بتسدخمى الفيس بوك يبقى لازم تقرى القصة الحقيقية دى

[Mr Mostafa Goda]

تنبيه هااااااااااااااااااااااااااااااااام لكل بنات الفيس بوك.

كل بنت علي الفيس بوك ياريت تقري الرسالة دي وتفهميها قوي

منار بنت عندها 16 سنة دخلت الفيس بوك بسبب اصدقائها اللي قالوا انه حلو وجميل دخلت الفيس بوك وحطت صورة رومانسية عبارة عن وردو حمراء جميلة وقررت انها مش هتضيف غير اصدقائها واقاربها وبس وفعلآ ده اللي ...حصل وبقت كل يوم بقي ت...ح...ط اغانى وفيديوهات رومانسية وصور رومانسية اصلها علي كلامها... بنت رومانسية قوي وبعد فترة كده لقت واحدة صاحبتها عملة تاج ليها علي صورتها فى رحلة كانوا مع بعض فيها ولقت تعليقات ناس اصدقائهم وناس من برة وكده المهم قالت طيب اشمعنى انا قامت بدأت في رفع صور ليها كتير جدا جدا وبدأت بقي تقبل صداقات كل الناس ولقت الشباب بدأت تعلق ايه القمر ده ايه الجمال ده بجد بسم الله ماشاء الله عليكى قمر منور الفيس بوك وكلام من اللي انتوا عارفينه وطبعا بما انها رومانسية فده كان عجبها قوي وكل ما تسمع كلام اكتر تحط صور اكتر وتلاقي كلام احلي كل يوم وبعد فترة دخلت الفيس بوك لقت بنت ضايفة الأيميل بتاعها واتكلمت معاها

وكان بينهم الحوار ده

منار .. هاي

مروة .. هاي

منار .. انتى مين

مروة .. انا مروة من مصر وانتى ؟

منار .. انا منار من القاهرة

مروة .. انا 30 سنة متزوجة وانتى

منار .. انا 16 سنة

مروة .. ياااااااااه انتى لسه صغيرة

منار ..هههههههههههه بكرة اكبر

مروة .. تعرفي يا منار انى كنت زيك كده بحط صوري وكلها حتى في البيت بس بعد فترة حصلت مصيبة

منار .. مصيبة ايه ؟

مروة .. لقيت شاب بيكلمنى وبيقولي انا لازم اقابلك قولتله انت مش محترم

قالي خلاص براحتك بس صورك دي هتبقي علي كل المنتديات وهفضحك

ولقيته بعتلي صوري فعلا غير لائقه وكأنها حقيقة

منار .. يانهاري طيب انا الحق اشيلهم بقي قبل ما اي حد يعمل اي حاجة

مروة .. بعد ايه بقي ما خلاص

هتقابلينى امتى يابنت انتى

وفجأة بعت ليها كل صورها وهي فى وضع لا يليق وكمان ايه بيكلم الناس علي اساس انه هو هي

وطبعا بما ان البنت صغيرة ومش عارفة تفكر قالتله خلاص انا هقابلك

وفعلا راحت وقابلته ولقيته انسان مش محترم خالص وطلب معاها انها تطلع معاه شقة وللأسف يا جماعة طلعت وبجد دي قصة حقيقة وكانت مكتوبة في احد الصحف المصرية ولقت معاه شباب تانيين وطبعا انتوا عارفين حصل ايه وقالتله خلاص بقي هات الصور قالها صور ايه انتى هتفضلي معانا هنا تخدمينا وفضلت لأن خوفها من اهلها كان اقوي من تفكيرها وطبعا خسرت شرفها وخافت ترجع لأهها فقررت انها تكون مع الشباب دي وبدأو الشباب اصلا بيتاجروا فيها وتحولت من مجرد فتاة فيس بوك الي فتاة ليل وكانت جريمة قوية بس الشباب اتحاكموا بس عشان الفتاة كانت قاصر بس الحقيقة انها كانت فاهمة ومدركة خطورة اللي بتعمله

والله ده ممكن يحصلك يمكن انتى تعرفي تتصرقي تصرف تانى بس ليه اصلا صورك علي الفيس عشان تسمعي كلمة حلوة

اه لا انتى اللي كل اللي عندك بنات بس طيب اهو بنت وطلعت ولد

لا انا معنديش غير قرايبي وبس

طيب بس اعرفي ان صورك ممكن تتاخد كوبي علي الأقل صورة البروفايل

وبعدين بقي

اوعي يغرك اسم اكونت اي شاب او حتى بنت ولا صورته ولا اي شئ واوعي تثقي في اي حد مهما كان وياريت الجملة بتاعة انت اول شاب اكلمه دي منسمعهاش ولا نقولها

ومتقوليش بجد انا معرفش انا بكلمك ليه

ساعتها تأكدي انك منومة مغناطيسيآ وحتى ان كان الشاب محترم انتى بتديله مجال انه يتحول

حافظى علي نفسك عشان انتى جوهرة ولازم تصونيها

قبل ما تتحولي زي منار

فبجد ياريت يا جماعه نبعت الرساله ديه لكل اللى عندنا واى ادمن فى اى جروب يبعتها .وشكرا

وعاوز اقول حاجه يابنات حتى لو القصه دى مش حقيقيه لازم تخلى بالك على نفسك وتحافظى على نفسك احنا بنسمع كتير عن المصايب الى بتحصل على النت بالصور

عشان كده ياريت كل بنت تشيل الصور بتاعتها من الفيس بوك اكيد كلنا بنسمع عن الى بيحصل عالنت بالصور حتى لو مش بتصدقى ومش بتقتنعى مفيهاش حاجه انك تخلى بالك وتحفظى على نفسك اكتر بلاش تحطى صورك ويارب يحفظنا جميعا

[(( لؤلؤة الايمان ))]

اللهم احفظ جميع بنات المسلمين من الفتن ......... جزاك الله كل خير على القصة

[سمسمه الشطوره]

قصه مفيده جدا

جزاكـ الله كل خير

[*تائبة فى رحاب الله*]

اللهم احفظنا من الفتن واحفظ جميع بنات المسلمين،،،
الحمد لله انا مش مقتنعة بالفيس بوك دة ،،،وليه البنت اساسا تسجل عليه وهو موقع تعارف !!(دة رايى)
جزاكم الله خيرا لعل الجميع يتعظ

[الوردة الوحيدة]

جزاك الله كل خير
وأنا رايي ان الفيس بوك مضيعة للوقت لا أكثر وانا عن نفسي مش بستخدمه نهائيا

[ريناد أسامة]

لا الحمدلله أنا بستخدمه فى حاجات مفيدة وإفتخر بكده وعمرى مافكرت أحط صورتى أبداً ولا عمرى هحطها

[مروة محمد فراج]

الحمد لله انا اصلا مش مقتنعة بفكرة الفيس دى

[شذى العطر]

جزاكي الله كل خير
الحمد الله مش مشتركة ولا عايزة اشترك
كفاية عليا منتدى

[إليزابيث]

و الله موضوع مفيد جدددددددددددددداااااااااااااااااااااا
ربنا يحفظنا م الفتن

[جمانة2]

جزيت خيرا
المشكلة بقى ان فيه ناس كتير فاكرة ان الغلط دة وكلام الشباب
حلو فى الدنيا وفى الاخرة عذاب مع انهم للاسف بيتعذبوا مرتين
ناس كتير كانت بدايتهم كدة خافو من الفضيحة وعملوا فضيحة اكبر منها
ونسيوا الاية الجميلة اللى بتقول ومن يتق الله يجعل له مخرجا
يعنى لو هى لو كانت تابت توبة نصوحة مكنش حصل دة كله والناس دلوقتى معظمهم عرفوا يعنى ايه
فبركة

[moon light2012]

اصلا مينفعش البنت تعمل لميل فيس لانها اكيد هتكلم ولاد
وربنا يحفظ البنات كلها ان شاء الله

[(*أحمد عرفة*)]

اللهم احفظ مجتمعنا من فتن الغرب ال**** و احفظ فتياتنا و نساءنا يا رب .... امين .... امين .....

[هويدااحمد76]

[أمير العرب2000]

جزاك الله خيرا على نصيحة اخواتك

[أنا مسلمة]

اللهم استرنا فوق الارض وتحت الارض ويوم العرض عليك

شكراً علي القصة