سؤال

[mrmohamed110]

احبابى فى الله ارجو من حضراتكم معرفة الخطوات التى اتبعها لكى استخرج كارنيه النقابة وهل سأدفع فلوس علما باننى تعيين 1/7/2011 وكنت معلم مساعد منذ 1/9/2008 ومواليد 8/12/1984 وشكرا لكم

[نور سيناء]

حضرتك هتروح النقابه هيدوك ورق تملاه من المدرسه وتروح الاداره تكمله المهم في الاستماره هيطلبو تكتب رقم الشيك اللي حضرتك دفعت بيه مبلغ تقريبا 36 جنيه طبعا حضرتك الفتره اللي فاتت والله اعلي واعلم لن يعتد بيها وهيقولو حضرتك لسه متعين وكلام فاضي كتير فوض امرك لله و هتاخد وصل من النقابه بالمبلغ وتدفعه في بنك مصر تقريبا وتروح تسلمه للنقابه ( دفعته ولسه مرمي في الدرج )
المهم نيجي للجزء الاهبل في الموضوع واللي مكسلني شخصيا اني اروح اعمل الكارنيه ( انا تعيين 2009 بحكم محكمه باثر رجعي من 2004 _ اشتغلت سنه بالتعاقد اللي هي اول التعاقدات في بدايه 2009 حتي انهيت التعاقد في شهر اغسطس زطبعا اتاخد مني مبالغ ماليه خلال الفتره دي علي اساس اني بالتعاقد يعني سنه الا من 9 حتي 8 ولما استلمت بالحكم قالو اني بالنسبه لينا جديده واللي فات مات حسبي الله ونعم الوكيل )
الشق اللي مش عارفه اذا في صالحي او لاء انه هياخد علي كل سنه تقريبا 99 او قول 100 مش فاكره بالظبط من سن 25 حتي سنك الحالي واحسبها حضرتك وادفعها
ده اللي اعرفه عن كارنيه النقابه. صحيح هيطلبو من حضرتك 3 صور . وربنا يوفق حضرتك في مسيره الكارنيه ويهديني اني اقرر اروح اعمله