الجامعة البريطانية أم جامعة عين شمس؟؟

[Khaled-ashraf]

السلام عليكم ورحمة الله وبركاته
أولا احب أشكر كل العاملين في المنتدى واعضائه على مساعدتهم وتعاونهم الجميل
أنا طالب في تالته ثانوي السنه دي وكنت ناوي أدخل حاسبات ومعلومات ان شاء الله
بس محتار بين الجامعة البريطانية "BUE" وجامعة عين شمس
مين الأفضل والأقوى في المجال ده من حيث الشهاده والإمكانيات؟؟
وياريت اللي يجاوبني يقولي أسباب إختياره وتفضيله لإحدى الجامعتين, وياسلام لو عنده تجربه شخصيه سواء هو أو حد من أصحابه.

واسف على الإطالة والسلام عليكم ورحمة الله وبركاته.

[karimadel7]

هو سؤال صعب جدا لان جامعة عين شمس من افضل الجامعات الحكومية في التخصصات الهندسية ان لم تكن افضلها
بس شخصيا في تلات جامعات خاصة افضلهم علي اي جامعة تانية
و هما الامريكية و الالمانية و البريطانية
لان التجهيزات احسن ممكن يبعتوك تدريب في دول بره و في شركات محترمة داخل مصر و بيوفرولك امكانيات كتيرة جدا
عكس الحكومة اللي بتسيبك في موضوع التدريب مع نفسك خالص

[ypkill]

المشاركة الأصلية كتبت بواسطة karimadel7

هو سؤال صعب جدا لان جامعة عين شمس من افضل الجامعات الحكومية في التخصصات الهندسية ان لم تكن افضلها
بس شخصيا في تلات جامعات خاصة افضلهم علي اي جامعة تانية
و هما الامريكية و الالمانية و البريطانية
لان التجهيزات احسن ممكن يبعتوك تدريب في دول بره و في شركات محترمة داخل مصر و بيوفرولك امكانيات كتيرة جدا
عكس الحكومة اللي بتسيبك في موضوع التدريب مع نفسك خالص

معلش بس الجامعات دي مش "هتبعتك" تدريبات ولا حاجة واللي قال لك كده بيفتي عليك .. أي جامعة عامةً وظيفتها إنها تساعدك في أنك تبقى مؤهل مش إنها تجبلك شغل على طبق من ذهب وتصرف عليك.. فالرك هنا على مستوى التعليم اللي إنت هتاخده في الجامعة .. خلينا متفقين في الموضوع ده بس.

بالنسبة للموضوع, أنا عن نفسي في الجامعة الألمانية فهندسة كمبيوتر وشايف مستواها معقول بس محتاجة شغل واجتهاد جامد طبعا. وعادةً أنا برده بفضل الجامعات الخاصة عن الحكومية بذات لو بنكلم عن bue/auc/guc من واقع كلام اصحابي اللي فالجامعات دي. أنا سامع - والله أعلم إذا كان الكلام ده صح 100% ولا لأ - إن الbue فيها دلع والدراسة مش جامدة قوي .. عموما إنت اتاكد برده واسأل وروح شوف الجامعة مايتها إيه.. أنا رأيي تفكر برده فالجامعة الألمانية لان مصاريفها قريبة من الbue ده غير إن هندسة كمبيوتر فيها من أحسن أقسام الهندسة اللي فالجامعة.