ياتري مشكلتي ولا مشكلة الكل !!!

[محمود ابو عيشة]

عايز اعرف المشكله دي عندي لوحدي ولا عند كله خاصة طلبه الادبي والمشكله هي :
انا اعد اذاكر باب فلسفه او علم نفس وبعد ما اخلص اجي احل مش بعرف احل مش عارف ليه
ياتري هي عند كله ولا عندي بس
محتاج ردودكم ومساعدتكم لاني بجد زهقت من المواد دي
وكنت اخدت قرار هو اني ادور علي كتب خارجيه سؤال وجواب واريح دماغي
وشكرا

[Dr/Reem2011]

بص يا سيدي انا كنت علمي بس كنت واخده ماده ادبيه فلسفه

والله انا كنت بذاكرها قبل اما اروح الدرس على طول عشان لو اتسالت والا حاجه

والماده الوحيده اللي مجبتلهاش كتب خارجيه

وعلى الرغم من كده كنت بحبها

تصدق كده؟؟

كنت بحفظ فيها ما قل ودل واخلص مع انها ماده دش تكتب اكتر تاخد درجات اكتر


بس شديت فيها في الاخر الصراحه وكنت بحل من مذكره المدرسه

اما موضوع سؤال وجواب ده فانا مايدهوش

الا اما تكون ذاكرت بقه وبتاكد

انك تبص على السؤال وتخبي الاجابه وتجاوب مع نفسك وبعدين تبص على الاجابه تلاقيه
مجاوب بس مثلا مزود جزئيه معينه تقوم حاططها في مربع وتقول دي انا لما ييجي السؤال ده اكتب دي لاني مكتبتهاش وانا بجاوب

مفيهاش حاجه اما تكلم نفسك يعني
بس لو حد شدك على مستشفى المجانين
ولا اااااااااااااااااااااااااا اعرفك


ده رايي ودي ماده حفظ حفظ اكتر من انها فهم
بس الفهم ميخسرشي برضو

وحلوه فكره الاسئله المتجاوبه دي على فكره
اعلملها
ااما موضوع علم النفس بقه فمعطلكشي
معرفشي فيها كلمه
بس نفس الطريقه مش هتخسر يعني

وبالتوفيق يارب

[doha94]

المادتين دوول بيتنسوا بس الفلسفه هى اللى بتتنسى اوى علم النفس كويس بس لو راجعت على طول عليهم هيثبتوا ومش هتنساهم
انا بذاكر باب باب واحل عليه فى ساعتها من كتاب كشكول الاول فى المادتين
هات الكتاب ده حلو اوى وربنا معانا كلنا يارب

[Dr..Soha]

انا كنت واخدة مادة ادبية علم نفس والحمد لله جبت فيها 50 انا كنت بذاكر درس بدررس كويس جدا وجيت فى الاخر بدات اذاكر واحل بس اول مابدات حل كان عندى نفس مشكلتك كنت بحل من الوسام تانى مراجعة الموضوع بدا يتظبط معايا وكنت بحل من دليل التقويم . نصيحتى انك تركز جدا وانت بتراجع النظرى قبل ماتبدا حل وتحاول تعلم التعريفات بعلامات علشان متنسهاش . بالتوفيق.