قسم طيران هندسة القاهرة ؟

[eng.mahmoud zenhom]

السلام عليكم ورحم الله وبركاته
من غير ما اطول عليكم
كنت عاوز اعرف من الباشمهندسين اللى فى هندسة القاهرة
ازاى ادخل قسم طيران
انا فى هندسة شبرا الفرقة الاعدادية
وكنت عاوز ادخل القسم ده ومش موجود فى شبرا
انا سمعت ان القسم تقديره مش عالى
فلازم اجيب تقدير فى اعدادى علشان اعرف احول ؟
ولا مادام ان القسم مش موجود فى شبرا فممكن احول عادى
ارجو الرد بسرعة
وآسف للأطالة

[issac-newton]

و عليكم السلام ,
شروط التحويل لقسم غير مناظر .
قسم غير مناظر يعني مش موجود في كلية الهندسة الي حضرتك فيها
و لأن قسم طيران مش موجود غير في هندسة القاهرة , فا كلية الهندسة جامعة القاهرة بتشترط على الراغبين في التحويل لهذا القسم , ان يكون تقديرهم في اعدادي جيد جدا فيما فوق , + هندسة القاهرة هتضيفلك مواد من اعدادي تدرسها كمواد اضافية ,
لما تخلص دراسة اسأل امتى باب التحويل بيتفتح و الورق المطلوب , و غالبا بيتم في مبنى تحويلات جامعة القاهرة بالمدينة الجامعية بجوار مكتب التنسيق الرئيسي , اظن في شهر 7 او 8 . بالتوفيق

[eng.mahmoud zenhom]

جزاك الله كل خير
وشكرا للافادة