هجيب مجموع... مش هجيب.....هجيب .....لالالا مش هجيب.....لا هجيب

[prof/sand]

بسم الله الرحمن الرحيم


مش هجيب مجموع السنة دى!!!!!!

لا هجيب ما انا ذاكرت وتعبت وامتحنت وحليت


هو صحيح ده حصل ولكن انا فى اهم فترة بهرب من المذاكرة؟؟؟؟

طيب وفيها ايه ما انتى كنتى فى بداية السنة كويسة جدا



عندك حق!!!لكن برده بالرغم ده ساعتها كنت حاسة انى مقصرة ومش راضية عن نفسى؟؟؟


لازم تحسى انك مقصرة والا مش هتقدرى توصلى للقمة

تمام!!ولكن انا استحق الدرجة اللى انا عاوزاها؟؟؟

وليه لا؟؟؟

عشان انا حاسة ان ناقصنى كتير بالرغم ان مستواى كويس


وليه تحسى الاحساس ده انتى تستحقى الدرجة وهتجبيها بفضل ربنا وهتكون صدمة لكل من حاول التقليل من شانك والتقليل من حلمك هتوصلى ولكن ثقى فى ربنا
هتوصلى ولكن لازم تثقى انك تستحقى الدرجة
هتوصلى ولكن بامر ربنا هو اعلم بما فى القلوب واشعر به قريبا يخفف عنى وعنكم



اسفة انى طولت عليكم ولكن من بداية شهر خمسة وانا اكرر هذا الحوار مع نفسى كتير جدا وياسلام بقى عالشيطان يجى ويحط بهاراته لغاية اما اعصابى تتعب انا ممكن اكون حالة غريبة شوية لان انا مش ضايعة فى المنهج ولا حاجة والحمد لله مذاكرة من اول السنة وبحاول اعمل اللى عليا ومع ذلك اشعر ذلك الشعور

ولكم منى جزيل الشكر على اتساع صدوركم لى

[ahmed H capo]

انا فعلا كدة بالظبط حاسس اني تعبت بس عل فاضي

[mimo108]

انا كده بالظبط كنت بذاكر اول السنة بس كنت حاسة انه مش كفاية دلوقتى فى ايام كتير بكسل اذاكر فيها مع انها اهم فترة وبقول ده ع كده كنت بذاكر فعلا اول السنة
ربنا معانا

[prof/sand]

بس بالرغم من كل ده انا برده متفائلة
تيجوا نتفق ان احنا ندخل الامتحان واحنا واثيقن ان احنا هنقفله ونهدى اعصابنا وياريت واحنا نازلين الامتحان الصبح ننزل لوحدنا عشان الناس القلقانة المكتئبة ده متنقلش لينا قلقها
وحتى لو احنا بنهرب يبقى الحل اننا نحل امتحانات ويبى كده كسرنا حاجز الملل
ورنا يوفقكم ويوفقنى الى ما خير
وشكرا على مروركم