اسئلة علم اجتماع واقفة معايا + طلب توضيح نقط معينة

[bam8572]

السلام عليكم

اسف ياشباب انا عارف الاسئلة ممكن تكون سهلة بس لإنى بقالى مدة قاعد من درس علم النفس فقلت اسألكم هنا


الاسئلة والجزئيات المطلوب توضيحهات بالترتيب فى المنهج..

- ما اوجه التلاقى او التشابه بين افكار كل من بن خلدون ودور كايم

- تعريف البناء الاجتماعى مش عارف احفظه ولا افهمه ياريت لو تقدروا تبسطوه ليا

- تعريف النظم الاجتماعية ^^ نفس الفكرة كدا مش عارف اعمل حاجة فيه

- اهمية دراسة التغير الاجتماعى ^^ نفس الفكرة كدا


بشكل عام فى مادة علم النفس والاجتماع

انا ممكن اذاكر مثلاً 4 صفحات كويس جداً ,, لما اجى احل عليهم , كل الذى ذاكرته فى دماغى بس ببقى مش عارف اكتب انهى جزئية ولا عارف ابدء منين ياريت تساعدونى فى الموضوع دا

[bam8572]

للرفع

للرفع

للرفع

[هالة محمد 2]

المشاركة الأصلية كتبت بواسطة bam8572

السلام عليكم

اسف ياشباب انا عارف الاسئلة ممكن تكون سهلة بس لإنى بقالى مدة قاعد من درس علم النفس فقلت اسألكم هنا


الاسئلة والجزئيات المطلوب توضيحهات بالترتيب فى المنهج..

- ما اوجه التلاقى او التشابه بين افكار كل من بن خلدون ودور كايم
بصراحة دى مش عارفهابدل ما اكتب حاجة غلط
- تعريف البناء الاجتماعى مش عارف احفظه ولا افهمه ياريت لو تقدروا تبسطوه ليا
هو كل مترابط ومتفاعل من انماط الجماعات الاجتماعية والنظم السياسية الاساسية والادوار التى يزاولها الافراد والجماعات وما تقوم بينهم من علاقات اجتماعية متبادلة
- تعريف النظم الاجتماعية ^^ نفس الفكرة كدا مش عارف اعمل حاجة فيه
اولا فكرة الحفظ فى التعريفات او اى حاجة فى ناس ممكن من كتر التكرار او انتا مع نفسك ممكن تربها بحاجة معينة او اسلوب معين يعنى الاول هتحفظ التعريف بس تركز وممكن تربطة بحاجة انتا تفتكرها مع التكرار والحل بيقبت كل حاجة
يعنى التعريف هيكون(عبارة عن جماعة اجماعية كبيرة تكونت بقصد تحقيق اهداف محددة ومعلنة بوضوح ومن امثلتها الشركات والجامعات وهكذا
يعنى دى سهلة ممكن تفسرها تنظيمات اجتماعية زى ما تكون فى نادى انتا واصحابك بتعملوا فريق معين علشان تكسبوا دا بيكون لهدف معين يعنى تفسرها بحاجة زى كدا
- اهمية دراسة التغير الاجتماعى ^^ نفس الفكرة كدا

الاهمية هيساعدنا على الوقوف على المراحل التى مر بها المجتمع ومعرفة خصائص كل مرحلة - المقارنة بين الماضى والحاضر لمعرفة ما وصل الية المجتمع من تقدم
-امكانية التنبؤ بما سيكون علية مستقبل المجتمع -تقويك مدى كفاءة الوسائل المستخدمة فى هذا التغير -التعرف على الااثار الناتجة عن التحولات فى المجتمع وهل هى مادية ام تكنولوجية ام ثقافية
بشكل عام فى مادة علم النفس والاجتماع

انا ممكن اذاكر مثلاً 4 صفحات كويس جداً ,, لما اجى احل عليهم , كل الذى ذاكرته فى دماغى بس ببقى مش عارف اكتب انهى جزئية ولا عارف ابدء منين ياريت تساعدونى فى الموضوع دا

اولا علم النفس سهل جدا مش صعب زى ما الكل متخيل يعنى فى كل حاجة ممكن حضرتك تربها بحاجة معينة تحاول تفهمها مش تحفظها لان لو بالحفظ الصم اكيد ممكن تنسا وبالنسة للحل بيكون كل سؤال لية جزئية مش اكتر مش جزئية وياريت تكتب كل حاجة تعرفها عن السؤال علشان تضمن الدرجة ومع كتر الحل كل حاجة هتسبت
ياريت اكون قدرت افيدك

[totta2101]

ما اوجه التلاقى او التشابه بين افكار كل من بن خلدون ودور كايم

اعتقد ان اجابه السؤال دا في ان
ابن خلدون واميل دور كايم حددو موضوع علم الاجتماع وهو دراسه الظواهر الاجتماعيه
ودراسه الحقائق

- تعريف البناء الاجتماعى مش عارف احفظه ولا افهمه ياريت لو تقدروا تبسطوه ليا

بص البناء الاجتماعي ياعني المجتمع
هتقولو بيتكون من ايه تقول زي ( الجماعات( الاسره ) والنظم( النظام الاقتصادي مثلا) والادوار التي يزاولها افراد ( ما اكيد الي هيقوم بالادوار افراد صح )
وما بينهم من علاقات ( تعاملنا مع بعض )



كلامي مش تريقه ولا حاجه عشان متفهمنيش غلط انا بحفظها كدااااا

- تعريف النظم الاجتماعية ^^ نفس الفكرة كدا مش عارف اعمل حاجة فيه

اعتقد هاله قالت كلاااااام سهل في الجزئيه دي

- اهمية دراسة التغير الاجتماعى ^^ نفس الفكرة كدا

دي بقي ليها طريقه حلوه ياريت تعجبك

هي خمس نقط مش هتحفظ غير رقم 1 و 5 هتقولي ازي ؟؟ هقولك خليك بس معايا

1- معرفه المراحل التي مر بها المجتمع وخصائص كل مرحله (( قصده ماضي وحاضر ومستقبل المجتمع هي دي المراحل )) هتكتبله كل وحده فيهم في سطر

2_ معرفه ما حققه المجتمع من تقدم ( الماضي ياعني )
3- معرفه الاثار النناتجه عن التغير ( الحاضر )
4- التنبؤ بما سيكون عليه المجتمع مستقبلا( المستقبل )

5- تقويم الوسائل التي لجأ اليها المجتمع اثناء تغيره

بشكل عام فى مادة علم النفس والاجتماع

انا ممكن اذاكر مثلاً 4 صفحات كويس جداً ,, لما اجى احل عليهم , كل الذى ذاكرته فى دماغى بس ببقى مش عارف اكتب انهى جزئية ولا عارف ابدء منين ياريت تساعدونى فى الموضوع دا[/quote]

وبكتر الاسئله وتكرارها بتحفظ هو عايز انهو جزء بالظبط ركز علي الاسئله اكتر من الحفظ
وخلي بالك ان السؤال بييجي بكذا طريقه

[totta2101]

اتمني يكون طريقي في الاجابه وضحتلك
الي تقصده
وتكون استفدت

[kantocha]

البناء هو كل مترابط متفاعل من انماط الجماعات زى الاسره والمدرسه ودا سؤال عليك بتاع الانماط والنظم الاساسيه بردوا دا دا سؤال عليك زى النظام التربوى والسياسى والاقتصادى والادوار التى يزوالها الافراد والسؤال دا عليك والعلاقات التى تنشأ بينهم دى بقى احفظها انا استاذ علم نفس وفلسفه على فكره

[bam8572]

هالة ( واى إفادة , تسلمى والله وبجد بسطتى لى حجات كتير مكنتش عارف اسهلها على نفسى )
توتا ( الحمد لله والله ياتوتا دون اى مجاملة وطريقتك لذيذة جداً ,, )
كانتوشا ( الف شكر لحضرك يا مستر وليا عظيم الشرف بتواجد حضرتك فى موضوعى وان شاء الله هفحظ الجزء اللى قولتلى عليه وربنا معانا كلنا )


بجد الف شكر ليكم تعبتكم معايا ,,

thx all

[totta2101]

المشاركة الأصلية كتبت بواسطة bam8572

هالة ( واى إفادة , تسلمى والله وبجد بسطتى لى حجات كتير مكنتش عارف اسهلها على نفسى )
توتا ( الحمد لله والله ياتوتا دون اى مجاملة وطريقتك لذيذة جداً ,, )
كانتوشا ( الف شكر لحضرك يا مستر وليا عظيم الشرف بتواجد حضرتك فى موضوعى وان شاء الله هفحظ الجزء اللى قولتلى عليه وربنا معانا كلنا )


بجد الف شكر ليكم تعبتكم معايا ,,

thx all

لا شكر علي واجب .. المهم تكون استفدت فعلااااااااااا
تحياتي