الراجل ده واضح و صريح و كلامه محترم جدا.........

[spidermane23]

يا جماعة انا شوفت كام حلقة للمرشح المحترم حمدين صباحي الراجل ده كلام واضح و صريح مش بيلف و يدور زي ناس كتييير و كمان كل همه محاربة الفقر و حاسس بالناس الغلبانة و كفاية ان في مناظرة موسي و اب الفتوح رفضوا انه يدخل معاهم المناظرة
انا شايف ان الراجل ده عايز يعمل حاجة بجد للبلد مش بتاع كلام و خلاص

[thany2000]

فعلا الراجل دة محترم جدا وكلامة عاقل ومتزن وان شاء الله وانا والاسرة كلها هننتخبة

[MR.Mamdouh Ramadan]

ههههههههههههههههه على اساس ان حمدين هيطبق شرع ربنا ولا دا مش مهم عندك يا اخى اتكسف على دمك دا الاقباط بيرشحوا الاسلامين ويريدون المرشح الاسلامى لثقتهم به حرام عليك

[3amour]

المشاركة الأصلية كتبت بواسطة فتحى ابوالفضل

اعتقد أن الرئيس الذي يستطيع قيادة مصر لا يوجد بين الثلاثة عشر مرشحاَ و أن الرئيس القادر على قيادة مصر لم يظهر بعد


ولك الله يا مصر

طب ماتقولينا مين ولا نتصل ب 0900

[spidermane23]

المشاركة الأصلية كتبت بواسطة mamco2008

ههههههههههههههههه على اساس ان حمدين هيطبق شرع ربنا ولا دا مش مهم عندك يا اخى اتكسف على دمك دا الاقباط بيرشحوا الاسلامين ويريدون المرشح الاسلامى لثقتهم به حرام عليك

يا اخي انت اللي تتكسف علي دمك و خلي كلامك محترم شوية و مش عايز ترشحه انت حر لكن خلي اسلوبك محترم ولا ربنا يستر و يكون ده نفس برضه اسلوب اللي انت عايز تنتخبه

و بعدين هو حمدين ده يهودي ولا ايه ده راجل مسلم و محترم و من زمان و هو واقف ضد مبارك و نظامه
راجل صريح و شايف الناس الغلابة وحاسس بيهم و عايز يبقي فيه عدل و ده نفسه تطبيق للدين

انا مش عارف مرشحين اسلاميين ايه بس هما دول مسلمين و الباقي ملهمش دين يا اخي اتقي ربنا
اللي عايز يطبق الدين بجد هو اللي يبقي حاسس بالناس و يعدل ما بينهم و يبقي عنده ضمير مش اللي بيقول بالكلام و بس علشان يكسب اصوات

[الاستاذ اشرف شهاب]

لكل فرد حريه ان يختار مرشحه دون ان يسب الاخرين

[الزاهد73]

ارجو من الاخوة الاعضاء التزام قواعد الحديث المحترم كل واحد مقتنع بمرشح ينتخبه دون تجريح فى الاخرين وليعلم الجميع ان الصوت امانة و مؤثر و سيسأل عنه امام الله تعالى

[هاجر موسى]

انا هنتخب هذا الرجل المحترم

[محمود فرو]

حرام عليكم إستخدام الدين فى التأثير على الناس بالباطل سيسألكم الله عن ذلك يوم القيامة
أيمكم خلاص إنتهت
اللهم ولى أمورنا خيارنا ولاتولى أمورنا شرارنا
أنا هاأنتخب مصرى مسلم معتدل / حمدين صباحى

[أبو ملك]

الفقراء مع حمدين صباحي
أنا فقير صوتي لواحد مننا حمدين مثلنا

[malakdarsh]

دا علي اساس ان صباحي مش مسلم يعني ولا اي؟
يعني اية اسلامي؟
اسلامي اسم ولا مضمون؟
بلاش نضحك علي بعض ! انت عارف كويس الجماعة اهدافها اي؟ واصةلها اية؟

[رانيا محمود]

حمدين صباحى راجل محترم جدا و فقير وابن فقير مثلنا كلنا , ومحافظ على كلمته مش بيغير وعوده حسب مصلحته وعاوز يكوش على البلد . أكيد هنتخب صباحى ربنا يوفقه

[spidermane23]

المشاركة الأصلية كتبت بواسطة محمود فرو

حرام عليكم إستخدام الدين فى التأثير على الناس بالباطل سيسألكم الله عن ذلك يوم القيامة
أيمكم خلاص إنتهت
اللهم ولى أمورنا خيارنا ولاتولى أمورنا شرارنا
أنا هاأنتخب مصرى مسلم معتدل / حمدين صباحى

ياريت يا استاذ محمود الناس تفهم كده و يعرفوا ان فيه مجموعة بتستخدم الدين للتأثير علي الناس
لكن الناس ديه ربنا هيحسبهم اشد حساب للتلاعب بالدين

[spidermane23]

المشاركة الأصلية كتبت بواسطة رانيا محمود

حمدين صباحى راجل محترم جدا و فقير وابن فقير مثلنا كلنا , ومحافظ على كلمته مش بيغير وعوده حسب مصلحته وعاوز يكوش على البلد . أكيد هنتخب صباحى ربنا يوفقه

الله ينور يا استاذة رانيا
احنا عايزين اللي مننا و اللي حاسس بينا و بمشاكلنا مش اللي عايز يكوش علي البلد و يبقي الحزب الوطني الجديد

[spidermane23]

المشاركة الأصلية كتبت بواسطة malakdarsh

دا علي اساس ان صباحي مش مسلم يعني ولا اي؟
يعني اية اسلامي؟
اسلامي اسم ولا مضمون؟
بلاش نضحك علي بعض ! انت عارف كويس الجماعة اهدافها اي؟ واصةلها اية؟

انت جبت من الاخر احنا مش عايزين الاسلامي بالاسم و الشعار بس احنا عايزين باللي يعمل و ينفذ بالمضمون