مخطوبه ؟ طب خـــدى بالك بقى

[لافانيا]

مخطوبه ؟ طب خـــدى بالك بقى

انا بقي النهاردة عايزة الفت نظر كل البنات لشوية حاجات بسيطة بس هي مهمة اوي بتلفت نظر الراجل للست و خصوصا ان في بنات كتير مش بتاخد بالها من الحاجات دددددددي
بصي ياحبيبتي منك ليها اول حاجة لازم تعرفي ان الراجل بيحب الاول بعنيه يعني دايما بتلفت نظره الحاجه الحلووووووة يعني لازم دايمآ يشوفك مهتمية بمظهرك و شكلك ادامه بس اهتمام داخلي و خارجي يعني مش من بره هالله هالله و من جوة يعلم الله ههههههههههههههههه فاهمني طبعاااااا يعني مش تبقي لابسة و مظبطه نفسك و فجأة كم البادي يترفع يظهر شعر امنا الغولة هههههههههههههه بجد موقف هيبقي وحش اوي ساعتها لو هو اخد باله
ندخل في الموضوع بقي مش عارفه انا رغاية ليه النهارة

اولااااا: الاهتمام بنضافة السناااااااان يعني مش تبقي اكلة ملوخية و خطيبك ييجي يلاقي سنانك كلها منقطة اخضرررر يقولك ايه ده يا حبيبتي قوليله ده ترتر يا روحي يعني لازم علطول تغسلي سنانك و عشان خاطري بلاش البصل قبل ماييجي و لو مامتك عازماه و عامله اكل فيه توم او بصل بلاااااااش مش وقته خالص يعني.

2: لازم ريحة نفسك تبقي حلووووة بجد دي اهم حاجه عشان في ناس كتير بيبقي عندها مشاكل في سنانها او عندها جيوب انفية فابتلاقي غصب عنهم نفسهم ريحته مش حلوة فاحاولي دايما يكون جنبك كلورتس بجد بتخلي ريحه النفس حلوة اوي و حاولي كل شويه تغيريها و بعد الاكل وكده بس ياريت تاكليها براحة بلاش الطرقعة و البلالين و الحاجات الغريبة وبلاش والنبي تفتحي بؤك عالاخر وانتي بتاكليها ماحنا مش داخلين حرب دي مش عايزيين الولد يطفش ههههه و برضو في معطرات للفم حلوة اوي بتترش زي السبراي خلي بالكوا يا بنات النقطه دي مهمه اوووووووووووي .

3: ريحه العررررررررق ياريت قبل ماييجي او تنزلي معاه لو مسموح انكوا تخرجوا يعني او حتي في الزيارة عند اهله خلي بالك اوي من ريحه العرق يعني خدي شاور كده قبل ماتشوفيه و حطي مزيل عرق او كري
م فيبكس عشان تبقي اعدة واثقة في نفسك و خلي دايما في شنطتك برفان او سبراي عشان لو حصل حاجه تنقذي الموقف مش اول ماترفعي دراعك الولد يغمي عليه ويروح فيها هههههههههههه.

4: بمناسبة ريحه العرق بقي في برضو ناس مع العرق ممكن الشوز يعمل ريحة مش مرغوب فيها طبعا و بالذات اننا بنات مايصحش حد يلاحظ حاجه زي دي فحاولي لو واحده عندها المشكله دي تجيب بودر او كريم فطريات او سبراي لريحه القدم يعني ماتبقيش رايحه لمامته و اول ما تقلعي الشوز ريحته تطلع زي برطمان الفسيخ هههههههه و برضو حاولي ماتكرريش لبس الشراب اكتر من مره..

5:الضواااااااااااافر ودي نقطه مهمه جدا برضو عشان في ولاد بيلفت نظرهم اوي ضوافر البنت يعني لازم تهتمي بنضافة ضوافرك اوي و تبرديها مش لازم يعني تحطي مانكير عشان الصلاه وكده ممكن تعملي حنه او حتي حطي مانكير و بعدين شيليه لما تيجي تصلي و اهتمي اوي بشكل ايدك يعني لازم يحس بفرق بين ايدك و بين ايد صاحه هههههههه

6: خالوا بالكوا كمان من نقطة مهمة اوي يا بنات الشعرررررررر اللي بيبقي في كف الايد او في الايد عمومااا لو انتي مش عاملة سويت حاولي ماتبينيش ايدك خالص عشان لو حاجه زي دي لفتت نظره هيبقي الشكل العام مش كويس خالص و فقدتي رونقك و حاولي تهتمي بكف الايد بالذات عشان بيبقي باين اوي و لو عندك براون يبقي تمام ممكن تعملي كف الايد بيها بتنجز برضو ابوس ايدك اوعي تفضحينا

7: برضو الشعر اللي في الوش و فوق الشفايف و الحواجب بيبقي ملفت جداااا واللي هتقولي مش بعمل حواجبي هقولها شقريها و اللي وشها حساس مش بتقدر تعمله بالسويت او الفتله برضو ممكن تشقريه واهتمي انك تزيلي شعر المناخير و فوق الشفايف و خصوصا ان الحاجات دي بتظر اوي لو انتوا خارجين الصبح بيبقي واضح زي الشمس احنا بنااااااات مش رجاله لازم تهتمي اوي بموضو ع ازاله الشعر اوي عشان في رجاله كتير بتقرف منه اللهم اني بلغت اللهم فاشهد

8: اللبس .. طبعا هدومك كلها لازم تكون نضيفة و مكويه وريحتها حلوة يعني مش يكون الدولاب فوق بعضه و الهدوم مكرمشه و تقومي تلبسيها لالالالا اوعي والله في اختراع اسمه مكوااااه مش مطلعه البادي من الخلاط و تلبسيه ينفع كده. ولا تكوني ضاربة ساندوتش فول قبل ماييجي و يبص يلاقي بقعة تسد عين الشمس علي هدومك هههههههه

9: لازم برضو النضافه تبقي من جوة ومن بره يعني برضو مش هدومك بس اللي بره هي اللي نضيفه و مرتبه لازم برضو الملابس الداخليه تكون نضيفه و بتبرق هتقوليلي و هو هيشوفها فين بسلامته هقولك لا عشان تبقي اعده واثقة في نفسك من كله و يبقي عندك احساس بالراحه و تبقي هدومك كلها ريحتها حلوة

10:الرجلييييييين: لازم يا بنات يا حلوين انتوا نهتم بالرجلين اوي يعني تبقي عملاها باديكير كده و مظبطاها مش ييجي يبص علي رجلك يلاقي حوافر يروح مخضوض و يطلع يجري ههههههه لالالا لازم بجد عشان دي نقطه مهمة وفي ولاد بتهتم اوي بشكل الايد و الرجلين مش نهتم بوشنا و نسيب الباقي لازم تبقي انثي في كل حاجه
11:طريقة اكلك لازم تكون برااااااحه وعلي مهلك ماهو محدش بيجري وراكي ولازم تحسسيه بفرق بينه و بينه في طريقه الاكل يعنيتحسسيه انك بسكوته كده و عاملة زي البيبيهات هتلاقيه هو بيأكلك بأيدة والله و بالذات لما تكوني معزومه عندهم حاولي تنقنقي ههههه مش لازم تاكلي يني ابقي روحي كملي في البيت صح ولا اييييييييييه

12: ايااااكي ايااااااااكي و الصوت العالي خليكي دايما بنوتة رقيقة و صوتك عامل زي الهمس لان بجد كل الولاد بتتنرفز اوي من الموضوع ده بيبقي عايز يحس انه بيكلم بنت مش واحد صاحبه علشان كمان لو صادفت في شغله انه شف بنت رقيقة او شاف خطيبة صاحبة مثلا مايقولش شايف البنات دانا سايب عسكري مرور اعد في البيت ههههههههه فاخلي بالك من النقطه دي.

13: كمان الفاظك ياريت ياريت يارررررررريت بلاش المصطلحات الغريبة اللي طالعه اليومين دول اشطه يا عم و يا معلم و يا باشا والحاجات الغريبة دي اه ممكن بينا و بين بعض لكن مش ادامخطيبك خالص ما بدل ما يكلمك بقي يروح يعد مع بواب العمارة ساعتها مش هيحس بفرق كتير علي الاقل البواب هيعمله كباية شاي يشربها هههههههه

14:برضو مش تبقي اعده ادامه تلاقي نموسه قرصتك تعدي تهرشي كده ولا تعدي تهرشي في شعرك عصر القمل انتهي خلاص وهتلاقيه بيدور وشه الناحيه التانيه خايف حاجه تطير عليه

15: خلاص ظبطي نفسك واخدتي شاور و غيرتي هدومك وكله تمام تمام وزي الفل نيجي بقي لنقطه مهمممممة اوي ودي بتبقي عنوان اي ست ……………,,,, الاهتمام بنظافه البيت يعني مش يبقي خطيبك جاي و يبقي البيت مقلوب كأنه كان فيه مصارعه تيران من شويه .. يعني اهتمي بنظافة البيت و خصوصاااا خصوصاااااا الحمام اهتمي اوي انه يكون نضيف و بيبرق ماتخلهوش ياخد عنك وعن مامتك فكره مش كويسه وافضلي لفي كده في الشقه و شوفي ايه اللي ناقص واللي عايز يترتب و اعمليه ماتعديش مستنيه مامتك تعمل كل حاجه هي هتعمل ايه ولا ايه عشان احنا مش مفتريين يا بنات صح )

16: اخر نقطه بقي حاولي تخلي اهلك يدلعوكي شويه ادامه يعني بلاش يا بت و يا زفته و الحاجات دي عشان بتلزق في مخ الراجل و هيطلع عينك بعد كده ههههههه لازم تحسسيه انك بونبونايه البيت و انك متدلعه عشان هو يتعود علي كده و يعرف يعاملك بأسلوب حلو مايجيش يقولك حاجه تزعلي منها يروح قايلك يا سلاااام مانتي دايما اهلك كانوا بيقولولك كده وبلاش تجري تحكيله كل حاجه حصلت و المشاكل بتاعة البيت وماهي مش كل حاجة تتقال صح ولا ايه نخلي منظرنا دايما حلو و منظر اهالينا حلو عشان مانتعبش في الاخر و نفضل عاليين في نظرهم طول العمرررر …….

معلش يا بنات طولت عليكوا بس انا برضو بعد الخطوبة نصايح كتير اخدتها من ناس عندهم خبرة اكتر مني و حاجات كتير لاحظتها ان خطيبي و اي راجل بيحب يشوفها في شريكة عمرة وحبيت ان كلكوا تلتفتوا ليها وتاخدوا بالكوا منها عشان دايما يكون شكلنا حلو ادام خطابناااا و ياريت محدش يزعل من هزاري

[SAMAA22]

thanks alot

[محمد خليفة 6]

ههههههههههه والله لو البنات كلهم عملوا اللى بتقولى

علية دا هههه هيبقوا ملايكة ويتجوزوا بسرعة مش يقعدوا

على الرف سنة ولا اتنين ولا تلاتة

بصراحة انتى جريئة جداً فى نصائحك اتمنى البنات ياخدوا بيها

[زكريات]

:0 22yb4:كلامك صح برافووووووووووووووو

[شذى العطر]

شكرا ليكي على النصائح الرائعة
ومنها البنات بيعملوها حتى لو مفيش حاجة
وفي منها كتير مخطوبة مش مخطوبة لازم تعمليها
زي مثلا الاسنان حتى لو مش مخطوبة لازم تنظفي سنانك
الاظافر لإما تقصيها وده اغلب البنات تعمله لإما تخليها نظيفة على الاقل
وزي نظافة الملابس
وهكذا حاجات لازم تكون اصلا في البنت حتى لو متخطبتش
وكرم منك انك تكوني عارفة معلومات وتقوليها في ناس بتخبي المعلومات والحاجات ديه لنفسها

[.fatima]

ههههههههههههه
البنوته لازم بتكون كده اصلا مش محتاجين نتخطب علشان نهتم بنفسنا
ده النظافه من الايمان
طريقتك عسل اوى مننحرمش منك

[totta2101]

معلش يا بنات طولت عليكوا بس انا برضو بعد الخطوبة نصايح كتير اخدتها من ناس عندهم خبرة اكتر مني و حاجات كتير لاحظتها ان خطيبي و اي راجل بيحب يشوفها في شريكة عمرة وحبيت ان كلكوا تلتفتوا ليها وتاخدوا بالكوا منها عشان دايما يكون شكلنا حلو ادام خطابناااا و ياريت محدش يزعل من هزاري

ولا يهمك علي التطويل وشكراااااااا حبيبتي للمعلومات .. جزاك الله كل خير
والف مبروك للخطبه وان شاء الله نسمع منك احلي اخبار ..

وفعلاااااااا عندك حق في كلامك في حاجات كتيير لازم ناخد بالنا منها بس اكيد في حاجات تانيه كلنا عارفنها مش محتاجه ياعني ( ( ولا ايه ؟؟ ) )

[أبوبسملة ياسر خليفة الطحاوى]

والله كلام فى محله

للاسف فيه بنات كتير بتقع فى كده

[صوت العقل]

والله نصايح قيمة جدا .. والمفروض تكون دى طبيعة البنات
من غير ما تستنى الخطوبة .. اساسيات النضافة دى من الصغر ..
والمفروض الاهتمام الشخصى دايما من غير الخطوبة ..
وعجبنى جدا اهتمامك بالكلمات الرقيقة قدام خطيبك ..
هيزعل جدا لما يتفاجئ باسلوب كلامك التانى ..
شكرا على الموضوع ..

[لافانيا]

شكرا للمرور

[جمانة2]

هههههههههههههههههههههههه
ههههههههههههههههههههههههه
ايه يا بنتى شايلة دة كله ف قلبك
شعر امنا الغولة وضاربة فول
ههههههههههههه
وطبعا مش هنزعل من طريقة هزارك
لان كل الحاجات اللى قولتيها معروفة
بس الكتابة المميزةوخفة الدم بتاثر
بجد فانتاستيك