بين مرشح الله ومرشح الفلول

[BaNZeR]

بعد ساعات قليلة نقبل على اهم لحظة في تاريخنا

لحظة تحديد الرئيس القادم

حيث ستتم الاعادة بين مرشح الله ومرشح الفلول

بالمناسبة للى معترض على لفظ مرشح الله
فهذا كان اللقب الذي اطلقه الدكتور مهدي عاكف المرشد السابق للاخوان على مرسي منذ يومين في احد مؤتمراته

نحن الآن نمر بأوقات عصيبة يشتد فيها الصراع كثيراً

لم أنشئ هذا الموضوع للدعايا عن مرشح معين
ولكنني لاحظت الكثير من الاخطاء الموجودة في التوبيكات

أولاً يا اخوتي علينا ألا نجعل النت هو مصدرنا الوحيد للمعلومة
فكما نعرف جميعاً "الهري والهتش" كتير

فمثلاً مازال البعض حتى الآن يصدق بأن
شفيق مراته هى نزيهه الجمال عمة خديجة الجمال زوجة جمال مبارك
رغم أن اسمها الحقيقي اصلاً هو عزة عبدالفتاح
واللى محدش يعرفه إنه عزة عبدالفتاح هي اخت رأفت الهجان !

ومثلاً بوصف البعض له بأنه مرشح الفلول
وما لايعلمه هو إنه عمره ما كان ليه اي انتماء سياسي
ولا حتى كان في الحزب الوطني اللى معظمنا كان فيه وبيدعي إنه من الثورة دلوقت !

وقول الرجل إنه الثورة نجحت للأسف ولم يكمل بقية الجملة اللى اوضح فيها
إنه للاسف انتكست اجزاء منها وابتلعت من بعض الناس
يقصد إنه الثورة ركبوها ولكنه لا يأسف عالثورة نفسها


قد يظن البعض إني بدعم شفيق
في الحقيقة انا مقاطع !
لإني لا أشعر أن أياً منهما يمثلني

فشفيق ليا عليه تحفظات كتير بردو سواء دينية او عمرية او غيرها
ومرسي الذي لا يعتقد انه يوجد في الساحة غيره وان الناس تنتخبه لشخصه

لكن اللى عايز اوصله ليكو

محدش فينا مش عايز مصلحة مصر
محدش حينتخب شفيق عشان بيكره الثورة او بيبيع دم الثوار
ومش من حق حد انه يتهمه بالخيانة
في الحقيقة انا اتهمت بالخيانة لمجرد اني مقاطع ومش مع مرسي !
بل البعض قالي اني مليش حق في البلد مادام موقفي سلبي !
لا يدرك إنه السلبيين في الجولة الاولى تعدوا النص
وبالوصول للمرحلة التانية حيوصلو لاكتر من 70% مقاطع ومبطل لصوته
وكثير منهم من اهالي الشهداء اللى باعو دم ابنائهم !
يعني البلد مش حتبقى من حق الشعب !

كلامي موجه أكتر للاخوان والتيار الديني عامة
احترموا الجميع واحترمو طريقة كل شخص في التعبير عن رأيه
مش من حق حد إنه يحكم على حد او يزايد على وطنيته

كل واحد حر في اختياره وكل واحد حر انه ميختارش اساساً

وفي النهاية لازم حنقبل رأي الاغلبية
ولازم نستقر
وكفانا تخويناً للبعض

أتمنى أن يمر علينا اليوم وغدا وبعد غد بالخير

والسلام عليكم ورحمة الله