مع الداخلية ومش في السجن احنا عايزينهم كلهم، كل مثيري الشغب اللي في السجن العسكري، يلزمونا، حناخدهم ونطلع على الصحرا نشاغب مع بعض ونسيبها لكوا مخضرة والوفد اللي رايح ده حيكلم مرسي عن صحابهم المحبوسين في احداث سياسية وينسى الجنائيين اللي معظمهم متاخد ظلم عشان فقرا وغلابة وشكلهم غلط.
http://www.el-balad.com/206326

[راغب السيد رويه]

جزاك الله خيرا على الخبر

[توفيق رفعت عجيز]

اكيد البنت دي كانت بتحلم والا كابوس جالها ربنا يريحنا من لسانها الطويل

[mohammed ahmed25]

المشكله اننا بنهتم بنقل اى كلام بتقوله
لكن بالنسبه للمجلس العسكرى كلامها صحيح

[إلهامي نوفل]

إنه زمن الروبيضة
نوارة نجم اصبحت ناشطة .. لا حول ولا قوة إلا بالله
ربنا يخرس لسان كل من يوقد نار الفتنة ويثير الفرقة بين المصريين

[Egypt knight]

هى النار هتشعلل يوم القيامة من قليل ............. ما هى دى وأشكالها وقود النار

[هويدااحمد76]

الفتنة نائمة لعن الله من ايقظها

[Pro Saher Abdel-Aziz]

المشاركة الأصلية كتبت بواسطة توفيق رفعت عجيز

اكيد البنت دي كانت بتحلم والا كابوس جالها ربنا يريحنا من لسانها الطويل

المشاركة الأصلية كتبت بواسطة إلهامي نوفل

إنه زمن الروبيضة
نوارة نجم اصبحت ناشطة .. لا حول ولا قوة إلا بالله
ربنا يخرس لسان كل من يوقد نار الفتنة ويثير الفرقة بين المصريين

المشاركة الأصلية كتبت بواسطة egyptknight

هى النار هتشعلل يوم القيامة من قليل ............. ما هى دى وأشكالها وقود النار

المشاركة الأصلية كتبت بواسطة هويدااحمد76

الفتنة نائمة لعن الله من ايقظها

لا تعليق
عشان انا لسه صغير ويمكن حضراتكم شايفين الموضوع بشكل تانى
بس انا مش شايف ان كلام حضراتكم صح

[مروه]

في حاجات متفقه معاها فيها وحاجات لأ

الله يسهلها

[منى عز]

اولا من هى نواره نمجم التى تتكلم على اىرئيس بالشكل ده مهما ان كان فهو رئيس مصر طب مبتكلميش ليه بتوع المناصه وتعرفيهم ربنا يقنا شر الظلم