هل تستفيدون من دروسكم ............؟

[To Be Is To Do]

ي جماعه لو بصينا للمواد إللى بنأخدها ف كل سنه
ح نلاقى إنها ليست للحفظ والمجموع فقط ، بل لو بصينالها من منظور آخر ، حنستفيد منها كتير

ع سبيل المثال :

قصه العربى : " الأيام " من وجهه نظرى رخمه بس فيها إصرار غير عادى ، الجزء التالت مفيد جدا لكل طالب تملكه الإحباط واليأس

علم النفس : " درس أسس الأستذكار الفعال " الجزء بتاع " الإنتباه " و " زياده الرغبه ف الإستذكار " مهمين جدا لينا كطلاب ثانويه عامه

نص " النسور " رائع ويصور الإصرار لتحقيق الأهداف وعدم التأثر بالخاملين

وطبعا دروس كتيره جدا بس ده إللى ف بالى دلوقتى

هل فكرت ف يوم إنك تنظر لهذه الدروس وغيرها بمنظور الإستفاده الحياتيه وليس المنفعه الإمتحانيه ......................؟!

[هالة محمد 2]

انا انا استفدت من علم النفس جدا من كل الدروس عامتا
وطبعا قصة طة حسين رخمة بس الى حد ما فيها استفادة برضو
ودرس انتا سيد قرارك ودروس كتير وانا كل الدروس بحاول انى استفاد منها فى حياتى قبل ما تكون حفظ للامتحان فقط

[To Be Is To Do]

المشاركة الأصلية كتبت بواسطة هالة محمد 2

انا انا استفدت من علم النفس جدا من كل الدروس عامتا
وطبعا قصة طة حسين رخمة بس الى حد ما فيها استفادة برضو
ودرس انتا سيد قرارك ودروس كتير وانا كل الدروس بحاول انى استفاد منها فى حياتى قبل ما تكون حفظ للامتحان فقط

تمام جدا كده
وفعلا كمان أنت سيد قرارك وغيره كلها دروس رائعه
مشكوره للمرور الطيب

[Dr..Soha]

فعلا كل مادة بصينا اننا هنستفيد منها فى حياتنا ومنبصلهاش انها متطلب امتحانى فقط هتسهل علينا كمان المذاكرة ومش هنمل منها ونزهق ونحس انها رخمة. بالتوفيق لينا كلنا.

[To Be Is To Do]

المشاركة الأصلية كتبت بواسطة سها صقر

فعلا كل مادة بصينا اننا هنستفيد منها فى حياتنا ومنبصلهاش انها متطلب امتحانى فقط هتسهل علينا كمان المذاكرة ومش هنمل منها ونزهق ونحس انها رخمة. بالتوفيق لينا كلنا.

جزانا وإياكى ... أختنا

[mohamed fouadd]

لا مبستفيدش اي شيء الا نادرا , ورآيي انها مناهج متخلفة باستثناء دروس وحاجات قليلة جدا

[karimadel7]

انا بحاول استفاد من اي حاجة اخدها
و فعلا في دروس كتير مفيدة جدا لو بصينا ليها بعيد عن علاقتها بالامتحان

[amothman123]

هناك حاجات فى الدروس ممكن تخليك تقف و تفكر فعلاً .. و حاجات تانية موضوع "للحشو " علشان يبقى الكتاب " تخين " و يصلح يبقى كتاب ثانوية عامة
تقريباً المادة الوحيدة الى مفيهاش أى حشو هو المواد العلمية خاصة الأحياء .. السيال العصبى له كتاب فى طب و مختصر لأربع صفحات بس فى المنهج !
بس الصراحة من أكثر المواد الى بتفيدك بمعلومات لازم تبقى عارفها فعلاً فى حاجات معينة .. الأساسيات يعنى .. تليها علم نفس .. و الإنجليزى مع توسع برة المنهج
و أقل المواد أهمية .. الفرنساوى !!

[To Be Is To Do]

فعلا والله كلكم عندكم حق
فيه مواد لها درجه كبيره من الإستفاده ومواد تانيه للحشو فقط
ربنا يعديها ع خير السنادى

[sameh mostafa]

بالعكس
انا جاااااااااااااااااااااااااااالى احباط من قصة طه حسين بالذات (((سهام القدر))) (((بين اب وابنته)))(((مرارة الفشل))) وزيه كتير
والجولد مسك (((ليلى جابتلى اكتئاب هى واميليا وقلق ومارتن ))))
وغربة وحنين والمساااااااااااااااااااااااااااااء هو مفيش غير ((كم تشتكى ))و((النسور)))ى علم الاجتماع بيقول عصر جمال عبد الناصر (((الاشتراكية)) وعصر السادات((الديكتاتورية)))وعصر مبارك((الحرية والديمقراطية))

[To Be Is To Do]

المشاركة الأصلية كتبت بواسطة the king 2012

بالعكس
انا جاااااااااااااااااااااااااااالى احباط من قصة طه حسين بالذات (((سهام القدر))) (((بين اب وابنته)))(((مرارة الفشل))) وزيه كتير
والجولد مسك (((ليلى جابتلى اكتئاب هى واميليا وقلق ومارتن ))))
وغربة وحنين والمساااااااااااااااااااااااااااااء هو مفيش غير ((كم تشتكى ))و((النسور)))ى علم الاجتماع بيقول عصر جمال عبد الناصر (((الاشتراكية)) وعصر السادات((الديكتاتورية)))وعصر مبارك((الحرية والديمقراطية))

إيه الإحباط ده كله ي بنى
ي عم تفاءل خير