مظاهرة طلابية 7-4

[mool_hassan]

بجد يا جماعة كل واحد فى محافظة و اتخنق من النظام التعليمى فى مصر إحنا نعمل مظاهرة طلابية و نقول مطالبنا و ان كل يوم يطلع الأستاذ الفاضل جمال العربى و يقولك نظام التعليم أتغير نظام التعليم أتغير و هو ولا أتغير و لا حاجة فاحنا لازم نوصل صوتنا للوزارة و تكون سلمية جدا بس نعبر عن رأينا و اللى موافق يقول و كل واحد له رأى يقوله مع إحترامى لجميع الأراء ... شكرا


ياريت كل واحد يقول المحافظة بتاعتوا و ننزل الساعة 2 و كل واحد فى محافظة يقترح مكان و نتفق عليه


شكرا

[EhabFathi]

يوم 4 / 7 هتكون الوزارة تغيرت ويكون وزير التعليم (السابق) قاعد تحت الشمسية على البلاج

وبعدين بماذا يفيد التظاهر في حالتكم؟ هل سيتم إعطاء كل طالب درجتين إضافيتين؟ خلاص اللي حصل حصل وعلى فكرة فيه طلبة حصلوا على الدرجات النهائية في المواد اللي اشتكى منها الطلبة زي ميكانيكا ثالثة ثانوي .. أنا رأيي أن كل واحد يدعو الله أن يوفقه ويحصل على المجموع اللي نفسه فيه

ونتمنى أن تكون وزارة التربية والتعليم في العهد الجديد اسم على مسمى يعني تهتم بالتربية وتقوم بتطوير التعليم بجد مش بتقارير وكلام منمق ودعاية كاذبة أمام الكاميرات

[senior teacher]

يا شيخ اتوكس وروح ذاكر فيه طالب ثانوية عامة عنده امتحانات وقاعد على النت إلا إذا كان طالب فاشل وترجعوا تعيطوا وتقولوا الامتحانات صعبة.

[mool_hassan]

ياريت الكلام اللى حضرتك بتقوله يتحقق فعلا و عندك حق و الله و يارب يدينا على اد تعبنا

[kmatshooo_20]

يا اخى روح زاكر
تلاقيك ليل نهار نازل لعب فى الموبايل وقاعد على الفيس بوك
وحارقين دم اهاليكم على الفاضى
جتكو خيبة

[ehabelsapa]

المشاركة الأصلية كتبت بواسطة kmatshooo_20

يا اخى روح زاكر
تلاقيك ليل نهار نازل لعب فى الموبايل وقاعد على الفيس بوك
وحارقين دم اهاليكم على الفاضى
جتكو خيبة

ما يمكن يكون بيذاكر ع النت وفيها ايه ؟؟؟؟؟
المفروض يكون الكلام ميبقاش كدا
الطالب بيتكلم صح

[ehabelsapa]

المشاركة الأصلية كتبت بواسطة senior teacher

يا شيخ اتوكس وروح ذاكر فيه طالب ثانوية عامة عنده امتحانات وقاعد على النت إلا إذا كان طالب فاشل وترجعوا تعيطوا وتقولوا الامتحانات صعبة.

ما يمكن يكون بيذاكر ع النت وفيها ايه ؟؟؟؟؟ المفروض يكون الكلام ميبقاش كدا الطالب بيتكلم صح