ممكن تساعدونى

[إسلام صبري]

السلام عليكم
انا عندى استفسار
انا احلام فى ثالثه ثانوى علمى رياضه وبدات مراجعه من شهر 3
انا كنت شفت رد لحضرتك فى موضوع بتقول اننا نسى اننا هنمتحن فى 6 و لازم نخلص على نص اربعه
انا قررت دا واعتبرت امتحانى يوم 15 اربعه
وبدات مراجعات خلصت العربى وحاليا براجعه فى الدرس مع المستر زى ما بيقولنا بعمل
والانجليزى كنت خلصت بس نصه وبدانا مراجعه وانا براجع زى ما المستر بيقول وبروح اجمع الاسئله الى غلطت فيها والمها فى كشول واذاكرها تانى وبحفظ ترجمة من قاموس سيربريس
وبحل اسبيكارات على طول واى برجراف بيقابلنى فى الملخص باكتبه
علم النفس انا لسه مخلصت منهجى ودا الى مخوفنى انا بدات متاخر بادة من شهر 12 فيه ولسالى 3 يونتات بس
وفى مستر بيراجع من الاول روحت معاه وبراجع وبخلص فى الدرس التانى الجديد
كل دا مش قلقلنى الى قلقنى الفزيا والرياضه
انا فى الرياضه جبت كتاب 100 فى الميه وجبت الدروس من تانى من الاول كنت بحل كل المسائل وبحل الدليل وكتاب المدرسه والامثله المحلوله فيه
وخلصت لحد دلوقت 4 فروع باقيلى الميكانيكا ودى رعبانى خلصت نص الديناميكة ونص الاستاتيكة ولسه بكمل فيها
ولسه مبداتش حل امتحانات بس كل فترة كدا احل امتحان بس مش بشكل دائم
وخايفه اوى انا لما جيت احل امتحانت كنت محتاسه وحاسه انى مش فاكرة حاجه
والفزيا دى رعبى
انا بدات مراجعه ووصلت لبابا 11 دلوقت باقيلى 4 فصول كدا
بس حقيقى فى نظرى من الى وراه حاسه انى نسياه هو لما قراته افتكرته بسرعه بس خايفه اوى وانا مش هبدا امتحانات شامله الا على 5 كدا على مااخلص المراجعه
ودلوقت بفكر اجيب تانى من الاول من اول فصل على اساس على منا اخلص ال 4 فصول اكون جبتها تانى من الاول
ملاحظة ال 4 فصول دول لسه مااخدهمش فى الدرس احنا متاخرين انا عارفه دول لسه جداد متاخدوش لسه باخدهم وبعدين ابقى اراجعهم
واحل امتحانت
بجد خايفه مش عارفه الى فوق دا يكفى ولا لا
ومرعوبه من الميكانيكا بسبب القوانين والتحويلات وبتنسى بسرعه اوى

[Dr..Soha]

والله ماشاء الله انتى مجتهدة ومعدل مراجعتك حلو اوى وده شىء طبيعى انك تحسى انك ناسية اللى ورا انا كنت كدة فانتى متقلقيش وركزى فى اللى بتذاكريه ومتفكريش كتير فى القديم اللى راجعتيه وبالنسبة للفيزيا فانتو متاخريييييييييييييييييييييييييين اووووووووووووووووووووووووووووى وانا بلوم عليكى انك مغيرتيش المدرس لما لاقتيه متاخر كدة لكن كل اللى تقدرى تعمليه انك تركزى فى اللى فى ايديكى دلوقتى وخلاص . ربنا معاكى . بالتوفيق ياهندسة.

[إسلام صبري]

بجد يا سها والله بجد مرعوبه وكارهه نفسى
كل المدرسين عندنا متاخرين على فكرة بردوا والى سابق وقته مش مناسب ليا

[Dr..Soha]

المشاركة الأصلية كتبت بواسطة إسلام صبري

بجد يا سها والله بجد مرعوبه وكارهه نفسى
كل المدرسين عندنا متاخرين على فكرة بردوا والى سابق وقته مش مناسب ليا

خلااص متفكريش كتير وحاولى تركزى فى المراجعة مع نفسك علشان اللى متاخرين فيه ده تعرفى تذاكريه كويس وان شاء الله ربنا هيسترها