ياللى بتقارن بين الاخوان وبين أحمد شفيق

[علوة حامد]

ياللى بتقارن بين الاخوان وبين أحمد شفيق وبتقول شفيق احسن من الاخوان :
- الاخوان لما عملوا جمعية تأسيسية ما عجبتكش ورفعت عليهم قضية احترموا القضاء ونفذوا الحكم وما عملوش حتى طعن عليه
- انما شفيق متقدم فيه اكتر من 75 بلاغ للنائب العام ولا حياة لمن تنادى
- الاخوان لما انت اختلفت معاهم وقلت مش حاديهم صوتى ... انخفضت أصواتهم فى انتخابات الرئاسة ... لأن صوتك محترم ويعتد بيه
- انما شفيق لما الناس كلها... هاجمته واتهمته بعشرات التهم ... نسبة اصواته زادت وجاب خمسة مليون صوت ... ازاى ماعرفش ؟
- الاخوان لما الكتاتنى انفعل وزعق لعضو فى مجلس الشعب (مصطفى النجار) وشعر انه زعلان .. اعتذر له أمام جميع أعضاء مجلس الشعب وعلى الهواء مباشرة
- انما شفيق لما لاقانا مش طايقين مبارك ولا حزبه ... قال لنا ان مبارك مثله الأعلى
- الاخوان لما اتسجنوا فى عهد مبارك .. مفيش ولا واحد منهم كان مسجون بسبب انه سرق او ارتشى او نهب
- انما كل المسجونين من النظام السابق دلوقتى بيتحاكموا بسبب فساد أو رشاوى او استغلال سلطة
- لو انت كاره الاخوان ومش عايزهم ... وكاره شفيق ومش عايزه .... طبق القاعدة الذهبية لشيخ الاسلام بن تيمية اللى بتقول " ليس العاقل الذى يعرف الشر والخير ... انما العاقل الذى يعرف شر الشرين وخير الخيرين ثم يختار أقل الأمرين ضراا درءا للمفسدة الأكبر

[علوة حامد]

بوخارست اليوم بعد 23 عاما من الثورة الرومانية.....افقر العواصم الأوربية ....يرفض الإتحاد الأوربى اعطاءها عضويته الكاملة......فقر...جهل...مرض....مات فيها الأمل الذى زرعته ثورة اطاحت بأحد اشهر الطواغيت فى العصر الحديث....ثم جاء نائبه و تصنع الصلاح و الإصلاح فى اول انتخابات و خدع الأغلبية حتى اذا صار رئيسا *** 10 آلاف من قياداة الثوار و أعاد الحكم الشمولى و الدولة البوليسية و كل زملائه فى حزب تشاوشيسكو و حكم رومانيا بالحديد و النار حتى صارت اليوم افقر بلدان اوروبا ... إهداء إلى منتخبي شفيق

[ضياءالصباح]

باقى شوية وتقولى
الفرق بين الإيمان والكفر هو اختيار مرسى
خلوا كل واحد يقول رأيه
حتى لاتخسروا من تبقى لكم من المؤيدين والمتضامنين
الناس كرهت الحجر على الأراء طوال عقود
فلماذا تمارسون نفس الطريقة مع الغير وتطمعون فى التأييد ؟
( إدفع بالتى هى أحسن )-
أليس هذا أمر من الرحمن الرحيم

[جهاد2000]

الفريق شفيق بالكاتشب وثائقى جديد وخطير

[E.P.A]

المشاركة الأصلية كتبت بواسطة ضياءالصباح

باقى شوية وتقولى
الفرق بين الإيمان والكفر هو اختيار مرسى

انا مش لاقى اى حاجة تدل على المعنى ده خالص