أستفسار هام جـــدا

[نانـــسى]

السلام عليكم الاول انا كان عندى استفسار هل لسه فى قدرات لهندسة معمارى وهل هى بقت ف الكليه بس ومبتعتمدش على امتحانات ثانويه " لائق او غير لأئق " وهل لو فى وعملتها وتم قبولى وسبب كده انى خايفة ملحقش هندسة الكترونى فقولت لو اقدر ادخل هندسه معمارى وبعديها ف اعدادى اقدر احول ؟؟؟؟ هل يمكن التحويل ولا بيكون امر واقع عليا ومقدرش احول ليها
أرجوا الافادة ضرورى

[issac-newton]

و عليكم السلام و رحمة الله و بركاته , بالنسبة لعمارة فا اظن في قدرات تبع كلية فنون جميلة ,
+ ليا صديق كان في هندسة إلكترونيات منوف و عمل تحويل لهندسة المنصورة , و لكن الوضع بيفرق من جامعة لجامعة بس في المنصورة نفع .
+ ربنا يكرمك و تلحقي هندسة , + " كرأي شخصي انا ما بعترفش بقسم عمارة كقسم هندسي " هوا قسم فني من الدرجة الاولى و بيحتاج موهبة و لكن الي بيطلع في وجهة نظري مش مهندس , ودا مجرد رأي شخصي مش أكتر , بس هوا مناسب للبنات

[alsayed2012]

ليه حضرتك بتقول ان قسم هندسه العمارة او المهندسين اللى بيتخرجوا منه مش مهندسين ليه انا طالب فى كلية الهندسه جامعه الزقازيق قسم كهرباء واعتقد ان كل قسم فى الجامعه ليه فايدة معينه يعنى مينفعش تجيب طالب فى فنون جميله يعمل شغل المهندس او المهندسه المعماريه معتقدش لانه بيحتاج خيال وكفاءة عاليه ..............ز

[alsayed2012]

المشاركة الأصلية كتبت بواسطة نانـــسى

السلام عليكم الاول انا كان عندى استفسار هل لسه فى قدرات لهندسة معمارى وهل هى بقت ف الكليه بس ومبتعتمدش على امتحانات ثانويه " لائق او غير لأئق " وهل لو فى وعملتها وتم قبولى وسبب كده انى خايفة ملحقش هندسة الكترونى فقولت لو اقدر ادخل هندسه معمارى وبعديها ف اعدادى اقدر احول ؟؟؟؟ هل يمكن التحويل ولا بيكون امر واقع عليا ومقدرش احول ليها
أرجوا الافادة ضرورى

لا انتى حضرتك بتدخلى اعدادى هندسه اول سنه فى اى جامعه على حسب مثلا جامعه الزقازيق انتى بتدخلى اعدادى ولو جبتى مقبول تدخلى اى قسم انتى عايزة لكن قدرات والكلام ده مفيش ده لو جامعه الزقازيق لكن انا معرفش الجامعات التانيه بدخل بتقديرات ايه

[نانـــسى]

شكرا جدا للاهتمام وانا ان شاء الله بحاول ابذل مجهود ادخل بيه هندسه دعواتكم

[issac-newton]

alsayed2012 , تمام يا باشهندس حضرتك كلامك صح جدا و كل واحد متميز في مجاله , هو بس يمكن عشان انا بحب مواد معينة و من وجهة نظري شايف انها اساس اي مهندس و ما بيتمش تدريسها في عمارة او بيتم تدريسها على استحياء , بس في دول كتير فصلت عمارة عن كلية هندسة اهمهم امريكا , فيه مهندس و في معماري و دا الصح من وجهة نظري , الطالب الي هيدخل قسم عمارة ملوش لازمة يضيع وقت كبير في اعداي يدرس مواد مش هتكمل معاه , فا الاحسن انه يدخل 5 سنين عمارة من اول سنة في كلية مستقلة محترمة تابعة للنقابة .

[بسمة العرب]

المشاركة الأصلية كتبت بواسطة issac-newton

alsayed2012 , تمام يا باشهندس حضرتك كلامك صح جدا و كل واحد متميز في مجاله , هو بس يمكن عشان انا بحب مواد معينة و من وجهة نظري شايف انها اساس اي مهندس و ما بيتمش تدريسها في عمارة او بيتم تدريسها على استحياء , بس في دول كتير فصلت عمارة عن كلية هندسة اهمهم امريكا , فيه مهندس و في معماري و دا الصح من وجهة نظري , الطالب الي هيدخل قسم عمارة ملوش لازمة يضيع وقت كبير في اعداي يدرس مواد مش هتكمل معاه , فا الاحسن انه يدخل 5 سنين عمارة من اول سنة في كلية مستقلة محترمة تابعة للنقابة .

انا مع حضرتك ان العمارة فن وهى ام الفنون وعلى فكرة دى حاجة مخليانى بحب القسم اكتر لكن برده لو حضرتك بتتكلم عن الدراسة فهى ليها علاقة وثيقة بالهندسة مع العلم ان انا فنون عمارة وانا فخورة بالقسم ده وانه تبع فنون جميلة كمان وياريت حضرتك تذكر المواد اللى هى اساس اى مهندس ولا تدرس فى العمارة

[issac-newton]

تمام عمارة قسم رائع جدا , و بيتطلب شخص عنده حس فني من الدرجة الاولى , المواد الي اصدي عليها , و المواد الي انا اصدي عليها مواد اساسية اهمها الرياضيات , الفيزياء , الميكانيكا , الحاسبات , مثلا في اولى عمارة في هندسة القاهرة بيتم تدريس مادة الرياضيات و الحاسبات كا كورس واحد , و هي دي السنة الوحيدة , طبعا اكيد مواد زي دي مش مهمة اوي لطالب عمارة , بس هي مواد مهمة لأي مهندس .