مفيش مرتبات لأساسى 219.60 فى محافظة المنيا شهر 6

[عماد متعب عبد النبى]

يا جماعة النهاردة أتاكدت أن استمارات المرتبات تم فيها فصل كل من له أساسى 219.60
يعنى فى استمارة لوحديها . فى كلام انه المرتب هيكون فى 7
كمان الاساسيين القدام يخصم منهم 25% حوافز .
والله أعلم
على فكرة مش أنا اللى قولت كدا أنا كنت فى الادراة النهاردة وسألت ولقيت نشرة متعلقة بالكلام دا .


حســــــــــــبى الله ونهم الوكيل مفيش الا محافظة المنيا بجد لازم تكون هناك وقفة عند المديرية .


يا ريت اللى عنده معلومة يطمنا

[أبوبسملة ياسر خليفة الطحاوى]

الله يبشرك
الله يبشرك
الله يبشرك
وحسبنا الله ونعم الوكيل

[أبو زيدو]

انتوا بتجيبوا الكلام دة منين

[ريمون تايب]

يا ريت توضح المعلومه انا مش فاهم ونسال مين في الاداره انا مدرس لغة انجليذية من المنيا ضروري

[asdxtiger]

يا جماعة خبر زى ده هيقلب الدنيا والبلد مش ناقصة يا ريت نتأكد الاول

[عماد متعب عبد النبى]

المشاركة الأصلية كتبت بواسطة asdxtiger

يا جماعة خبر زى ده هيقلب الدنيا والبلد مش ناقصة يا ريت نتأكد الاول

أقسم بالله العظيم
أنا عندما كتبت هذا الخير لم يكن بغرض البلبلة أو اشاعة على الفاضى لان كلنا اليومين دول عايشين على أعصابنا
ولكنــــــــــــــــــن
أنا كنت فى ادارة أبوقرقاص لاستخراج شهادة خبرة ووجدت ورقة معلن عنها مكتوب فيها الكلام اللى أنا قولته فوق ولم سألت الموظفين عن كدا قالوا دى تعليمات جايه من المديرية .
أنا كتبت الخبر عشان حضراتكوا تتأكدوا لو حد يعرف موظف ذو ثقة فى المديرية يبلغنا .

يا جماعة لو الخير ده صحيح يبقى لازم نشوف نعمل ايه بالظبط .

واللى عنده معلومة يا ريت يقولنا من فضلكوا .

[عماد متعب عبد النبى]

على فكرة مبررات الموضوع دا انه لا يوجد موازنة كافية وفيه عجز فى المزانية
دا الكلام اللى عرفته من زمايلنا

[waheed hilmy]

انا كنت فى ادارة بنى مزار اليوم ومفيش الكلام دة ثانيا المرتبات اتعملت زى كل شهر واتسلمت بالفعل موضوع 25% شهر 5 اتخصمت 25 بس رجعوا فى كلامهم وصرفناها فى استمارة لوحدها غير استمارة المرتب بس الشهر دة مفيش فى حاجة واتعمل واتسلم ومينفعش يقبض مدرس ويسيب مدرس ومفيش حاجة اسمها مدرس قديم وجديد فى المرتبات لان المرتب فاتح بيت للكل

[محمد نجاح محمود]

انا اتاكدت من الكلام دة ولازم نتحرك بسرعة ويكون لنا وقفة فى المحافظة بس لازم يكون العدد كبير لضمان سرعة الاستجابة وتحديد يوم للتجمع والذهاب الى المحافظة

[عماد متعب عبد النبى]

المشاركة الأصلية كتبت بواسطة محمد نجاح محمود

انا اتاكدت من الكلام دة ولازم نتحرك بسرعة ويكون لنا وقفة فى المحافظة بس لازم يكون العدد كبير لضمان سرعة الاستجابة وتحديد يوم للتجمع والذهاب الى المحافظة

لو سمحت أنت حضرتك أتأكدت منين وادارة ايه حضرتك

[ريمون تايب]

ياجماعة الكلام دة اكيد بجد حد يرد ضروري

[مصرى أنا]

أنا سمعت الكلام ده برضه من زميل لى فى المدرسة بس مش عارف الصراحة هل ده حقيقى ولا لأ
فين معلمى المنيا أو حد ادارى يوضح

[مصطفي ابوطلب]

المعلومة الاكيدة باذن الله ان المرتب مفصول على استمارتين واحدة بدل اعتماد ومعاها الحوافز 25فى الميه والاستمارة التانية فيها باقى المرتب يعنى مفيش حاجة اتخصمت بس الجزء ده هيتاخر شويه لان الميزانيه خلصت اللى هى بتاعت السنة اللى فاتت هذا ما حث بالضبط فى مدرستنا لكل المعلمين

[مصطفي ابوطلب]

احنا محافظة قنا يعنى الهم على الكل علشان المنياوية ميزعلوش ويشرفوا الصعيد ويكونوا مع التغيير ويدوا صوتهم للمرسى

[مصرى أنا]

المشاركة الأصلية كتبت بواسطة مصطفي ابوطلب

المعلومة الاكيدة باذن الله ان المرتب مفصول على استمارتين واحدة بدل اعتماد ومعاها الحوافز 25فى الميه والاستمارة التانية فيها باقى المرتب يعنى مفيش حاجة اتخصمت بس الجزء ده هيتاخر شويه لان الميزانيه خلصت اللى هى بتاعت السنة اللى فاتت هذا ما حث بالضبط فى مدرستنا لكل المعلمين

يعنى ايه مش فاهم ؟؟؟؟؟؟؟؟؟؟؟؟؟؟؟؟؟؟

يعنى هنقبض كام فى الأول فى شهر 6 وامتى ؟
طيب والباقى هنقبضه مع شهر 7 .
حد فاهم يا جماعة !!!!!!!!!!!!!!!!!